Hiburu 3:16 - FỊAFỊA BAỊBỤLỤ

¹⁶ Tamụnọ pọkọ naa tẹ ori na tụḅụrụ atomi ma ḅọrọ tọ apụ? Inimgba tẹ Mozizi tọrọkọ-sụn tẹ Ijiputi ḅụ pakama-ḅo apụ ma.

Hiburu 3:16 Iomraidhean Croise

Devidi-Anume 78:17

Kụma ịn paa si kẹ Tamụnọ mịẹ tọrọkọ, tọrọkọ mum, tẹ ịkpa mẹ ḅio ḅụ kọngọ-kụrọma Gele Tẹịnḅọ ḅe pịrịm.

Devidi-Anume 78:40

Ịkpa mẹ ḅio ịn kẹ kọngọ kụrọma ọ̀ pịrị asakị, kịẹnkịẹn-ọkụ-ofori ḅara; tọnwa asakị ịn nwẹn kẹ ò kururumam!

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Kịẹn-aḅịḅị 14:11

KỊNỊNYANAḄỌ ḅe nwẹnị Mozizi ḅẹẹ, “Mịna atomi ma ì ḍiki-sima mu tọ-sakị la ḅẹ? Yẹrị ini ogbo-ḅio ḅụ mịẹ tẹ ḅụụ-gbiripuma elekima mamgba ḅụ sọ, mu tọ-sakị la tẹrẹmẹ mịna atomi ma ì minini ḅẹ?

Kịẹn-aḅịḅị 14:2

Izirẹlị ḅe apụ mamgba mbụrụmbụrụ Mozizi na, Erọnị na pịrịm; bebe tomina-ogbo mẹ ịn ḅẹẹm, “Mimgbe wa Ijiputi ama mẹ ḅụ sime tẹ fị ịya! Anịanịa, mimgbe wa ịkpa mẹ ḅio sime tẹ fịị ya!

Kịẹn-aḅịḅị 14:24

Kụma ị̀ fịrịmẹnjịḅọ Kẹlẹbụ, ọ̀ sụa tẹmẹ kịrịm, tẹ ḅintẹ ḅara kẹ ì ḍukamẹnjịm ẹrẹsị, arị ori ọkị-ḅo ama mẹ ḅio suu ḅa, ama mẹ tẹ ọ̀ sọ-mu ama mẹ, anịsakị ọ̀ ḅụụ ḅụ paka-ḅo apụ anị nyana ḅa.

Kịẹn-aḅịḅị 14:30

Kẹlẹbụ, Jefune owiḅọtụḅọ ḅe na, Nọnị owiḅọtụḅọ Jọsụwa ḅe na sikima, kpọkpọ gbọrụḅọ-sọ ama mẹ tẹ à ye karị ḅara kẹ ḅẹẹm àrị ọ́ mịẹtẹ ó ḅo anga ḅa nwẹn ḅẹẹ anga mẹ sọ-ḅo ḅịa.

Kịẹn-aḅịḅị 14:38

Kụma arị owiapụ ma tẹ paka-mu ama mẹ ẹnyẹ-apụ ma ḅụụ, Nọnị tụḅọ Jọsụwa na, Jefune tụḅọ Kẹlẹbụ na anie ye ḅụụ laa ḅara kẹ ḍumo-sime yee.

Kịẹn-aḅịḅị 14:4

Ịn nwẹnị jụmọ-jụmọ ḅẹẹ, “Ó yee wa gbọrụ sịḅịdaḅọ sẹlẹ-ọkị, tẹ pịkịma-so Ijiputi mu.”

Kịẹn-aḅịḅị 26:65

Anị kẹ gotẹ ọkọ mịẹ ye ịn gbolomaye ḅụ KỊNỊNYANAḄỌ ḅe ḅẹẹ tẹ, “Ịkpa mẹ ḅio ịn fịị ḅa.” Gbọrụ tomḅọ sọ ịna aḅụụ kọn-a, Kẹlẹbụ, Jefune owiḅọtụḅọ ḅe na, Jọsụwa, Nọnị owiḅọtụḅọ ḅe na sikima.

Ditẹrọnọmị 1:38

Jọsụwa, Nọnị owiḅọtụḅọ ḅe tẹ ọmịna tọrọkọ sịẹsime wararị ḅọ ḅe, ori ọ̀ sọ-mu ḅa; mịẹ tẹ ò ḅiokpọ, kẹ gotẹ ọkọ ḅẹẹarị, ori Izirẹlị mịẹ tẹ ini anị nyana ḅa.

Judu 1:5

Mie-mẹmgba ó nimi wararị sọ, yee à paa kẹ ọmịna ḅiokoroma, sakị ḅẹ gbọrụ sakị ḅụ, KỊNỊNYANAḄỌ ḅe Ijiputi ḅụ Izirẹlịapụ ma ḅọrọma pakama-ḅom, anịtẹso ịna ḅụ minini-a apụ ma ori ịn ḅaa gulugulumam.