Hiburu 3:13 - FỊAFỊA BAỊBỤLỤ

¹³ Anie nakara, mịẹtẹ ọmịna ḅụ si oḅori kẹ gbọrụḅọ sọ sịn tẹ, mḅọ kọngọ kụrọma ḅọ sọ ḅịa ḅara; ene-ḅaaene-ḅaaene, ọmịnị ẹrị, mịnẹ ọ́ ḅarasụa jụmọ-jụmọ pịrịm, Fịafịa Ḍiri mẹ ḅẹẹarị “Mịmgba” nwẹn ḅẹẹ ẹkwẹn mẹ anị kẹ wa ḅẹẹarị sakị goyegoye.

Hiburu 3:13 Iomraidhean Croise

Egberima-Ẹkwẹn 28:26

Í kuromarị aị ngẹrị ḍukamẹnjị mẹ anie oḅori mịẹ. Ye-nimiapụ ma toluma aị ma ḍukamẹnjị tẹ ye ḅụụ la-a ḅara sime.

Ayịzaya 44:20

Ọ̀ fọọn kẹ fịye sọma tẹ fịarị; Ori oḅori akuroma ma ọ̀ da irima mu ọ̀ ḅarasụa nyana ḅẹ yọ saḅa tẹẹ. Ò minini ḍụkụ ḅịa mịnẹ ori ọlọ-sịẹma wararị oru-fụḅara mẹ gbala-gbala tamụnọ-a, ḅọkọ-ḅọkọ mamgba ḅụ.

Obadaya 1:3

Ị́ ḅụụ-gelema mẹ oḅori kẹ ị́ sịn tẹẹ. Ị́ sịḅịda opu ama mẹ anie paịn-paịn-a kụrọ tẹ ḍụḅarịị; Ị́ angarị yọ mẹ nwẹnị gele faa, tụndụ ma ḅio, tẹ mie ḅụ ị́ ị́ ḅụụ ḅẹẹarị, “Tụḅọ inetẹ ị̀ nụnụ iderima ḅẹ mọ?”

Fịrịmẹnjịapụ 11:23

Ò mu la tẹ Tamụnọ kẹ tomi ma boma la ḅara ẹrị sakị, ò ḅioḅẹlẹ tẹ ịn ḅẹẹm mịnẹ in minini kụrọma tẹ iḅiọkụ ịna ḅioḅẹngbọ mamgba kẹ KỊNỊNYANAḄỌ ḅe fịnamaa.

Romu 7:11

Oloko ḅụ mie si otolo ẹrị tẹ ḅo oḅori kẹ ị̀ sịn ye; Oloko ḅụ mie si ḅọrọ tẹ ị̀ ḅaa ye.

Ẹfisọsị 4:22

Mie ḅụ, ọmịnị ọmịna elemu ḅụụ mẹ sịkịị, anie ọ́ mịẹtẹ ọmịnị ọ́ tarị kọn sime ḍumo mẹ kọn ye mẹ — anị elemu ḅụụ mẹ tẹ anị dogi-ḅo ḅo, oḅori kẹ ḅụụ sịn sọlịma aị ma ḅụ, ó guluguluma sime ye mẹ.

1 Tẹsalonịka 2:11

Ó nimi wararị mịnẹ wa kẹ ọmịna ḅụ ḅẹḅọ-ḅẹḅọ mịẹ ḅara gbala ḍaḅọ kẹ amịna awọmẹ na mịẹ-mịẹ ḅara.

1 Tẹsalonịka 4:18

Ọkọẹrẹsị, ọ́ mịna ẹkwẹn ma kẹ jụmọ-jụmọ ḅiokpọma.

1 Tẹsalonịka 5:11

Anie ḅụ, ọ́ jụmọ-jụmọ ḅiokpọmaa, pịkị ḅarasụa jụmọ-jụmọ pịrịị, mị gbọrụ sakị mẹ ḅụ sọ ọ́ mịẹarị ḅara mẹ.

2 Timoti 4:2

oku mẹ ḍukoo; ịgbanị mịnẹ ini anị ḍukoo — kura sakị-o, kura-a sakị-o — ẹkwẹn tomina aḅioḅẹngbọ pịkịị; in ḍiki-ịganịị; pịkị ịna ḅiokpọmaa, í ye-inema mẹmgba kẹ ye-tolumarị sakị.

Hiburu 13:22

Àrị ọ́ tẹkẹm, ị̀ amịnapụ, ọmịnị ekpe deinma tẹ mị ḅiokpọma oku mẹ pokii; kẹ gotẹ ọkọ ḍukoarị, à kẹẹ tẹ kẹ ọ́ fịrịmarị ḍiri mẹ nangwọ ḅaka-a.

Jemụsị 1:14

Kụma tomḅọ mịẹ ḅẹ-ḅiiarị siye ḅẹ kuroma mie mḅọ fọnọ mu daaḍiki ḍiein ḅio koromarị ye.