Hiburu 3:11 - FỊAFỊA BAỊBỤLỤ

¹¹ Àrị ịganị tẹ tẹmẹ-la ḅara kẹ karịm, ‘Ini ma, à minini ịn pịrị tẹ in mu ịnyọsara ḅẹ ama mẹ ḅio gbala-gbala ịn sọ-mu ḅịa.’ ”

Hiburu 3:11 Iomraidhean Croise

Devidi-Anume 106:26

Anie ḅụ ọ̀ kụrọma ịna ḅeri nụnụm mịnẹ ọ̀ mịẹ tẹ ini ịkpa mẹ ḅio fịị ḅa,

Devidi-Anume 95:11

Àrị ịganị tẹ karakara ḅara kẹ ye mininim, ‘À kẹ ọ́ pịrịm ó mu ịnyọsara ḅẹ amakiri mẹ, gbala-gbala ọ́ sọ mu ḅịa.’ ”

Kịẹn-aḅịḅị 14:25

Mịọkụ, Amalẹkị ḅẹ apụ ma na, Kenanị ḅẹ apụ ma na tụndụ ogboku ma ḅụ angarị nwẹn ḅẹẹ sakị, ene-ḅaa ḅụ ó vuunma pịkị tẹ mẹnjị Awụ Tọrụ mẹ muarị etela mẹ ḅụ ọ́ saakị mẹnjị ịkpa mẹ muu.”

Kịẹn-aḅịḅị 14:35

Yẹrị KỊNỊNYANAḄỌ ḅe anị ḍuko tẹ; tụkụma ḅara ḅụ, miemẹ anie à kẹ mie si-sịḅịḅio-sụa tomina-ogbo mẹ tẹ kobiri gboloma tẹ ị̀ da-pakarị apụ mamgba mịẹ ḅarị ḅara; mị ịkpa mẹ ḅio mie ịn gbọrsịḅị ḅo kunoma tẹ ye, anịsakị anịjụ mie ịn fịị ḅarịye.”

Ditẹrọnọmị 2:14

Anịsakị wa Kadẹsị-Baniya koroma-so sakị mẹ nwenii wa Zẹrẹdị Kuroro mẹ saḅa sakị la anie maa akụra ofori kụra amesi, nwenii bebe ḅụọ mẹ anie owu-akọnịapụ ma akpụrụ-warị mẹ ḅio fịị fa famam, KỊNỊNYANAḄỌ ḅe wẹrịtẹ karị ịn pịrị tẹ ḅara.

Hiburu 4:3

Anịsakị wamịnị minini nyana apụ ma Tamụnọ minini ori atomi pịrị ịnyọsara mẹ nyana tẹ. Anie ọ̀ paa ḍuko ḅara mẹ, “Àrị ịganị tẹ tẹmẹ-la ḅara kẹ karịm, Ini ma à minini ịn pịrị tẹ ịnyọsara mẹ ḅio, gbala-gbala ịn sọ-mu ḅịa!” Ó miemẹ ḍukom, karakara ye, tomikiri mẹ tẹmẹ kọrịnama mẹ, Anịngẹ-kụraḅio ọ̀ ḅara fa tẹ ḅẹ sọ.

Hiburu 4:5

Mị gbọrụ ḅẹrẹ mẹ ịn paa anị gboloma ye ḍukoarị: “À kẹ ịn pịrị ḅẹ ịnyọsara mẹ, gbala-gbala ini anị ḅio sọ-mu ḅịa.”

Hiburu 4:9

Anị sime-ḅara, sime-ḅara sọ, Ịnyọsara-Ene paa sime Tamụnọ atomi pịrị wararị, Tamụnọ sọnọma aḍin karama ene mẹ ḅụ ọ̀ kọrịnama ḅụ ịnyọsara ḅara pembe ḅara.