Hiburu 3:10 - FỊAFỊA BAỊBỤLỤ

¹⁰ Tẹ mie ḅụ, àrị ịganị ḅụ arị ḅụọ-ḅẹ-atomi ma ḅẹẹm, ‘Ịn sịḅị-tuu ị̀ pịrị gbọrụ sakị sọ ofori, ịn pịkị ḍụkụ tẹ à tọn koroma aị ma mịẹ-a.’

Hiburu 3:10 Iomraidhean Croise

Suku-saakị 6:6

KỊNỊNYANAḄỌ ḅe nwẹnị kururu mịnẹ tomikiri mẹ ḅụ ò tomi tẹmẹ tẹ ye mẹ, tẹ anị nwẹnị ọ̀ ḅụụ-ḅẹsọ mu ọ̀ tẹmẹ la.

Devidi-Anume 147:20

Amụ ò miemẹ mịẹ ja sịẹ pịrị-a; ini ma ini ori oloko ma nimi-a. Ọ́ KỊNỊNYANAḄỌ ḅe tokinii!

Devidi-Anume 67:2

mịẹ tẹ bebe tomikiri mẹ í ḅiiarị ye nimi ḅarị ḅara, mịẹ tẹ sịẹ-sịẹ mamgba ị́ ḅọrọma mẹ nimi ḅarị ḅara.

Devidi-Anume 78:40

Ịkpa mẹ ḅio ịn kẹ kọngọ kụrọma ọ̀ pịrị asakị, kịẹnkịẹn-ọkụ-ofori ḅara; tọnwa asakị ịn nwẹn kẹ ò kururumam!

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Devidi-Anume 95:10

Kụra amesi ịna amịẹaị nwẹn kẹ ị̀ ḅụụ siinm. À ḅẹẹm, ‘Ịn sịḅị-tuu ị̀ pịrị-a la ḅara ḍiki! Ini à tọn kuroma aị ma poki tẹ mịẹ ḍụkụ-a.’

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Ayịzaya 63:10

kụma ịn kọngọ-kụrọma ọ̀ pịrị tẹ kururu kẹ ọ̀ Fịafịa ḅụụ ḅio su ḅinmam. Mie ḅụ KỊNỊNYANAḄỌ ḅe ini na fịya-a ḅọ sọ tẹ owu kẹ ịn pakam.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Hosiya 4:12

Oru-fụḅara ḅara mie ịn tọrọkọ-jụ paka ḅẹ ye nimi ḅẹ tẹ gbelarị. Oru-fụḅara nwẹnị in nimi ḅẹ-ḅiiarị ye ḍuko ịn pịrịarị! Ini ị̀ ḅụ so tẹẹ. Ini ẹrẹḅọ kịka tẹ akụnakụna sọarị, ini ịna aḅụụ saakị oru-atamụnọ pịrị tẹẹ.

Matiyo 20:24

Osi oyi apụ ma miemẹ gbolomaye naa sakị ini ịganị nyana maa amịnapụ ma pịrịm.

Makị 3:5

Jizọsị in ḍiki ikelema tẹso, ọ̀ nwẹnị ịganị, kụma anị gbọrụ sakị mẹ ḅụ ọ̀ pịkị in ḍiki sịḅị-jịrịm, ịn kpọma kọngọ-kụrọma tẹ pịkị kuraye mịẹ-a ẹrẹsị. Anịtẹso ò tomḅọ ḅẹ ḅẹẹm, “Ị́ ḅara sụn-pakamaa.” Ori anị sụn-pakama tẹ anị gwọ tẹ tarị anị sime-ḅara simem.

Jọnị 8:45

Kụma à karakara mẹ ḍukoarị, anie ó gotẹ ì minini-a ye.

Romu 1:28

Ọkọ sime atomi ma karakara ḅara kẹ Tamụnọ ḅe nimi ḅẹ ḅii-a ẹrẹsị ori ịn wẹrịso ịna ḅụrụtẹ aḅioḅẹngbọ ma pịrị tẹ, ịn ḅarị kuraye nimi tẹ mịẹ-a.

Romu 3:7

Kụma mịọkụ à kọn-arị nwẹn ḅẹẹ iruo mẹ mịẹtẹ Tamụnọ ebube na ọ̀ karakara na ḅịya paka banabana kụma ndẹẹ anị sime ḅẹ ḅara? À paa si mịẹ ḅọ ẹrẹ fị na-iḅi?

Ẹfisọsị 4:30

Tẹ ọ́ pịkị Tamụnọ Fịafịa Tẹmẹ ḅe kururuma ḅarị ye mịẹ ma; kẹ gotẹ ọkọ ḍukoarị, Fịafịa Tẹmẹ ḅe anie Tamụnọ ọ́ nyanam mẹ ḅẹ elekima, ori anie pịkị sịẹ ọ́ pịrị wararị ḅọ, mịnẹ Ene ḅo ḅa Tamụnọ omoni ḅara-ḅio ọ́ pakama-ḅo ḅarị sakị mẹ.

Hiburu 3:12

Ị̀ na sọ tẹ Kịrayịsị mininiarị apụ, ọmịnị ẹbị, mịnẹ ọmịna ḅụ gbọrụḅọ-sọ ọkọ sime minini-a si ḅioḅẹngbọ nyana tẹ ọḅụ pịkị ḍumo wararị Tamụnọ ḅe gbin-a.

Ḅẹrẹkọn-apụ 10:16

Anieḅụ ịn nwẹnị ini ogbo-ḅio ḅụ igoni oru-atamụnọ ma tan-siin tẹ fịrịmẹnjị KỊNỊNYANAḄỌ ḅe pịrị; tẹ Izirẹlị tọrụsiẹrị mẹ nwẹnị ḅo ọ̀ ḅụụ-ḅẹsọọ.