Hiburu 2:8 - FỊAFỊA BAỊBỤLỤ

⁸ pịkị mịẹtẹ ịn ḅẹrẹtọn tomikiri sime aị mamgba pịrị ḅẹ ḅọ sọm.” Anị mẹẹ, Tamụnọ tomi mịẹtẹ ịn “ḅẹrẹtọn tomikiri sime aị mamgba pịrị ḅẹ atomi sọm” mẹ, ye goyegoye giregire ḅara kẹ anị ḅụ emi. Anịsọ mịọkụ tomi ḅẹrẹtọn ye goyegoye pịrịarị ḅara amụ wa ọkọ ẹrị-a.

Hiburu 2:8 Iomraidhean Croise

Devidi-Anume 2:6

Ori mẹẹ, “Zayọnị, ị̀ fịafịa tụndụ mẹ ọgọnọ àrị ama-da ị̀ pịrị ḅẹ ḅọ tọn pakama tẹ.”

Devidi-Anume 8:6

Ị́ ọ̀ tọnm ori ị́ tẹmẹ ye goyegoye kẹ sịḅịdaa; bebe tẹmẹ ye mamgba ị́ kẹ ò suku-ḅio suum:

Danẹlị 7:14

Ịn kụrọ, kụn, na amada-kụrọ na kẹ ọ̀ pịrịm, mịẹ tẹ sịẹ-sịẹ mamgba ḅẹ atomi, tomi kịrị-kịrị na ẹkwẹn-ḅịḅị ḅịḅị na fịrịmẹnjị ọ̀ pịrị ḅẹm. Ọ̀ kụrọ sime mu ḅẹẹ-sakị ḅẹẹ-sakị la ḅẹm, tẹ gbala-gbala ori ama-daa ḅo kunoma ḅịa.

Matiyo 28:18

Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.

Jọnị 13:3

Jizọsị nimim mịnẹ Ḍaḅọ ḅe kụrọ kẹ ọ̀ pịrị gbasịma tẹ; ọ̀ pịkị nimim Tamụnọ ḅụụ ò sime tẹ ḅom, tẹ pịkịma so Tamụnọ ḍọkụma-muarị.

Jọnị 3:35

Ḍaḅọ ḅe ọ̀ Tụḅọ ḅe ḅẹlẹmarị, tẹ pịkị ye goyegoye ḅẹ kụrọ saakị ọ̀ pịrị tẹ.

1 Kọrịntị 15:27

Fịafịa Ḍiri mẹ ḅẹẹarị, “Tamụnọ ye mamgba kẹ ọ̀ ḅụọ suku-ḅio suum.” Anị giregire wararị “ye mamgba” nwẹn ḅẹẹ ẹkwẹn ma Tamụnọ amịna ḅụụ kẹ sụa-a, ori ye mamgba kẹ Kịrayịsị suku-ḅio suuarị ḅọ ḅe.

Hiburu 1:13

Jene-jene, Tamụnọ amụ ori enjẹlị ma ḅẹ gbọrụḅọ-sọ ḅẹẹ-a: “Mịanga lẹgị ị̀ ama-ḅara anga, nwenii à si kẹ ị́ tọn apụ ma kẹ ị́ aḅụọ gbana ịkasiye sọma.”

Hiburu 1:2

kụma mịna kunoma ene ma ḅụ ori ọ̀ Tụḅọ ḅụ ḅọrọ tẹ ẹkwẹn wa pịrị tẹ. Ọ̀ ḅụụ mie Tamụnọ ḅọrọ tẹ bebe tomikiri mẹ na So-tọrụ simearị aị mamgba na tẹmẹ ye, ori anie Tamụnọ pịkị sẹlẹ-ọkị ḅọ ḅe mịnẹ kunoma ḅụ ye mamgba ò nye sọ.

Hiburu 2:5

Ḅo ḅarị ịwọ tomikiri mẹ, tẹ wa ḍukoarị ye mẹ, Tamụnọ amụ tọn-a mịnẹ enjẹlị apụ anị da tẹ ḅẹrẹtọn ḅa.

1 Pita 3:22

anie so So-ḅio mu tẹ Tamụnọ ama-ḅara anga emi ḅọ ḅe, ori anie ḅẹrẹtọn enjẹlị mamgba na, So-ḅio ḅụ kụrọ ḅara ḅụ simearị apụ na, kụrọ ma na pịrịarị ḅọ.

Mịẹfinji 1:18

Yẹrị anie ḍumo wararị ḅọ ḅe! À fịịm, kụma mịọkụ à ḍumo wararị, mu ḅẹ sakị ḅẹ sakị la. À kụrọ nyana wararị fịị ḅụ, pịkị Ḍuḅu ḅio ḅụ.

Mịẹfinji 1:5

pịkị Jizọsị Kịrayịsị, ḅẹrẹ paka ḅara ngẹrị kẹ ḅẹrẹ ḍukoarị ḅọ ḅe, fị-ḅụ-saakị apụ ma ḅẹ tarị ḅọ ḅe, tẹ pịkị ḅẹrẹtọn tomikiri ḅẹ amadapụ ma pịrịarị ḅọ ḅe na ḅara ḅụ ḅo ye sime ọ́ pịrịị. Ori ḅe anie wa ḅẹlẹmarị tẹ amịna fịị kẹ wamịna asi ḅụ wa fima ḅọ ḅe,