Hiburu 2:3 - FỊAFỊA BAỊBỤLỤ

³ Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Hiburu 2:3 Iomraidhean Croise

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 20:6

Anị sakị mẹ ḅụ, Filisiteni ḅẹ tọrụ akaka ḅụ angarị apụ ḅẹẹ ḅa, “Wa ḅụụ ḅụ sịrẹrẹm mịnẹ Asiriya tomikiri mẹ daarị opuḅọ ḅe kụrọ ḅụ ịn wa gbaịn ḅọrọma nwẹn ḅẹẹ ye mẹ paka ye ḅara ḍikii! Ndẹẹ wa inetẹ fịị-a sọ ḅẹ ḅara.”

Ayịzaya 51:5

À sarasarama ḅo ịn ḅọrọma ḅa; ì owu-ḅara-iḅi sakị mẹ ḅo kpekitẹ. Ị̀ ḅioju ḅẹrẹtọn sịẹ-sịẹ ma pịrị ḅa. Sụma-jụ sime amakiri ma koruarị à ḅo; in ḅiokpọ nyana ḅara kẹ koruarị arị ịn ḅọrọma ḅẹm.

Ayịzaya 51:8

ini ịmaịn ḅarị ḅara akarakaraḅa pẹị siin tẹ ḅịtẹ kịka ḅa! Kụma àrị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ sime mu ḅẹẹ-sakị ḅẹẹ-sakị la ḅa.”

Ayịzaya 62:11

Mịnẹ KỊNỊNYANAḄỌ ḅe ḍuko wasama bebe tomikiri mẹ pịrịarị: “Ḍuko kpọma-ḅẹlẹmarị Jeruselemu ḅẹ apụ ma pịrịị, ‘KỊNỊNYANAḄỌ ḅe ọ́ ḅọrọma ḅẹ ḅoarị; ori ọ̀ gbẹẹ-aị na ḅoarị.’ ”

Izikẹlị 17:15

Kụma Juda ḅẹ amadaḅọ ḅe kọngọ-kụrọma tẹ kịnị kẹ Ijiputi fịrịma mu asụ amẹẹ na opu ọmụ-ogbo na nyana ḅẹm. Anị ò ḅii ḅara paka ḅẹ? Ori inetẹ pụkọ-so ḅẹ? Ori inetẹ ọḅọkụ mẹ kan tẹ fomu-ḅara da-a ḅara kẹ so ḅịa!

Izikẹlị 17:18

Ori ọ̀ karị ye na ọ̀ fị ọḅọkụ na kanm. Ọ̀ ma mamgba mịẹm, tẹ mịọkụ ọ̀ pụkọ-so ḅịa.”

Matiyo 23:33

Ọmịnị ododo amẹẹ, pịkị ododo furo ḅẹ awọmẹ! Ndẹẹ ọ́ mịẹtẹ ḅẹrẹ-ḅarasii ḅụ so tẹ ẹlị ḅio sọ ḅịa ḅara?

Matiyo 4:17

Anị sakị ḅụ mie Jizọsị saakị ori oku mẹ ḍuko tomi pịrị tẹ ḅẹẹ ye: “Ọmịnị ọmịna asi ḅụ ḅara-siin tẹ pịkịị, gbala Tamụnọ Ama-da mẹ ḅo kpeki tẹ ẹrẹsị.”

Makị 1:14

Ịn Jọnị kun ikoli suu tẹso, Jizọsị Galili mu tẹ Tamụnọ ḅara ḅo Iḅi-Oku mẹ ḍukom.

Luku 1:2

Ịn kẹẹ aị anie, mịna aị ma tarị saakị ḅụ, ẹrị tẹ pịkị oku mẹ kẹ ḅo apụ ma ḍuko wa pịrị aị ma.

Luku 1:69

Ori opu Ḅọrọmaḅọ kẹ wa pịrị tẹ, ọ̀ fịrịmẹnjịḅọ Devidi furo mẹ ḅụ paka-ḅo.

Luku 24:19

Ori nwẹnị gbela, “Tọ aị?” Ini mẹẹ, “Nazarẹtị ḅẹ Jizọsị ḅụụ paka aị ma. Ḅị tomḅọ ḅe ịkịankoroḅọọ, tẹ Tamụnọ na tomi mamgba na ọkịm ọ̀ kụrọ nyanam, ori ẹkwẹn na ọ̀ kọrịnama na ḅụ.

Jọnị 15:27

tẹ ọmịnị sọ pịkị ì gboloma ye ḍuko ḅa, sukuyọ-saakị ḅụ ọmịnị ị̀ na sime tẹ ẹrẹsị.

Fịrịmẹnjịapụ 1:22

anie Jọnị minji-sara ḅụ saakị mu Tamụnọ Jizọsị kẹ iwo so mu sakị la, tẹ mḅọ wamịna ḅụụ sọ tẹ KỊNỊNYANAḄỌ Jizọsị fị-ḅụ-saakị ye mẹ ḍuko tomi pịrị.”

Fịrịmẹnjịapụ 2:22

Ì pembema Izirẹlịapụ, ọmịna ẹkwẹn-aḅịḅị ma pokii! Nazarẹtị ḅẹ Jizọsị ḅe tomḅọọ, tẹ Tamụnọ kụrọ ọ̀ ḅụụ simem ḅẹ ye mẹ ḅụụ-buama-aị na, ḅụụ-gbiripuma aị na, tẹ Tamụnọ ọ̀ ḅụụ ḅọrọtẹ kọrị aị ma, anị ḍie pakama banabanama tẹ. Ọmịnị-mgba miemẹ nimi wararị, gbala ọmịna ogboku anie miemẹ paka ye.

Fịrịmẹnjịapụ 4:12

“Ọ̀ ḅụụ ḅụ kịngẹ mie ḅọrọma simearị, bebe tomikiri mẹ ḅụ inetẹ wa ḅọrọma ḅẹ tẹ Tamụnọ kẹ tomi pịrị jụmọ ofori.”

Romu 11:14

Ẹbịsịya anị ḅụ ḅo ye ì pembema Juu-ḅẹ-apụ ma ḅụụ-sịnịsịnịma tẹ ini ḅẹ ja apụ ḅọrọma ḅarị ḅoto.

Romu 2:3

Kụma, ị́yẹrị ì ikiaḅọ, ị́ kẹ ḅẹrẹ-ḅarasii pẹlẹ jen-apụ pịrịarị aị ma mie ị́yẹrị sọ mịẹarị aị sakị, ị́ sịn-arị Tamụnọ ḅẹrẹkọn ị́ gbarị ḅẹ?

1 Kọrịntị 1:21

Gbala Tamụnọ ò ye-nimi ḅụ mịẹtẹ tomi ịna ye-nimi ḅụ ḅọrọ tẹ ò nimi ḅẹ ọkụ ḅarị ofori. Anie nakara, wa kọn tẹ ịn kẹ “oḅori ẹkwẹn” sịn-arị ye mẹ ḅụ mie Tamụnọ tọn tẹ ye mịnẹ ọ̀ ḅọrọ tẹ anị minini apụ ma ḅọrọma ḅa.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.

1 Timoti 1:15

Miemẹ karakara ẹkwẹn, tẹ ḅọkọ, ḅọkọ ḅụ ọkị tẹ minini na-iḅi ye, mịnẹ: Kịrayịsị Jizọsị si-mịẹapụ ḅọrọma ḅẹ tẹ tomikiri mẹ ḅom. Yẹrị anie ịna ḅụ si tẹịnḅọ,

Tayịtọsị 2:11

Kẹ gotẹ ọkọ ḍukoarị, Tamụnọ ọ̀ kẹ tomi mamgba ḅọrọma ḅẹ ḍiki-ḅụụjịrị mịẹfinji tẹ.

Hiburu 1:1

Ḅọrọ tẹ sakị ḅụ Tamụnọ ịkịankoroapụ ma ḅụụ ḅọrọ tẹ, tọnwa asakị na tọnwa aḅọkọ na ḅụ ẹkwẹn wamịna atẹngịapụ ma pịrịm,

Hiburu 1:14

Nwẹnị ọkọ kụma, enjẹlị ma ḅọrọ tọ apụ? Ini ma anie fịrịmẹnjị Tamụnọ pịrịarị atẹmẹ, tẹ ọ̀ kẹ fịrịma tẹ ḅarasụa ḅọrọma nyana ḅẹ apụ pịrịarị apụ.

Hiburu 1:2

kụma mịna kunoma ene ma ḅụ ori ọ̀ Tụḅọ ḅụ ḅọrọ tẹ ẹkwẹn wa pịrị tẹ. Ọ̀ ḅụụ mie Tamụnọ ḅọrọ tẹ bebe tomikiri mẹ na So-tọrụ simearị aị mamgba na tẹmẹ ye, ori anie Tamụnọ pịkị sẹlẹ-ọkị ḅọ ḅe mịnẹ kunoma ḅụ ye mamgba ò nye sọ.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

Hiburu 4:1

Mịọkụ, Tamụnọ minini wa pịrị tẹ, mịnẹ ò ḍuko wararị ịnyọsara mẹ wamịna ḅara la ḅa. Ọkọẹrẹsị, ó yee wa ẹbị, mịnẹ ọmịna ḅụụ gbọrụḅọ-sọ Tamụnọ minini ịnyọsara mẹ nyana-a som.

Hiburu 4:11

Ọkọ ẹrẹsị, ó yee wa inetẹ ḅara, inetẹ ḅara mịẹ, tẹ anị ịnyọsara mẹ wamịna ḅara la, mịẹtẹ wamịna ḅụ anị gbọrụḅọ-sọ gbarị ḅịa ḅara, anị in minini nyana-a ẹrẹsị ịn gbarị ḅara mẹ.

Hiburu 5:9

Tamụnọ mịẹtẹ ò ḅo kara-gbasị tẹso, ò sime gbamaso ḅọrọma nyana ḅẹ ḅọkọ sọ ọ̀ ḅịḅị poki apụ mamgba pịrịm,

Hiburu 9:28

Anị gbọrụ ḅara mẹ ḅụ, ịn Kịrayịsị sọ kẹ gbọrụ sakị kịngẹ ḅụ agba mịẹ tẹ, kẹ tọnwa atomi asi sin ḅẹ ḅara. Ọ̀ maa sakị karama ye kẹ paka-ḅo ḅẹ sakị, ò si na mịẹ ḅẹ ye ḅarị paka ḅịa, kụma ori ò koruarị apụ ma ḅọrọma ḅa.

1 Jọnị 1:1

Wa ḍumo pịrị ẹkwẹn mẹ gboloma ḍiri kẹẹ tẹ kẹ ọ́ fịrịmarị, anie tomikiri mẹ amụ tẹmẹ-a kụra-ḅio emi ye mẹ. Wa anị naa tẹ, pịkị wamịna atọrụngbọ kẹ anị ẹrị tẹ; inn, wa anị ḍikim, wamịna aḅara pịkị anị la tẹ.

Judu 1:17

Ọmịnị kụma, ì iḅi ikiapụ, ọ́ ḅọrọtẹ sakị ḅụ wa Nyanaḅọ Jizọsị Kịrayịsị fịrịmẹnjịapụ ma ḍuko ọ́ pịrị tẹ aị ma kẹ ḅiokoromaa.

Mịẹfinji 7:10

Ịn nwẹnị oloku pọkọ kẹ ḅẹẹarị, “Wamịna Tamụnọ, tẹ emine mẹ ọgọnọ lẹgị wararị ḅọ ḅe, na, Anana Tụḅọ ḅe na ḅara ḅụ mie ḅọrọma ḅoarị ye!”