Hiburu 2:2 - FỊAFỊA BAỊBỤLỤ

² Enjẹlị apụ ḅụ ḅọrọ ḅo wamịna atẹngịapụ ma la oku mẹ karakara ye sọm, tẹ anị ḍukamẹnjị tẹ anị ḅẹẹ ḅara mịẹ-a apụ pịkị ịn da na-iḅi fomu-ḅara dam.

Hiburu 2:2 Iomraidhean Croise

Devidi-Anume 68:17

Ẹndẹ-ẹndẹ, tọnwa opu kụrọ tẹ kiri mẹnjị ọmụ-arụ mie KỊNỊNYANAḄỌ ḅe kẹ Sayịnayị ḅụ sime tẹ ọ̀ fịafịa-yọ mẹ sọ-ḅoarị.

Kịẹn-aḅịḅị 11:33

In paa nama mẹ pẹịarị, nama mẹ amụ fa-a ogbo, mịẹ KỊNỊNYANAḄỌ ḅe ịganị mẹ kẹngẹma tomi ma ọgọnọ sara yee, tẹ KỊNỊNYANAḄỌ ḅe nwẹnị gburo-gburotẹ opu obi fomu-ḅara kẹ in fomu ḅa lama.

Kịẹn-aḅịḅị 16:49

Mịọkụ, Kora amịẹaị ḅụ fịị apụ sikima, inima tẹ obi fomu-ḅara mẹ ḅụ fịị apụ kịnị puku, ini ẹndẹ fa si, na kịnị jeia si na (14,700).

Kịẹn-aḅịḅị 21:6

Anịtẹso KỊNỊNYANAḄỌ ḅe nwẹnị ḅalafama si oronwi kẹ tomi ma ogbo-ḅio fịrịma, tẹ ịn tomi ma gbọnm, anie mịẹtẹ Izirẹlị ḅẹ tọnwa apụ fịịm.

Kịẹn-aḅịḅị 25:9

Anị mịẹ ḅara, mịẹ ḅara sọ obi fomu-ḅara mẹ ḅụ fịị apụ anie Kịnị tẹra puku (24,000).

Fịrịmẹnjịapụ 7:53

Ọmịnị anie enjẹlị apụ Tamụnọ ḅara da ḅo oloko mẹ ḅara ḅio sọ apụ, kụma ọmịnị anị ḍuko ḅara mịẹ-a!”

Galesiya 3:19

Anị kụma in tiegotẹ Oloko mẹ sụa? In gotẹ anị sụa ye, anị kura-a mịẹye kẹ kịnị ḍie ḅẹm, tẹ anị kụrọ nyana mu Ebira-amụ furo-ḅẹ-ḅọ ḅe ḅo ḅẹ sakị la ḅẹm, ori tẹ in ye mẹ minini pịrị ḅọ ḅe. Oloko mẹ enjẹlị apụ anị daḅọrọmam, ogbo sịẹ tomḅọ ḅara ḅụ.

Ditẹrọnọmị 17:12

Tomḅọ ḅe tẹ amịna ḅiotọn ḅara tọn ḅara kẹ ye mịẹ ḅụ anịjụ sịẹsime tẹ KỊNỊNYANAḄỌ ọmịna Tamụnọ ḅe tọrọkọ fịrịmẹnjịarị agbamịẹḅọ ḅe, anịanịa ḅẹrẹkọnḅọ ḅe ḅịḅị poki-a ḅọ, poki-a ḅọ, anị tomḅọ ḅe mḅọ fịị ḅa; mị-ḅara mie ọ́ kẹ Izirẹlị ḅụ siye mẹ sịkịrị sin ḅarịye.

Ditẹrọnọmị 17:2

Ọmịna ama ma tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama ma ḅụ, ḅẹ ama, ḅẹ ama ḅio, ọmịna ogbo-ḅio gbọrụ owiḅọ, anịanịa, gbọrụ ẹrẹḅọ, tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ, ori ọḅọkụ kan ḅụ siye mịẹ tẹ ọ́ ḍọkị-ẹrị-ẹrị,

Ditẹrọnọmị 17:5

anịrẹ ọmịnị anị owiḅọ ḅe, anịanịa anị ẹrẹḅọ ma tẹ mị siye mẹ mịẹ ḅọ mẹ kẹ ọmịna ogigo-aḅọkọ ma ḅo ḅa tẹ ḍụḅarị kẹ anị owiḅọ ḅe, anịanịa anị ẹrẹḅọ ma gbin ḅaa ḅa.

Ditẹrọnọmị 27:26

Wori-nume sime oriḅe tẹ mị oloko mẹ ḅẹ ẹkwẹn-aḅịḅị ma mịẹ ḅụ arị mịẹ kụrọma-a ḅọ ḅe pịrịị. Anịsakị tomi mamgba ḅẹẹ ḅa, “Amẹnị!”

Ditẹrọnọmị 32:2

Yee ì tolumaye eene mẹ koro ḅara koro, ị̀ ẹkwẹn, igirigi ye deinma ḅara deinma, deinma koro eene mẹ kpọ-a osuka ọgọnọ sime-ḅara sime, tẹ nwẹịn-nwẹịn eene asụan ọgọnọ sime-ḅara sime.

Hiburu 1:1

Ḅọrọ tẹ sakị ḅụ Tamụnọ ịkịankoroapụ ma ḅụụ ḅọrọ tẹ, tọnwa asakị na tọnwa aḅọkọ na ḅụ ẹkwẹn wamịna atẹngịapụ ma pịrịm,

Hiburu 10:28

Mozizi Oloko mẹ kan ḅọ, kan ḅọ, tẹ maa apụ, anịanịa ọkọ nẹngị apụ, paka-ḅo in nimi ḅara ḍuko, tẹ ḅẹrẹ mẹ mḅọ ọlọ-ọlọọ, gbọrụ ọkụrụkụrụ sọ nyana mḅọ pịrị-a ḅara ḅụ ini mḅọ ḅaa ḅaam.

Hiburu 10:35

Ọkọẹrẹsị, ọ́ ḍụkụ tẹ ọ́ nyana wararị kụrọtẹ ḅioḅẹngbọ mẹ ọmịna ḅụ sọma, anị opu gbẹẹ-ye kẹ ḅo ọ́ pịrịarị ẹrẹsị.

Hiburu 11:26

Ori ọkịm mịnẹ Mẹsaya ḅe gotẹ tomina ḍiki-sima da iḅi Ijiputi ḅẹ ngọ mamgba nẹngịm, kẹ gotẹ ọkọ ḍukoarị, tọrọkọ-jụ ḅo ḅarị gbẹẹ-ye mẹ ọgọnọ mie ori ori atọrụngbọ saakị tẹ kẹ gbana ye.

Hiburu 11:6

Minini nyana-a tomḅọ inetẹ Tamụnọ ḅụụ-ḅẹlẹ ye mịẹ ḅịa, kẹ gotẹ ọkọ ḍukoarị, Tamụnọ ḍọkụma-ḅoarị ḅọ, ḅoarị ḅọ minini ḅa mịnẹ ori emi, tẹ gbẹẹ-ye kẹ ò nimi ḅẹ ḍọkịarị apụ pịrịarị.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

2 Pita 1:19

Mie ḅụ wa ḅo ịkịankoroapụ ma ḍuko pakama oku mẹ ḅụ kpọma ḅiokpọ nyana lama tẹ. Anị iḅi lama ḅa ọmịnị anị kẹ ye-sịn kụma, kẹ gotẹ ọkọ ḍukoarị, anị gbala kanakana emi anga ḅụ kọrịarị tọnjọ ọkụ, tẹ ọkọ kọrị nwenii Ene mẹ ḅaa tẹ dede lolia mẹ ọmịna aḅioḅẹngbọ ḅụ ḅịya.

Judu 1:5

Mie-mẹmgba ó nimi wararị sọ, yee à paa kẹ ọmịna ḅiokoroma, sakị ḅẹ gbọrụ sakị ḅụ, KỊNỊNYANAḄỌ ḅe Ijiputi ḅụ Izirẹlịapụ ma ḅọrọma pakama-ḅom, anịtẹso ịna ḅụ minini-a apụ ma ori ịn ḅaa gulugulumam.