Hiburu 2:16 - FỊAFỊA BAỊBỤLỤ

¹⁶ Anị banabana wararị, mịnẹ ọ̀ nwẹn kẹ ḅarasụa pịrịarị apụ ma enjẹlị apụ-a. Anie nakara, Fịafịa Ḍiri ḅẹẹarị, “Ọ̀ ḅarasụa pịrịarị apụ ma anie Ebira-amụ furo-ḅẹ-apụ.”

Hiburu 2:16 Iomraidhean Croise

Suku-saakị 22:18

tẹ í furo-ḅẹ-apụ ḅụụ ḅụ mie tomikiri ḅẹ opu asịẹ mamgba boma nyana ḅarịye — gbala ị́ ị̀ ḅịḅịpokim ẹrẹsị.”

Romu 2:25

Í Oloko mẹ kokoarị ḅẹḅẹ ị́ Tamụnọ gotẹ sin-arị tarị-ḅụụ mẹ sọye mịẹ ị́ pịrị tẹ, kụma í Oloko mẹ kan-arị ḅẹḅẹ ị́ tarị-ḅụụ sin-a iḅi tẹịnm.

Galesiya 3:16

Mịọkụ Tamụnọ minini aị ma ò minini Ebira-amụ na ò furo ḅẹ ḅọ na pịrịm. Fịafịa Ḍiri mẹ “furo-ḅẹ-apụ” ẹkwẹn kọn-a, gbala tọnwa-apụ ḅẹẹarị ye ọkụ; kụma “furo-ḅẹ-ḅọ” mie anị ḅẹẹ ye, anie fiearị, gbọrụḅọ ngẹrị, ẹrẹ go ḅụ, anie Kịrayịsị.

Galesiya 3:29

Ọkọẹrẹsị, ó sime Kịrayịsị pịrị ḅẹḅẹ, ọmịnị Ebira-amụ furo-ḅẹ-apụụ, tẹ Tamụnọ minini ye mẹ nyana ḅa.

Hiburu 12:10

Wamịna tomikiri ḅẹ aḍapụ boowa sakị kẹ wa fomuarị, ini ḅii ḅara ḅụ, kụma Tamụnọ, wamịna iḅi mie ó gotẹ ọkọ mịẹarị, mịẹtẹ wamịnị sọ ọ̀ fịafịatẹ ḍumo mẹ kọn ḅẹ ḅara.

Hiburu 2:15

tẹ nwẹnị mị-ḅara ḅụ, amịna ḍumo ene mamgba kẹ fịị ḍiki ḅalafa omoni-sọ apụ mamgba pakama-ḅo ḅarị ḅara.

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.

Hiburu 6:16

Tomḅọ ye karị sakị mḅọ nẹngị ḅọ ẹrẹ mie mḅọ kẹ ye mẹ karị, karị ye, tẹ mḅọ ọkọ karị tẹ ḅẹḅẹ, ḅẹrẹ goyegoye pẹlẹ tẹ.

1 Pita 1:20

Tamụnọ ọ̀ sẹlẹ koroma wẹrịm tomikiri mẹ amụ tẹmẹ-a ogbo, tẹ ó gotẹ ori ọ̀ pakama-ḅo tẹ mịna kunoma ene ma ḅụ.