Hiburu 2:11 - FỊAFỊA BAỊBỤLỤ

¹¹ Ori anie tomina ḅụụ ịna asi sịkịrị sin-arị ḅọ, anịsakị ori ịn sịkịrị fịafịamarị ḅọ ḅe na ọ̀ sịkịrị fịafịama tẹ apụ ma na, gbọrụ Ḍaḅọ. Anie Jizọsị gotẹ ḅụụ-jịrị-a tẹ ori amịnapụ kẹ ịn sịn-arị ye.

Hiburu 2:11 Iomraidhean Croise

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Matiyo 28:10

Jizọsị nwẹnị ịn ḅẹẹ, “Ọ́ ḅalafa ma. Ó mu tẹ ḍuko ị̀ amịnapụ owiapụ ma pịrịị, mịnẹ in Galili muu, anịanga ini ị̀ ẹrị ḅa.”

Makị 3:34

Ọ̀ nwẹnị lẹgị ori ikelema apụ ma ḍiki tẹ ḅẹẹ, “Ḍikii! Mịna apụ ma anie ì iyingi pịkị ị̀ amịnapụ owiapụ!

Makị 8:38

Gbọrụḅọ yẹrị na ì tolumaye mẹ na gotẹ mị Tamụnọ nimi-a si ene mẹ ḅụ ḅụụ-jịrịarị ḅẹḅẹ, anị sakị mẹ ḅụ Tomḅọ Tụḅọ ḅe sọ mḅọ gotẹ ḅụụ-jịrị ḅa, ori ọ̀ Ḍa ḅe ebube ḅụ ọ̀ fịafịa enjẹlị ma na ḅo ḅarị sakị mẹ.”

Luku 9:26

Ì ḅioju na ì tolumaye na nwẹnị gbọrụḅọ ḅụụ-jịrịmarị ḅẹḅẹ, mḅọ Tomḅọ Tụḅọ ḅe sọ ḅụụ-jịrịma ḅa, ò ḅo ori ebube ḅio na Ḍaḅọ ḅe na ori fịafịa enjẹlị ma na ebube ḅio sọ sakị.

Jọnị 17:19

In gotẹ àrị ị̀ ḅụụ wẹrị sikima ị́ pịrịm, mịẹtẹ ini sọ karakara ḅara kẹ ịna ḅụụ wẹrị sikima ị́ pịrị ḅarị ḅara.

Jọnị 17:21

À tẹkẹarị mịnẹ inimgba gbọrụ ḅụ sime. Ḍa! Yee ịn wamịna ḅụụ sime, anie ị̀ ḅụụ ḅio emi tẹ yẹrị pịkị ị́ ḅụụ ḅio emi gbọrụ ḅara mẹ. Yee ịn gbọrụ ḅụ sime, mịẹtẹ tomikiri mẹ minini ḅarị ḅara mịnẹ ị̀ kẹ fịrịmam.

Jọnị 20:17

Jizọsị nwẹnị á ḅẹẹ, “Ị̀ fịnama ma, amụ à pịkịma iwo Ḍaḅọ ḅe ḍọkụma-mua ẹrẹsị. Kụma so ị̀ amịnapụ ma dama-mu tẹ ịn ḅẹẹ, à pịkịma-so ị̀ Ḍa ḅe ḍọkụma-muarị, anie pịkị ini ma sọ Ḍaḅọ ḅe, ị̀ Tamụnọ, anie pịkị ini ma sọ Tamụnọ ḅee.”

Fịrịmẹnjịapụ 17:26

Kpọkpọ gbọrụ tomḅọ ḅụ mie ọ̀ saakị tomi kịrị-kịrị ma tẹmẹ tẹ ịn wasama bebe tomikiri mẹ anga ḅinma ye. Tomi ḍumo mu la ḅẹ sakị na ini anga mu daasịẹ ḅẹ oke na ọ̀ tarị nwẹn tọn koromam.

Fịrịmẹnjịapụ 17:28

Anie gbọrụḅọ ḅẹẹ ḅara, ‘Ọ̀ ḅụụ mie wa ḍumoarị ye, mẹnjịarị ye, pịkị emi ye.’ Anie ọmịna ḅịḅị ḍịn apụ sọ ḅẹẹ ḅara, ‘Wamịnị sọ ori awọmẹẹ.’

Romu 8:29

Tamụnọ sẹlẹ ọkị tẹ apụ ma, ọ̀ pịkị in sikima koroma tẹ, mịnẹ ini ọ̀ Tụḅọ ḅe sime-ḅara sime, tẹ Tụḅọ ḅe nwẹnị tọnwa amịnapụ ogboku tarịḅọ sọ.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,

Hiburu 10:10

Jizọsị Kịrayịsị ḅe Tamụnọ ḅiim ọ̀ mịẹ ḅẹẹ ye mịẹ tẹ ọ̀ ḅụụ kẹ gbọrụ sakị kịngẹ kẹ mịẹ agba mẹ ẹrẹsị wamịnị-mgba si ḅụ sịkịrị fịafịa tẹ.

Hiburu 10:14

Gbọrụ agba kịngẹ mẹ ḅụ ọ̀ mịẹtẹ in si ḅụ sịkịrị fịafịamatẹ apụ ma ḅo gbọrsịḅị kara-gbasị gbamaso tẹ.

Hiburu 11:16

Anie nakara, iḅi anie nẹngị ama mie ịna pọkọsọlịma ye, anie so-amakiri mẹẹ. Tẹ mie ḅụ, ịn Tamụnọ kẹ ịna Tamụnọ sịn-arị ye mẹ ịna ḅụụ-jịrịma-a, kẹ gotẹ ọkọ ḍukoarị, ori ama tẹlẹma ịn wẹrịma tẹ.

Hiburu 13:12

Mị-ḅara mẹ gotẹ Jizọsị sọ, opu ama mẹ tolu-paka ḅụ ọ̀ fịịm, anie ori ò soku-ḅẹ ọmbie kẹ tomi ma ḅọrọma ḅẹ agba mịẹ ye mẹ ḅụ.

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

Hiburu 3:1

Kịrayịsị ḅụ ị̀ amịnapụ, tẹ Tamụnọ kẹ wamịnị na sụa sịn apụ! Ó Jizọsị, Tamụnọ kẹ fịrịmaḅọ ḅe tẹ wa ḍuko pakamarị minini oku mẹ ḅẹ Sịḅịda-Agbamịẹḅọ sọma ḅọ ḅe, kẹ ḅiokoromaa.