Hiburu 2:10 - FỊAFỊA BAỊBỤLỤ

¹⁰ Anị kuram, mịnẹ Tamụnọ, tẹ ye mamgba tẹmẹ tẹ pịkị wẹrị kpaịnmarị ḅọ ḅe, mịẹtẹ Jizọsị tọrụsiẹrị ḅụ ḅọrọ tẹ kara gbasịm, mịẹ tẹ ọ̀ tọnwa awọmẹ ọkị-ḅo tẹ ini ori ebube ḅụ ḍie kiri nyana ḅẹ ḅara. Kẹ gotẹ ọkọ ḍukoarị, Jizọsị ḅe anie tọrọkọ-sụn tẹ ịn kẹ mu ḅọrọma laarị ḅọ.

Hiburu 2:10 Iomraidhean Croise

Suku-saakị 18:25

Iḅieri, kuraye-mịẹapụ kẹ si-sịḅịḅio-sụapụ ḅụụ sụa ḅa guluguluma ḅụ ị́ ḅụụ wẹrị ḅelemaa, anie kuraye-mịẹapụ ma mịẹtẹ ịn si-sịḅịḅio-sụapụ ma mẹnjị ḅara mẹnjị! Iḅieri, anie ḅụ ị́ ḅụụ ḅelemaa! Tomi-juḅẹye, ị́yẹrị tomikiri mẹmgba kọn ḅarị ḅẹrẹkọnḅọ ḅe í kuraye mịẹ ḅa.”

Egberima-Ẹkwẹn 16:4

KỊNỊNYANAḄỌ ḅe ọ̀ tẹmẹ ye goyegoye kẹ kunoma ḅẹ ye tọn wararị; tẹ si-sịḅịḅio-sụa apụ ma kunoma anie fịị gulugulu.

Ayịzaya 43:21

Ini anie à tẹmẹ ị̀ ḅụụ pịrị apụ ma, tẹ in nume su-su ì tokini-tokini-tokini ḅa!”

Ayịzaya 55:4

Arị ọ́ kẹ sịẹ-sịẹ ma sịḅịdaḅọ na ịn mịẹ ḅẹ ye tọn-arị ḅọ na sọma tẹ, tẹ ọ̀ ḅụụ ḅụ à ḅọrọ tẹ ị̀ kụrọ kẹ in ḍie tẹ.

Hosiya 8:10

Kụma àrị in kobiri gboloma tẹ in fomu ḅẹ-yearị. Ala-a ini akụye ḅụ gụnụ ḅa, Asiriya tomikiri mẹ daarị ḅọ ḅe in ponomarị sakị.”

Mayịka 2:13

Tamụnọ etela mẹ finji ịn pịrị ḅa, tẹ omoni-sọ anga mẹ ḅụ etela kẹ ịn ḍie pakama-ḅo ḅa. Ini opu ama mẹ ḅẹ ogigo-ḅọkọ mẹ kan finji, tẹ sịḅị nyana ḅara kẹ so ḅa. Ịna amadaḅọ, KỊNỊNYANAḄỌ ḅe ḅioju, tọrọkọ tarị ịn pịrị tẹ ịn ḅọrọma pakama ḅa.

Kịẹn-aḅịḅị 7:15

asambịrịma gbọrụ owi-nambulo na, gbọrụ ejimina na, gbọrụ kụra sịḅị ḅụ ḅọrọtẹ kala ejimina na sime dọkịma-agba mịẹ pịrịm;

Luku 13:32

Jizọsị nwẹnị ịn pakịrị, “Ó mu ḍuko anị pụnụ ḅe pịrịị, mịnẹ mịmgba na ḅaa na à kẹ oru dee sin, sin tẹ pịkị obi gwọ ḅa, tẹ tẹra aḍin karama ene kọrịnama ị̀ ḅara fa ḅa.

Luku 2:14

“Ebube sime Tamụnọ pịrị geletẹịn so mẹ ḅio, tẹ dein tomikiri sime ịna mịẹye ọ̀ ḅụụ-ḅẹlẹarị apụ ma pịrịị!”

Luku 24:26

Anị mịẹ na-iḅi ye-a, mịnẹ Mẹsaya ḅe mịna ḅụụ-fụka ma da-tolu-ḅọrọ ḅo ori ebube ḅio sọ?”

Luku 24:46

tẹ ịn ḅẹẹ, “Mie anị kẹẹ ḅara: Mẹsaya ḅe tọrụsiẹrị ḅa, tẹ tẹra aḍin karama ene ḅụ ọ̀ fị-ḅụ-saakị ḅa,

Jọnị 11:52

pịkị ini ngẹrị-a kụma ọ̀ fịị tẹ Tamụnọ atomi tẹ gala-gala wararị apụ mamgba kẹ ḅo gbọrụ ḅụ wẹrị ḅẹ ḅara.

Jọnị 19:30

Jizọsị iru mẹ ḅuu tẹso, ọ̀ nwẹnị ḅẹẹ, “À kọrị fama tẹẹ!” Anịtẹso ọ̀ nwẹnị sịḅị-tuu tẹ fịị.

Fịrịmẹnjịapụ 3:15

Ọ́ nwẹnị ḍumo pịrị ḅọ ḅe rẹ ḅaa, kụma wamịnị-mgba kiri yọ sime tẹ ẹrị ḅara ḅụ, Tamụnọ fịị ḅụ ọ̀ saakịmam.

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

Romu 11:36

Kẹ gotẹ ọkọ ḅẹẹarị, ori mie ye mamgba tẹmẹ yee, tẹ ye mamgba ọ̀ ḅụụ ḅọrọ tẹ emi, tẹ pịkị sime ọ̀ pịrịm. Ebube sime Tamụnọ pịrị gbamasoo! Amẹnị.

Romu 9:23

Tẹ ọ̀ pịkị ḅiim ori ori opu ebube mẹ mịẹfinji, anie ọ̀ kẹ wamịnị ori ọkụrụkụrụ nyana pịrịarị apụ ma ọgọnọ ọsụma sara ye mẹ, anie wamịna ḅụ ọ̀ tẹlẹma tẹ ori ebube mẹ nyana ḅẹ apụ ma.

1 Kọrịntị 2:7

À ḍuko wasamarị nimi mẹ anie Tamụnọ nimi tẹ tarị ḅụ kikima sime tẹ tomi nimi-a ye mẹ, anie tomikiri mẹ amụ tẹmẹ-a kụra-ḅio Tamụnọ kẹ wa pịrị ḅẹ tẹ tọn wẹrị ebube mẹ.

1 Kọrịntị 8:6

sọ, wamịnị kịngẹ kụma kpọkpọ gbọrụ Tamụnọ ngẹrị mie wa nyana ye, anie Ḍaḅọ ḅe tẹ ye mamgba Tẹmẹ ḅọ ḅe, tẹ wa pịkị ḍumo pịrịarị ḅọ ḅe; tẹ kpọkpọ gbọrụ KỊNỊNYANAḄỌ kịngẹ mie emi ye, anie Jizọsị Kịrayịsị, ḅụụ ḅụ ye mamgba ḅọrọtẹ tẹmẹ tẹ, wa pịkị ḅụụ ḅụ angarị ḅọ ḅe.

2 Kọrịntị 3:18

Ọkọẹrẹsị, wamịnị-mgba, ye tọrụ kikima-a ḅara ḅụ, KỊNỊNYANAḄỌ ḅe ebube mẹ ḅịya wa saramarị; tẹ anị gbọrụ ebube mẹ tẹ KỊNỊNYANAḄỌ ḅe ḅụ sime tẹ ḅoarị ye mẹ, anie Tẹmẹ ḅe tẹ wa ḍima tẹ wa ḅo ọ̀ kịka tẹ mu ḅaka-ḅaka-ḅakarị ebube ḅụ sọarị.

2 Kọrịntị 4:17

Mịọkụ mie wa daarị ḅọrọ so ḅarị ḅụụ-fụka kalịye mẹ, opu sime-gbamaso ebube, tẹ ḅụụ-fụka mẹ nẹngị lama ḅarị ye kẹ ḅo wa pịrị ḅa.

2 Kọrịntị 5:18

Mie-mẹmgba Tamụnọ kọrịnama. Kịrayịsị ḅụ ḅọrọ tẹ wamịnị si kẹ ọ̀ tọn apụ ḅụ wa ḍima ḅo ori ikiapụ sọma, Tamụnọ ḅe mie mị fịrị mẹ kẹ wa pịrị ye wa mẹnjịị, tẹ ja apụ mịẹtẹ ini sọ ḅo ori ikiapụ sọ.

2 Kọrịntị 6:18

Àrị ọmịna Ḍaḅọ sọ ḅa, tẹ ọmịnị ị̀ owiapụ-awọmẹ na ị̀ eremịna-awọmẹ na sọ ḅa, Kụrọmamgba nyana KỊNỊNYANAḄỌ ḅe ọkọ ḅẹẹarị.”

Galesiya 3:26

Minini ḅụ mie ọmịnị-mgba ḅọrọ tẹ Kịrayịsị Jizọsị na gbọrụ ḅụ sime tẹ Tamụnọ awọmẹ sọ ye.

Ẹfisọsị 2:7

Ò gotẹ miemẹ mịẹ ye, kẹ kịnị ḍie mu ḅẹẹ-sakị ḅẹẹ-sakị la, kẹ Kịrayịsị Jizọsị ḅụ ọ̀ kẹ wa ḅẹlẹma ye mẹ ḍie-pakama, ọ̀ ḅakatẹ, inetẹ go ḅịa opu ḍiki-ḅụụjịrị ḅẹlẹma mẹ ḅụ.

Ẹfisọsị 3:10

mịẹtẹ mị sakị mẹ ḅụ sọsị mẹ na, ḅẹrẹtọn-arị enjẹlị apụ ma na, so ama ḅẹ akụrọ ma na Tamụnọ nimi mẹ sime-ḅara ḍawọ ḅarị ḅara, kịrị-kịrị aḅara ḅụ.

Kọlọsị 3:4

Ọmịna karakara ḍumo anie Kịrayịsị, ọkọẹrẹsị, ọ̀ paka-ḅo ḅarị sakị, ọmịnị sọ ori na paka-ḅo tẹ ori na sọ tẹ ebube nyana ḅa.

2 Timoti 2:10

tẹ anie ḅụ, à Tamụnọ sẹlẹ-ọkị tẹ atomi ma gotẹ ye goyegoye inemarị, mịẹtẹ ini sọ Kịrayịsị Jizọsị ḅụ ḅọrọ tẹ ḅọrọma nyana tẹ sime gbamaso ebube mẹ la ḅarị ḅara.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 6:20

Jizọsị wa gotẹ tarị mu anịanga la tẹ, tẹ Sịḅịda-Agbamịẹḅọ sọ gbamaso tẹ, Mẹlịkizẹdẹkị agbamịẹ ọrụ sime-ḅara.

Hiburu 7:26

Mie ḅụ, Jizọsị anie wamịna ḅụụ-fụka mịẹ pẹlẹarị Sịḅịda-Agbamịẹḅọ ḅee. Ọ̀ fịafịa wararị; ọ̀ ḅụụ ḅẹẹ-ḅẹẹye anịanịa si ofori; si-mịẹapụ ḅụ Tamụnọ ọ̀ saakị ḅelema wararị, tẹ ori iwoma mu So ma ḅọrọ tẹẹ.

Hiburu 7:28

Mozizi Oloko mẹ la-a atomi tọn-arị ịn Sịḅịda-Agbamịẹapụ sọ; kụma Tamụnọ karị tẹ minini ye mẹ, anie Oloko mẹ ḅọrọ tẹrẹmẹ ḅo ye mẹ, Tụḅọ ḅe tọnm, anie Tamụnọ mịẹ tẹ laa gbamaso tẹ ḅọ ḅe.

1 Pita 1:12

Tamụnọ mịẹfinji mịna ịkịankoroapụ ma pịrịm, mịnẹ ịna kọrịnama mẹ ḅẹ iḅi ini fị ḅịa, kụma ọmịnị, anie ini arị aị ma gboloma ye, tẹ Fịafịa Tẹmẹ ḅe So-ḅio ḅo kụrọ ḅụ Iḅi Oku mẹ ḅẹ oku-mẹnjịapụ ḍuko wasama ye mẹ ḍuko sakị mẹ. Mịna aị ma enjẹlị apụ sọ nimi ḅẹ ḍọkịm.

1 Pita 5:1

Yẹrị sọ omongiḅọ ḅara ḅụ, arị ọmịna ogboku simearị sọsị omongiapụ ma tẹkẹm. À ḅarana Kịrayịsị atọrụsiẹrị ma ẹrịm, anịsakị à pịkị ori ebube mẹ ḅụ kiri nyana ḅa anị tolu-paka sakị. Àrị ọ́ tẹkẹm,

1 Pita 5:10

Kụma ọ́ kẹlẹ kẹ tọrụsiẹrị tẹso, sakị, ḍiki-ḅụụjịrị ye mẹmgba Tamụnọ ḅe, tẹ ọ́ sịn-arị ó ḅo Kịrayịsị na gbọrụ ḅụ sime tẹ ó sime gbamaso ebube nyana ḅẹẹ ḅọ ḅe, ọ́ mịẹtẹ ó busunu ḅa, tẹ kụrọ-sịẹ na, ịnyọ na, jike jike-a kuno na kẹ ọ́ pịrị ḅa.

Mịẹfinji 4:11

“Wanyanaḅọ, pịkị wamịna Tamụnọ! Ị́ ebube na, kụn na, kụrọ na nyana gbẹẹm. Kẹ gotẹ ọkọ ḅẹẹarị, ị́yẹrị ye mẹmgba tẹmẹm, tẹ ị́ ḅụụ-ḅẹlẹm ẹrẹsị arịmgba emi tẹ ḍumoarị.”

Mịẹfinji 7:9

Mie ḅọrọ tẹso, à ḍiki tẹ ḅakatẹ inweni-ogbo ẹrịm — inetẹ arị atomi mamgba kịẹn fama ḅẹ ḅọ ofori! Tomi kịrị-kịrị na, furo goyegoye na, sịẹ goyegoye na, ẹkwẹn-ḅịḅị goyegoye na ḅụ in ḅom, tẹ pịna-pịnatẹ vọrọrọ-akapa sụa tẹ emine mẹ na, Anana Tụḅọ ḅe na tọrọkọ sịẹsimem, tẹ ini eneme ọrọrọ ọlọ wararị ịna aḅara ḅụ.