Hiburu 2:1 - FỊAFỊA BAỊBỤLỤ

¹ Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.

Hiburu 2:1 Iomraidhean Croise

1 Paka-aị 22:13

Anịtẹrẹmẹ mie ị́ lolo ḅarịye, ị́ ị́ ḅụụ ẹbị tẹ kẹẹ wararị oloko ma na, kụrọ Mozizi ḅara sime sakị KỊNỊNYANAḄỌ tọn Izirẹlị pịrị aị ma na kẹ elekima sụa-sụa. Kụrọ sịẹsimee, tẹ iḅi ḅiokpọ nyana-a. Ḅalafa ma; ḅụụ-tukutuku ma.

Devidi-Anume 119:9

Ndẹẹ asambịrịma tụḅọ inetẹ amịna ḍumo wẹrị kpaịnma ḅẹ ḅara? Ị́ tọn kuroma aị ma poki tẹ mịẹ ḅụ.

Egberima-Ẹkwẹn 3:21

Ị̀ tụḅọ, í nimi na í ye suku ḅio simearị ye lekiriarị ye mẹ na ọlọ-sịẹmaa. Gbala-gbala ḍụkụ tẹ arị ị́ ḅara pẹlẹ so ma.

Habakọkụ 1:6

À Babịlonịya ḅẹ apụ ma ọkị-ḅo kụrọ ḅara ḅụ simearị apụ sọma ḅẹ-yearị, arị ḅalafamarị tẹ gbene sime-sime-a atomi ma. In tomikiri mẹ mẹnjị saḅa ḅọrọ mu jen-apụ amakiri ọkịarị.

Habakọkụ 2:16

Ị́ sakị ḅo tẹ ḅụụ-jịrị ị́ gbaịn ḅa, kụn nakara. Í ḅioju sọ iru ḅuu tẹ pụmbụma-pụmbụma ḅa. KỊNỊNYANAḄỌ ḅe ị́ mịẹ tẹ í sime ị́ pịrị fomu-ḅara ḅẹ kọpụ mẹ ḅio sime ye ḅuu ḅa, tẹ ị́ kụn mẹ pịkị-ḅo tọrụ-tuu sọ ḅa.

Matiyo 16:9

Amụ ọ́ paa yefieye naa-a? Ọ́ kẹ ḅiokoroma-a, à fịturu sọnọ akpo paịn tẹ kẹ kịnị oyi ẹndẹ na kịnị oyia asi na pịrị fị sakị mẹ? Kirikọn-aị ma ọ́ tan nda akana ḅinma?

Makị 8:18

Ọ́ kọkọ tọrụngbọ nyana wararị — ọmịnị inetẹ ye ẹrị-a? Ọ́ kọkọ ḅeri nyana wararị — ọmịnị inetẹ ye naa-a? Ọ́ kẹ ḅiokoroma-a

Luku 8:15

Iḅi kiri koro aị ma anie oku mẹ naa tẹ iḅi tẹ, ḅịḅị pokiarị ḅioḅẹngbọ ḅụ anị koko nwenii anị ḅo mgbọlụ sụa apụụ.

Luku 9:44

“Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

Jọnị 8:59

Anịtẹso ịn nwẹnị ịn kẹ ò gbin ḅẹ aḍụḅarị kolokolo, kụma Jizọsị ọ̀ ḅụụ kikima tẹ Tamụnọ-warị mẹ koroma-som.

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Hiburu 12:5

Ori awọmẹ ḅara ḅụ Tamụnọ kọn ọmịna ḅiokpọmarị ẹkwẹn ma ọ́ kẹ ḅioḅọrọma tẹ ḅoto? Ori mẹẹ: “Ị̀ tụḅọọ, KỊNỊNYANAḄỌ ḅe ị́ daa-karakaramarị sakị kẹ ye sịn, Ḍụkụ tẹ ị́ tẹmẹ lọkọ ma, ori í ḍiki-ịganịarị sakị.

2 Pita 1:15

Ọkọẹrẹsị, àrị àrị ine-ḅara, ine-ḅara mịẹ tẹ ḅọkọ ḍọkị ọ́ pịrịarị sakị mamgba ọ́ kẹ mịna aḅẹrẹ ma kẹ ḅiokoroma ḅarị ḅara, à fịị ḅọrọ tẹso.

2 Pita 3:1

Ị̀ iḅi ikiapụ, miemẹ anie mịọkụ maaịn karama ḍiri tẹ à kẹẹ tẹ kẹ ọ́ fịrịmarị ye. Mịna maa aḍiri ma ḅio, à kụrọma ọmịna aḅioḅẹngbọ ḅụ iḅi akuroma jike saakịma ḅẹ ḅara ḍọkịm, mịna aị ma kẹ ọmịna ḅiokoroma ḅụ.