Hiburu 13:8 - FỊAFỊA BAỊBỤLỤ

⁸ Jizọsị Kịrayịsị ḅe ḅịẹịn ò sime-ḅara mie mịmgba sọ ò sime-ḅara, tẹ ọ̀ pịkị ọkọ sime mu ḅẹẹ-sakị ḅẹẹ-sakị la ḅa.

Hiburu 13:8 Iomraidhean Croise

Suku-saakị 21:33

Ebira-amụ nwẹnị Biyasẹba — Hiburu ḅịḅị ḅụ ịn kẹ Ẹsịyẹlị sịn ama mẹ — ḅụ opu asịn ḍiḅi, tẹ nwẹnị anịjụ KỊNỊNYANAḄỌ ḅe ẹrẹ sịn, “Sime-gbamaso Tamụnọ.”

Devidi-Anume 103:17

Kụma KỊNỊNYANAḄỌ ḅe kụn-arị apụ ma ḅụ, ọ̀ ḅẹlẹma mẹ sime gbamasoarị, tẹ ori iḅi mẹ pịkị sime mu ḅụọ, ḅụọ mamgba laarị,

Devidi-Anume 90:2

Tẹrẹmẹ ị́ tụndụ ma tẹmẹ anịanịa mịẹ tẹ tomikiri mẹ paka-ḅo tẹ sime, ị́yẹrị sime gbamaso Tamụnọọ, tẹ ị́ Tamụnọ sọ nwenii gbamaso la ḅa.

Devidi-Anume 90:4

Ị́ ḅụụ ḅụ kụra maa ẹndẹ oyia asi finji gbọrụ ene kịkarị; gbala ḅịẹịn ọkụ, ḅọrọ so tẹ ye mẹ, ḍin ḅẹ naa-saakị mẹ ḅẹ boowa sakị mẹ ọkụ.

Paka-so 3:14

Tamụnọ nwẹnị Mozizi ḅẹẹ, “YẸRỊ Anie YẸRỊ.” Tẹ ọ̀ nwẹnị ḅẹẹ, “Miemẹ ḍuko Izirẹlịapụ ma pịrịị, ‘ịn kẹ YẸRỊ sịn ḅọ ḅe ị̀ kẹ ọ́ fịrịmam.’ ”

Ayịzaya 41:4

Tụḅọ mịẹ tẹ miemẹ paka? Tomikiri ḅẹ atomi ogboku ḅụ ye mịẹ-mịẹ ḅọrọarị ḅara mẹ tọn-pẹlẹ ḅọ tụḅọ? Yẹrị, KỊNỊNYANAḄỌ ḅẹ, ye suku-saakị ḅụ à simem, tẹ yẹrị, KỊNỊNYANAḄỌ ḅe, pịkị sime ḅa kunoma ḅụ.

Ayịzaya 44:6

KỊNỊNYANAḄỌ, ḅẹrẹtọn Izirẹlị pịrị, pịkị à gbaịn-arị ḅọ ḅe, Kụrọmamgba nyana KỊNỊNYANAḄỌ ḅe ḅẹẹm: Yẹrị anie Tarị, pịkị Kunoma, kpọkpọ gbọrụ Tamụnọ ḅẹ; jen tamụnọ ofori, kụma yẹrịị.

Malakayị 3:6

“Yẹrị anie KỊNỊNYANAḄỌ ḅe, tẹ à ḍima-ḍima-a. Miemẹ ẹrẹsị, ọmịnị Jekọbụ furo-ḅẹ-apụ ma, amụ ọ́ paa gbọrsịḅị fịị-faa-a.

2 Kọrịntị 1:19

Kẹ gotẹ ọkọ ḍukoarị, Jizọsị Kịrayịsị, anie Tamụnọ Tụḅọ ḅe, tẹ Sayịlasị na, Timoti na, ì ḅioju na ọmịna ogboku ḍuko pakama ḅọ ḅe anie inn na ẹn-ẹn na ḅụ ofori. Anie nakara ori anie Tamụnọ Inn ḅee.

2 Kọrịntị 1:20

Kẹ gotẹ ọkọ ḍukoarị ori anie Tamụnọ minini tomi pịrị aị mamgba ḅẹ inn ḅee. Miemẹ mie wa gotẹ Jizọsị Kịrayịsị ḅụ ḅọrọ tẹ “Amẹnị” ḅẹẹ tẹ ebube kẹ Tamụnọ pịrịarị.

Hiburu 1:12

Ị́ kapa iko ḅara kẹ arị iko ḅa, tẹ arị ḍima fama ḅa, ịn kapa ḍima ḅara. Kụma ị́yẹrị, sakị mamgba gbọrụ ḅara mẹ mie í simearị ye, anịsakị í ḍumo pịkị kunoma nyana-a.”

Jemụsị 1:17

Iḅi ye pịrị ḅara goyegoye na, iḅi ḍiepịrịye goyegoye na So-ḅio ḅoarị; Tamụnọ, So-ḅio ḅẹ abele ma Tẹmẹḅọ, tẹ ḍima ḍima-a ḅọ ḅe, anịanịa vuunma pịkị tẹ kanakana pakama-a ḅọ ḅe, ḅara ḅụ mie anị sime tẹ koro-ḅoarị.

Judu 1:25

ori ngẹrị Tamụnọ ḅe, wamịna Ḅọrọmaḅọ ḅe, wa Nyanaḅọ Jizọsị Kịrayịsị ḅụ, ebube, ḅaka, opu, ḅẹrẹtọn-kụrọ na sime ọ̀ pịrịm, ḅọrọtẹ aḅụọ mamgba ḅụ, pịkị mịọkụ sọ, mu ḅẹẹ-sakị ḅẹẹ-sakị la! Amẹnị.

Mịẹfinji 1:11

Anị mẹẹ, “Ị́ ẹrị ye kẹẹ koroma, tẹ ḍiri mẹ kẹ mịna sọnọma opu ama ma ḅẹ asọsị ma fịrịmaa: Ẹfisọsị na, Simana na, Pagamọmụ na, Tayatira na, Sadisi na, Fịladẹlịfịya na, pịkị Lahodisiya na.”

Mịẹfinji 1:4

Jọnị, mị ḍiri mẹ kẹẹ tẹ kẹ Esiya ibe ḅụ simearị sọnọma asọsị ma fịrịmam: Anịngẹ-kụraḅio emi Tamụnọ ḅe, tẹ gbọrụ sakị ḅụ sime, sime, tẹ pịkị ḅo ḅarị ḅọ ḅe ḍiki-ḅụụjịrị na dein na sime ọ́ pịrị, pịkị sọnọma atẹmẹ ma tẹ ori emine mẹ tọrọkọ simearị aị ma ḅara ḅụ sọ ḅo ye,

Mịẹfinji 1:8

KỊNỊNYANAḄỌ, Kụrọmamgba Nyana Tamụnọ ḅe, Anịngẹ-kụraḅio emi ḅọ ḅe, sime-sime ḅọ ḅe, tẹ ḅo ḅarị ḅọ ḅe ḅẹẹarị, “Yẹrị anie tarị, pịkị kunoma-a.”