Hiburu 13:7 - FỊAFỊA BAỊBỤLỤ

⁷ Tarị-pịrịpịrị-ḅụ ọmịna sịḅịdapụ tẹ Tamụnọ ẹkwẹn mẹ kọn ọ́ pịrị apụ ma, ọmịnị ịn kẹ ḅiokoromaa. Ọmịnị ịn ḍumo kọn ḅara na ịn fịị ḅara na kẹ ḅiokoromaa, tẹ ịn nyana minini mẹ pembe ye nyana-a.

Hiburu 13:7 Iomraidhean Croise

Sọlọmọnị Ḅẹlẹtẹịn Nume 1:8

Anị anga mẹ í nimi-a ḅẹḅẹ, ereme ogboku ḅụ ḅẹlẹma tẹịn ẹrẹḅọ, anana-ogbo mẹ ḍuka mu; osuka fị kiri ḍọkị í oḅori ma pịrịị, anana-ḍikiḍikiapụ ma akpụrụ-awarị ma kpeki ḅụ.

Matiyo 24:45

“Ọkọ kụma, iḅiọkụma fịrịmẹnjịḅọ tẹ pịkị ye-nimi wararị ḅọ anie tụḅọ? Ori anie ọ̀ nyanaḅọ kẹ osi ori afịrịmẹnjịapụ ma sịḅị dama tẹ ḅẹẹ tẹ ḅọ, mịnẹ sakị laa sakị, laa sakị, ori ịna fịye kẹ ịn pịrịị.

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 5:1

Gbọrụ ene ḅụ, ḅụ Jizọsị Gẹnẹsarẹtị tọrụ akaka sịẹ wararị ogbo, tomi jụmọ-jụmọ sukuruma ma-mu ọ̀ lam, ịn Tamụnọ ẹkwẹn mẹ poki ḅẹ ḅara.

Luku 8:11

“Miemẹ anie egberi mẹ fiearị ye. Tamụnọ ẹkwẹn mẹ anie ḍiḅi ḅẹ sịn mgbọlị mẹ.

Fịrịmẹnjịapụ 13:46

Kụma Pọlụ na Banabasị na nwẹnị paa ḅalafa-a ḅara kẹ ẹkwẹn pakama: “Anị mịẹ na-iḅi ḅara ḅụ, ọmịnị ma mie kịnị tarị Tamụnọ ẹkwẹn mẹ kọn pịrị gbẹẹ apụ, kụma ọmịnị anị sịkị tẹ, ọmịnị ọmịna ḅụụ kẹ sime gbamaso ḍumo gbẹẹ apụ sịn-a ḅẹẹ sakị, wa ọ́ wẹrịso tẹ tọrụ kẹ Ja asịẹ ḅẹ apụ ma da ḅa.

Fịrịmẹnjịapụ 14:23

In mu la sọsị sọsị, ịn sọsị omongiapụ tọn ịn pịrịm, tẹ ḅuru-ịmọ tẹ tẹkẹ tẹ ịn kẹ KỊNỊNYANAḄỌ ḅe ḅara sụam, in ḅioḅẹngbọ kẹ ḅụụ ḅụ gbana ḅọ ḅe.

Fịrịmẹnjịapụ 4:31

Ini ọkọ kẹ tẹkẹ fama tẹso, in kobiri sime anga mẹ nwẹnị jike. Fịafịa Tẹmẹ ḅe nwẹnị ịna aḅụụ ḅio sọ ḅin tẹ ịn nwẹnị saakị ḅiokpọ ḅara kẹ Tamụnọ ẹkwẹn kọn.

Romu 10:17

Mie ḅụ, oku mẹ naa ḅụ mie minini ḅoarị ye, anịsakị oku mẹ ḅoarị anga anie Kịrayịsị ḍuko pakama ḅụ.

1 Kọrịntị 10:13

Ḅo tomi la-la daaḍiki mie ḅo ọ́ laarị. Kụma Tamụnọ amịna ḅịḅị sima simaa ẹrẹsị, ọ̀ ḍụkụ tẹ ọmịnị ịnyọ nẹngị daaḍiki ḅo ọ́ la ḅịa. Daaḍiki sakị mẹ ḅụ ori ịnyọ kẹ ọ́ pịrị tẹ ọ́ kẹ inema ḅa, tẹ ọ̀ pịkị ọ́ kẹ anị ḅio tolu-ḅọrọ ḅarị ḅọkọ pakama ọ́ pịrị ḅa.

1 Kọrịntị 11:1

Ọkọẹrẹsị, ọmịnị ì ḍikima mịẹ, yẹrị sọ Kịrayịsị ḍikima mịẹarị ḅara.

1 Kọrịntị 4:16

Ọkọẹrẹsị, àrị ọ́ tẹkẹm, ọmịnị ì ḍikima mịẹ.

Filipayị 3:17

Ị̀ amịnapụ, ọ́ paa ì ḍikima mịẹ ma-muu. Ọmịna tọrụ karakara etela mẹ tẹ wa kẹ ó ḍie tẹ ye mẹ ḅụ so ma.

1 Tẹsalonịka 1:6

Ọ́ wamịnị na KỊNỊNYANAḄỌ ḅe na ḍiki angam; tẹ karakaraye ọ́ kpọma tọrụsiẹrịm sọ, Fịafịa Tẹmẹ ḅe ḅara ḅoarị ḅioḅẹlẹ mie ọ́ kẹ oku mẹ daa-ọkị ye.

1 Tẹsalonịka 2:13

Jen tẹ wa gotẹ sakị mamgba ịmịẹtẹ kẹ Tamụnọ ḅẹẹarị ye emi. Wa Tamụnọ oku mẹ kẹ ḅo ọ́ pịrị sakị, ọmịnị anị naa tẹ daa-ọkịm, tomina oku ḅara-a, kụma Tamụnọ oku ḅara, anie anị pịkị sime-ḅara. Kẹ gotẹ ọkọ ḍukoarị, Tamụnọ ọmịna ḅụ minini apụ ma ḅụụ ḅio kọrịnama kọrịarị.

2 Tẹsalonịka 3:7

Ọmịnị ḅioju sọ nimi lama wararị ḅara ḅụ, wa mịẹ ḅara mie ọmịnị sọ mịẹ ḅẹ ḅara. Wa ọmịnị na emi sakị wa kọrịnama kọrị ḅụ ḅụụ-lọkọma-a.

2 Tẹsalonịka 3:9

Wa miemẹ mịẹm, wa ọmịna ḅara ḅarasụa ḅii na-iḅi-a ẹrẹsị-a; wa gotẹ ọkọ mịẹ ye, ọ́ wa ḍikima tẹ mịẹ ḅẹ ḅara kẹ ó ḍie ḅẹ ḅara.

1 Timoti 3:5

Kẹ gotẹ ọkọ ḍukoarị, tomḅọ inetẹ mḅọ warị-kpo sọ ḍikiḍiki-a kụma ndẹẹ mḅọ inetẹ Tamụnọ sọsị mẹ ḍikiḍiki ḅẹ ḅara?

Hiburu 13:17

Ọmịnị ọmịna asịḅịdapụ ḅịḅị poki tẹ ịn ḅẹẹ ye mịẹ. Ini anie ọmịna atẹmẹ ma ḍikiḍikiarị apụ, ịnyọ sara-a ḅara ḅụ, ini ịna fịrị mẹ mẹnjị ḅara mẹ ḍuko Tamụnọ pịrị ḅẹ onyo-sẹịn wararị sakị goyegoye. Ọmịnị ịna ḅịḅị pokiarị kụma, in ḅioḅẹlẹ ḅara kẹ ịna kọrịnama kọrị ḅa; ọkọ-a kụma, kururu ḅụ mie ini anị mịẹ ḅarịye, tẹ aniemẹ ḅarasụa nyana ọ́ pịrị ḅịa.

Hiburu 13:24

Ọ́ wamịna ḅii-ḅịḅị kẹ ọmịna sịḅịdapụ mamgba pịrị famaa; ọ́ pịkị kẹ Tamụnọ atomi mamgba sọ pịrị. Italị ḅụ sime tẹ ḅo amịnapụ ma ó ḅiim.

Hiburu 6:12

Wa ḅii-a mịnẹ ọ́ ḅụụ-lọkọ nyana, kụma ó minini nyana wararị apụ, tẹ inema tẹ Tamụnọ minini tẹ ye mẹ nyana ḅẹ tẹ apụ ḅara sime.

1 Pita 4:11

Ḅẹḅọ-ḅẹḅọ tẹ Tamụnọ ẹkwẹn kọn-arị ḅọ, mḅọ Tamụnọ oku ma ḍukoo; ḅẹḅọ-ḅẹḅọ tẹ fịrịmẹnjịarị ḅọ mḅọ Tamụnọ kẹ mḅọ pịrịarị ịnyọ ḅụ mẹnjịị, mịẹtẹ ye mamgba ḅụ tomi Jizọsị Kịrayịsị ḅụ ḅọrọ tẹ Tamụnọ tokini ḅẹ ḅara, anie ebube na kụrọ na sime pịrị ḅọ ḅe, mu ḅẹ sakị, ḅẹ sakị la. Amẹnị.

Mịẹfinji 1:9

Yẹrị Jọnị, ọmịna mịnaḅọ ḅe, anie ọmịnị na sọ tẹ Jizọsị ḍukamẹnjịarị ḅọ ḅara ḅụ, pịkị ọmịnị na ye-inema ḅara kẹ tọrụsiẹrị gbolomarị ḅọ ḅe wa sime ori Ama-da mẹ pịrịm gotẹ. Ini ị̀ kẹ mu Patịmọsị sọọ mẹ ḅụ koromam, à Tamụnọ ẹkwẹn mẹ na Jizọsị mịẹfinji karakara mẹ na ḍuko wasamam ẹrẹsị.

Mịẹfinji 20:4

Anịtẹso à pịkị tọnwa emine ẹrịm, tẹ ịn kụrọ kẹ arị ọgọnọ lẹgị apụ ma pịrịm mịnẹ ịn kẹ ḅẹrẹ kọn. À pịkị Jizọsị ḍie-pakama karakara mẹ na Tamụnọ ẹkwẹn mẹ na ḍuko wasamam ẹrẹsị ịn ḅaa tẹ apụ ma atẹmẹ ma sọ ẹrịm. Ini ma amụ ịn sunsin kịnị ḅaa, ḅaa opu nama ḅe na ọ̀ fụḅara mẹ na pịrị-a, ori elekima mẹ sọ amụ ịn kẹ ịna afụḅara ḅọkọ anịanịa ịna aḅara ḅụ sụa-a. Ịn fị-ḅụ-saakị tẹ Kịrayịsị na sọ tẹ kụra maa ẹndẹ oyia asi finji kẹ ama-da tẹ ḅẹrẹtọnm.

Mịẹfinji 6:9

Anịtẹso Anana-Tụḅọ ḅe sọnọ karama ye-oḅoloye mẹ kpẹngbẹ finjim. À nwẹnị agbamịẹ-anga mẹ suku-ḅio, ịn Tamụnọ ẹkwẹn mẹ ḍuko pakama ye na, ini ịna minini ḅụ sịẹ-kụrọ ye na gotẹ ḅaa tẹ apụ ma atẹmẹ ẹrị.