6 Ọkọẹrẹsị, ó yee wa ḅiokpọ tẹ ḅẹẹ, “KỊNỊNYANAḄỌ ḅe anie ḅarasụa ị̀ pịrịarị ḅọ, à ḅalafa ḅịa. Tụḅọ inetẹ tiye kẹ ị̀ mịẹ ḅẹ?”
Mịna aị ma ḅọrọ tẹso, KỊNỊNYANAḄỌ ḅe nwẹnị ịkịan ḅụ ẹkwẹn Ebiramụ pịrị, “Ḅalafa ma, Ebiramụ. Yẹrị anie ị́ ekpeke tẹ ọhọm ḅio ị́ ḍụa ḅarị ḅọ. À pịkị opu gbẹẹ-ye kẹ ị́ pịrị ḅa.”
Anịtẹso KỊNỊNYANAḄỌ ḅe nwẹnị ḍuko Ịlayịja pịrị,
KỊNỊNYANAḄỌ ḅe ḅara ḅụ mie wamịna ḅarasụa ḅoarị, anie So na Kiri na tẹmẹḅọ ḅe.
Tomina sịḅịdapụ kẹ ḅiokpọma ma, gbọrụ tomḅọ sọ inetẹ ị́ ḅọrọma ḅịa.
Ị́ ḅụụ ḅọị ị̀ pịrị ma! Ịganị nyana ị̀ pịrị ma; ị́ fịrịmẹnjịḅọ ḅe dee ma. Anie anịngẹ-kụraḅio ị́ ḅarasụa pịrịarị ḅọ ḅe; ị̀ wẹrịso ma, ị̀ kẹ gbin-koroma so ma, Yei Tamụnọ, ị̀ ḅọrọma ḅọ.
Wa KỊNỊNYANAḄỌ ḅe kẹ ḅiokpọmarị: ori wa gbaịn ḅọ, pịkị ḅarasụa wa pịrị ḅọ.
Yei KỊNỊNYANAḄỌ, à kụrọ-a, yẹrị pịkị igoinḅọ, kụma amụ ị́ ị̀ kẹ ḅioḅọrọma-a. Ị́yẹrị anie ị̀ ḅọrọmarị ḅọ, pịkị ị̀ Tamụnọ; sarasarama ḅo ḅarasụa ị̀ pịrịị!
Kụma Tamụnọ anie ḅarasụa ị̀ pịrịarị-ḅọ. KỊNỊNYANAḄỌ ḅe anie ị̀ ḍụarịḅọ.
À Tamụnọ kẹ ḅiokpọmarị, tẹ ḅarị ḅalafa-a; ò minini ị̀ pịrị tẹ ye gotẹ arị ò tokiniarị. Papaa tomḅọ inetẹ tiye kẹ ị̀ mịẹ ḅẹ?
sakị mamgba ị́ ḅarasụa ị̀ pịrịarị ẹrẹsị. Ị́ pamba suku-ḅio mie à sime tẹ ḍereku nume-suarị.
KỊNỊNYANAḄỌ ḅe ḅarasụa ị̀ pịrị-a som namịna, mimgbe à fịị ḅọrọ tẹ.
Anịsakị osi-ḅọ ḅe ẹrẹ Ẹlịyeza: gbala ori mẹẹ, Ị̀ Ḍa Ḅe Tamụnọ Ḅe Ḅarasụa Ị̀ Pịrịm, Tẹ Fero Ị̀ Ḅaa Ḅụ Ị̀ Ḍụa-ḅọrọmam
Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.
KỊNỊNYANAḄỌ ḅe ḅẹẹm: Izirẹlị, ị́ ịrụ wararị, pịkị ịnyọ nyana-a sọ, ḅalafa ma, à ḅarasụa ị́ pịrị ḅa. Yẹrị Izirẹlị tẹkẹarị Fịafịa Ḅọ ḅe, anie ị́ ḅọrọmarị ḅọ ḅe.
Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.
Ma mamgba ḅụ wa tiye ḍuko ḅẹ? Tamụnọ wamịnị na emi ogbo tụḅọ inetẹ wamịnị na tụḅụrụ ḅẹ?
Kịrayịsị na gbọrụ ḅụ sime ḅụ, wa ọ̀ ḅụụ nyana minini ḅụ, wa ḅiokpọ tẹ Tamụnọ tọrọkọ mu ḅa, gbọrụ ḅalafa sọ ofori ḅara ḅụ.
Yei Jẹsurun, Tamụnọ pembe ḅọ ofori, oriḅe tẹ ḅarasụa ị́ pịrị ḅẹ so ma dọkụ tolu ḅọ ḅe, tẹ ori ama-da opu ḅụ so atọrụ ma tolu-ḅọrọ ḅọ ḅe.
Yei Izirẹlị, ḅioḅẹlẹ sime ọ́ pịrịm! Tọ apụ ọmịnị na kịka, KỊNỊNYANAḄỌ ḅe ḍụa-ḅọrọma gbọrụ atomi, ọmịna ḅarasụa ekpeke ḅe! Ọmịnị na fịya-a apụ ḅo, ḅo ọmịna tọrụ iḅi ọkị aị mịẹ ḅa; tẹ ọmịnị ịna gele ayeyọ ma ọgọnọ mẹnjị ḅa.
Ọkọẹrẹsị, ị̀ amịnapụ, Jizọsị fịịm gotẹ, sọ Fịafịa-tẹịn Yọ mẹ mu ḅụ wa kiki gberie-sọ ḅarị ofori.
Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.
Ori ọ̀ ḅẹẹm, “Ḅalafa ma, kẹ gotẹ ọkọ ḅẹẹarị, ị̀ ḍa Sọlụ ḅara mẹ ị̀ ḍọkị-ẹrị ḅịa; ị́ amadaḅọ sọ Izirẹlị pịrị ḅa, tẹ yẹrị ị́ palị ḅa; ị̀ ḍa Sọlụ sọ miemẹ nimi wararị.”