Hiburu 13:5 - FỊAFỊA BAỊBỤLỤ

⁵ Ọmịnị ọmịna aḍumo wẹrị ḅelema igbigi ḅẹlẹma ḅụ, tẹ ọ́ nyana ye ọmịnị na iḅi. Kẹ gotẹ ọkọ ḍukoarị, Tamụnọ ḅẹẹ tẹ, “Gbala-gbala àrị ị́ sịkị ḅịa; gbala-gbala àrị ị́ kẹ gbin koroma tẹ so ḅịa.”

Hiburu 13:5 Iomraidhean Croise

Suku-saakị 28:15

Ḍikii, arị ị́ na emii, tẹ í mu anga, mu anga ḅụ ị́ wẹrị kpaịnma ḅa, tẹ pịkị ị́ kẹ mị ama mẹ ḅo ḅa; kẹ gotẹ ọkọ ḅẹẹarị, arị ị́ koroma-so ḅịa nwenii arị aniemẹ tẹ à ḍuko ị́ pịrị tẹ ye mẹ mịẹ ḅa.”

Suku-saakị 30:31

Lebanị nwẹnị gbela, “À tiye kẹ ị́ pịrị ḅẹ?” Jekọbụ nwẹnị pakịrị, “Í gberie-sọ kẹ ị̀ pịrị ḅịa ị́ nwẹnị miemẹ mịẹ ị̀ pịrị ḅẹ kụma, à pịkị sin ị́ anana ogbo mẹ koko tẹ anị ḍikiḍiki ḅa.

Suku-saakị 31:5

tẹ ịn ḅẹẹm, “Àrị ẹrịm mịnẹ ọmịna ḍaḅọ ḅarị tarị ori ị̀ kẹ ye-sịn tẹ ị̀ ḅẹlẹma ḅara kẹ ị̀ ḅẹlẹma-a. Kụma ị̀ aḍapụ ma Tamụnọ ḅe sakị mẹmgba ị̀ na emi.

1 Amadapụ 6:13

Àrị ị̀ atomi Izirẹlịapụ ma ogboku anga ḅa mie ị́ namarị Tẹkẹ-warị mẹ ḅio, tẹ ḅarị jen-maaịn kẹ in koroma-so ḅịa.”

1 Amadapụ 8:57

KỊNỊNYANAḄỌ wamịna Tamụnọ ḅe ọ̀ wẹrịtẹ wamịna atẹngịapụ ma na sime-ḅara; ọ̀ wa wẹrịso ma, pịkị wa kẹ gbin-koroma so ma;

1 Paka-aị 28:20

Anịtẹso Devidi nwẹnị ori owiḅọtụḅọ Sọlọmọnị ḅẹẹ, “Kụrọ sịẹ iḅi ḅiokpọ ḅụ, tẹ anị kọrịị. Ḅalafa ma, ḅụụ-tukutuku ma; kẹ gotẹ ọkọ ḅẹẹarị, KỊNỊNYANA-TAMỤNỌ jen-a jen-a ị̀ Tamụnọ ị́ na emii. Ori í pikirima, anịanịa ị́ sịkị ḅịa nwenii KỊNỊNYANAḄỌ ḅe warị mẹ ḅụ kọrị na-iḅi kọrịnama mẹmgba kọrị fama ḅa.

Devidi-Anume 10:3

Si-sịḅịḅio-sụa tomḅọ ḅe ọ̀ mịẹ ḅẹ tẹ kuromarị siye mẹ kẹ ḅụụ bomarị: Opu pọkọ-ḅẹngbọ sụa tomḅọ ḅe Tamụnọ wori-wori tẹ ọ̀ sịkịarị.

Devidi-Anume 119:36

Í oloko ma ịgbanị tẹ poki tẹ mịẹ ḅe ḅioḅẹngbọ kẹ ị̀ pịrị, ngọ-kọn nakara.

Devidi-Anume 37:25

Mịọkụ àrị omongi tẹ, à nangwọ sakị kẹ tomikiri anga tẹ: kụma jene-jene amụ àrị ẹrị-a KỊNỊNYANAḄỌ ḅe iḅi tomḅọ kẹ gbin kuroma-so tẹ sakị, anịanịa mḅọ awọmẹ fịye ḅii ma ḅọrọarị anga.

Devidi-Anume 37:28

kẹ gotẹ ọkọ ḅẹẹarị, KỊNỊNYANAḄỌ ḅe kuraye ḅẹlẹmarị, tẹ Ò minini atomi ma kẹ gbin kuroma so, so-a: ori ịn gbaịn mu ḅẹẹ-sakị ḅẹẹ-sakị laarị, kụma si-sịḅịḅio-sụapụ ma furo ḅẹ apụ ma ini in dee pakama ḅa.

Paka-so 2:21

Mie ḅụ tomḅọ ḅe na anga mẹ nwẹnị Mozizi ḅụụ-ḅẹlẹ, tẹ ori ori ẹrẹḅọtụḅọ Zipora saakị Mozizi pịrị simem.

Paka-so 20:17

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.

Egberima-Ẹkwẹn 23:4

Ye-nimi tẹ nimii mịnẹ, ị́ ị́ ḅụụ ḅaa ngọ-kọn pịrị ḅịa.

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Ayịzaya 41:17

Ị̀ atomi minji ḅụụ-fụka ḅụ minji ḍọkịarị sakị, minji ḅuu pọkọ-tarị ḅụ ịna apọkọ ḅẹ ololo kpakịkị sakị, anị sakị ḅụ, yẹrị, KỊNỊNYANAḄỌ ḅe, ịna tẹkẹ pakịrị ḅa, Yẹrị, Izirẹlịapụ tẹkẹarị Tamụnọ ḅe gbala-gbala ịn kẹ gbin koroma so ḅịa.

Ayịzaya 42:16

“À tọrọkọ tarị tẹ ị̀ atọrụngbọ-pụụntẹ-apụ kẹ jene-jene amụ ịn ḅọrọ ye mu-a etela ḅụ ḅọrọ ḅa. Arị ịna kanakana kẹ bele sọma tẹ gbima-gbima amakiri mẹ mịẹ miniminima ḅa ịna tọrọkọ. Ma ma mie à minini aị ma, tẹ gbarị-a ḅara ḅụ arị arị mịẹ ḅa.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Matiyo 6:19

“Ọmịnị ngọ tan kpolima ọmịna ḅụụ wẹrịma ma mị tomikiri ḅụ, anie akarakaraḅa na, asarị na, ye gulugulumarị, tẹ furu apụ pịkị kan sọ tẹ ye furu, furu anga mẹ.

Matiyo 6:25

Miemẹ anie à gotẹ ọ́ ḅẹẹarị mịnẹ ọmịnị ọ́ fị ḅẹ aị na, ó ḅuu ḅẹ aị na ẹrẹsị ḅụụ-ḅalaḅala ma, mịẹtẹ ó ḍumo sime ḅarị ḅara, anịanịa ọ́ sụa ḅẹ kapa. Mie-mẹmgba ọgọnọ ḅụ, ọ́ kọkọ nimi wararị, mịnẹ tomḅọ ḍumo mẹ, ḅịḅị-ḅio sụa fịye nẹngịm, anịsakị oju mẹ pịkị kẹ anị sụarị kapa nẹngịm.

Matiyo 6:34

Mie ḅụ, ọ́ ḅaa ḅụ paka ḅarịye gotẹ ḅụụ-ḅalaḅala ma; ḅaa mẹ anị ḅẹ ḅụụ-ḅalaḅalama aị nyana ḅa. Anị sọye mịẹ tomḅọ pịrị ḅịa, mḅọ sime mịmgba mẹ pịrị ḅụụ-fụka ma ḅụ ofori aị dogi-ḅo sụa.

Makị 7:22

sẹfị, opu pọkọ-ḅẹngbọ sụa na, kịrị-kịrị asi amịẹaị mịẹ na; oḅori-kẹ-kịnịsịn, tọrụ-gbẹ-a amịẹaị mie, afana, jụmọ ḍuko sima mḅọ ọḅụjụ ḅụ, ḅụụ-gelema na oḅori amịẹaị na:

Luku 3:14

Ọmụapụ ma ḅẹ ja apụ sọ ò gbelam, “Wamịna jụ tọ-ḅara? Ndẹẹ wa mịẹ na-iḅi ye?” Ọ̀ nwẹnị ịn ḅẹẹ, “Ọ́ kụrọ-ḅara kẹ gbọrụḅọ sọ ḅara igbigi ọkị ma, ọ́ pịkị tomḅọ nimi-a ye kẹ mḅọ sịḅị sẹịn ma. Ịn kẹ ọ́ gbẹẹarị ye ọmịnị na iḅi.”

Luku 8:14

Nangị asịn ogboku koro mgbọlị ma anie naa tẹ tomikiri ḅẹ ḅalaḅala na, ngọ na mị tomikiri ḅẹ tọrụ-ḅẹlẹ na ḅo ịna ḅioḅẹngbọ ḅụ anị ponoma ḅaa apụ, tẹ ịn ḅụụkụrọma sụa mgbọlụ sọ gbala-gbala ḅịya-a gbamasom.

Romu 1:29

Si-sịḅịḅio-sụa ḅara na, si-amịẹaị na, opu-pọkọḅẹngbọ na, ngoro-ngoro-amịẹaị na, ịna ḅụụ ḅin wararị; afana na, kịnị-ḅa na, owu kẹ kịnị paka na, oḅori-kẹ-kịnịsịn na, ḍiki-ḅioḅu na sọ ịna ḅụụ sọ ḅin wararị. Ịn kịnị kẹ ọḅụ mẹnjị

1 Kọrịntị 5:11

À fiearị ye anie, amịna ḅụụ kẹ Kịrayịsị ḍukamẹnjị mịnaḅọ sịn-arị ḅọ tẹ ama mẹnjị ḍumo kọn-arị ḅọ, anịanịa opu pọkọ-ḅẹngbọ sụa ḅọ, anịanịa oru tẹkẹarị ḅọ, anịanịa kịnị ḍuko simearị ḅọ, anịanịa iru ḅuu ḅụramarị ḅọ, anịanịa furuḅọ, ọmịnị mḅọ na gboloma ma. Ọkọ sime tomḅọ mẹ, mḅọ na lẹgị tẹ ḅara gboloma ye fị sọ ọ́ mịẹ ma.

1 Kọrịntị 6:10

anịanịa furuarị ḅọ, anịanịa opu pọkọ-ḅẹngbọ sụa ḅọ, anịanịa iru ḅuu ḅụramarị apụ anịanịa ja apụ ḍuko-simarị apụ, anịanịa furuapụ mịna aị ma mịẹarị apụ ma ḅẹ gbọrụḅọ-sọ Tamụnọ ama-da tẹ ḅẹrẹtọn-arị anga mẹ ḅụ sime ḅịa.

2 Kọrịntị 4:9

si kẹ wa tọn-arị apụ ḅakam, kụma wa amụ gbala-gbala ikia nyana-a ḅara sime-a; tẹ karakaraye ja sakị ye iḅiọkụ wa laarị, anịsọ wa fịị kpatakpata-a.

Ẹfisọsị 5:3

Ọmịnị Tamụnọ atomi ḅẹẹ sakị, anị kura-a mịnẹ owiḅọ na ẹrẹḅọ na kura-a ḅara kẹ gboloma mịẹye, anịanịa ḅụụ sima mịẹye, anịanịa opu pọkọ-ḅẹngbọ sụa ḍumo kọn, anị ẹrẹ kịngẹ sọ gotẹ na-iḅi-a ọmịna ogboku.

Ẹfisọsị 5:5

Ó nimi ḅa mịnẹ owiapụ na ereme na gboloma na-iḅi-a ḅara kẹ gbolomarị apụ, anie ḅụụ sima ḍumo kọn-arị apụ, anịanịa opu pọkọ-ḅẹngbọ sụa apụ, gbọrụ sakị sọ ofori, Tamụnọ na Kịrayịsị na Ama-da tẹ ḅẹrẹtọn-arị anga mẹ ḅụ kiri nyana.

Ditẹrọnọmị 31:6

Iḅi ḅiokpọ ḅụ ọ́ kụrọ sịẹsime, ó siye ḅụụ la ḅẹ kuroma, anịanịa opu ḅalafa nyana ma ịna aḅụụ; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie ọmịnị na muarị ye; ori ó pikirima, anịanịa ọ́ sịkị ḅịa.”

Ditẹrọnọmị 31:8

KỊNỊNYANAḄỌ ḅe mie tọrọkọ tarị ị́ pịrị wararị ḅọ. Ori ị́nịna sime ḅa; ori í pikirima, anịanịa ị́ sịkị ḅịa; siye ị́ ḅụụ la ḅẹ kuroma, anịanịa ekpe tukutuku nyana ma.”

Ditẹrọnọmị 4:31

kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe anie ọkụrụkụrụ Tamụnọ; ori ó pikirima, anịanịa ọ́ ḅaa, anịanịa ọḅọkụ mẹ tẹ ori ọmịna aḍapụ na fị tẹ ye karị ịn pịrị ye mẹ kẹ ḅioḅọrọma ḅịa.

Kọlọsị 3:5

Ọkọẹrẹsị, ó tomikiri ḅẹ aị tẹ oju ḅio ọmịnị ịgbanịarị aị ma ḅaa siin, anie mịna aị ma kịka aị: kura-a ḅara ḅụ owiḅọ na ẹrẹḅọ na gboloma na, ḅụụ gbẹẹ-a ye-mịẹ-ḅara na, lẹlẹ ye pịrị na, si ḅara kẹ tẹmẹ-lokoloko ye pịrị na, opu pọkọ-ḅẹngbọ na (miemẹ oru tẹkẹ na anị na gbọrụ ḅara).

1 Timoti 3:3

mḅọ iru ḅuuḅọ anịanịa gbiri-gbiri-gbiri ḍumo kọn-arị ḅọ sọ ḅịa, kụma gbene tẹ dein tẹ ḍumo; mḅọ igbigi ḅẹlẹma ḅịa;

Jọsụwa 1:5

À wẹrịtẹ Mozizi na sime-ḅara mie arị ị́nịna sime ḅarị ḅara, ị́ ḍumo-ene mamgba ḅụ; inetẹ ị́ tọrọkọ sịẹ ḅẹ ḅọ ofori; arị í pikirima ḅịa, anịanịa ị́ sịkị.

Jọsụwa 7:21

Ọmụ ḅio ọkị aị ma ogbo-ḅio à Sina ḅụ ḅo gbọrụ iḅitẹ ḅara ofori ọgọnọ gbana opu kapa na, seleḅa pakịrị oyia asi na, golu kpoo mesi oyi finji iku kọn golu gbọrụ kpo na ẹrịm, tẹ nwẹnị arị mọnị tẹ arị ọkị; anịsakị ḍikii, arị ị̀ akpụrụ-warị ḅio arị kẹ kiri-ḅio ḍiḅi tẹ seleḅa mẹ kẹ arị suku-ḅio suu wararị.”

2 Pita 2:14

Sakị mamgba ịna atọrụngbọ jen anga ofori, si mẹnjị kọn-arị ereme ọgọnọ sikima tẹ; si mịẹ ịna apọkọ tata-a. In minini kụrọ-a apụ dogi-mu ḍiein ḅio koromarị. Ini ịna aḅioḅẹngbọ tẹlẹma tẹ kẹ opu pọkọ-ḅẹngbọ sụa ḅara wẹrịarị. Ini ma Tamụnọ wori-nume ịna ọgọnọ emi!

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.

Judu 1:11

Ịn tẹkẹlẹtẹ ḅara ḍikii! Keni ọkị etela mẹ mie in ḍuka mu tẹ ye (kịnị ḍiki-ḅioḅu na kịnị ḅaa etela na). In Balamụ ḍikima tẹ igbigi gotẹ siye mịẹm. Ịn pịkị Kora kọngọ kụrọma ḅara kẹ kọngọ kụrọmam, tẹ ò gulugulu fịị kọn ḅara ini sọ ọkọ kẹ fịị tẹ.

1 Samụẹlị 10:7

Mịọkụ mịna elekima ma ḅo ị́ na donia sakị, ị́ ḅara mịẹ ḅẹ ḍọkị ye ḍọkị ye mịẹ, kẹ gotẹ ọkọ ḅẹẹarị, Tamụnọ ị́ na emi.

1 Samụẹlị 12:22

Kẹ gotẹ ọkọ ḅẹẹarị, KỊNỊNYANAḄỌ ḅe ori atomi kẹ wakị-nguma ḅịa, ori opu ẹrẹ mẹ ẹrẹsị, anị gbala KỊNỊNYANAḄỌ ḅe ḅụụ-ḅẹlẹm ọ́ kẹ gbọrụ atomi mịẹ ọ̀ ḅụụ pịrị.