Hiburu 13:4 - FỊAFỊA BAỊBỤLỤ

⁴ Ama-na-ere-na ḍumo mẹ kịnị mamgba kụn kẹ anị pịrịị, tẹ diapụ na tapụ na ẹrị mịnẹ ịn ḅioḅẹngbọ-kẹ-sịrẹrẹ-niḅi ḅara sime jụmọ-jụmọ pịrịm. Ḅụụ-sima ḍumo kọn-arị apụ na, sẹfị-apụ na Tamụnọ ịn kọn ḅa.

Hiburu 13:4 Iomraidhean Croise

Suku-saakị 2:21

Anie ḅụ KỊNỊNYANA-TAMỤNỌ ḅe nwẹnị owiḅọ ḅe mịẹtẹ ori opu mono kọn, tẹ ò monoarị ogbo ori agaga ḅẹ gbọrụ mgbe sin ọkị tẹ nwẹnị meni kẹ anị kiri gbaịn;

Suku-saakị 2:24

Anịẹrẹsị owiḅọ ọ̀ ḍa na ò iyingi na koroma-so mu ọ̀ ta na gboloma ḅa, tẹ ịn ḅo gbọrụ oju meni mịẹ ḅa.

2 Amadapụ 22:14

Anieḅụ Hilikaya agbamịẹḅọ ḅe na, Ahikamụ na, Akịbọ na, Safani na, Asaya na, nwẹnị Ịkịankoro-ẹrẹḅọ Huluda na ẹkwẹnma ḅẹ mu. Árị anie Salumu ta — oriḅe anie Tikiva owiḅọtụḅọ, pịkị Hahasi taa-owiḅọtụḅọ tẹ kapa koko igbe mẹ ḍikiḍikiarị ḅọ ḅe. (Jeruselemu ḅụ Ịwọma Pakama Anga mẹ ḅụ árị angam). Ịn nwẹnị árị na ẹkwẹn.

Jobu 31:12

gbala aniemẹ anie fịnị tẹ dọkịma Ḍụẹịn Ama fịrịmarị fịnị, anịsakị anị dọkịma mu ị̀ ḅụụ sọ-ḅo ye mamgba kuno la ḅa.

Ayịzaya 8:3

Sakị kẹlẹ ḅọrọ tẹso, ị̀ ta nwẹnị fura. Wamịna tụḅọ ḅe iyi sakị, KỊNỊNYANAḄỌ ḅe ị̀ ḅẹẹm, “Ẹrẹ kẹ ọ̀ sịn, ‘Fọnya fọịn ḅo ye sarasara ḅara kẹ pọkọ ọkị ye.’

Lẹvitikọsị 15:18

Owiḅọ nwẹnị ẹrẹḅọ na gboloma tẹ saraye sarasara, ini maa apụ mamgba ḅiri tẹ minji kẹ amịna aḅụụ sịkịrị tẹ fịafịa-a ḅara sime nwenii mu ḅoḅiri-so la ḅa.”

Lẹvitikọsị 18:20

“Ị́ na kpeki tẹ angarị ḅo ta na gboloma tẹ árị na ị́ ḅụụ pilema ma.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

1 Kọrịntị 5:13

Sọsị ḅẹ apụ-a tomi kọn mẹ anie Tamụnọ ḅẹrẹ. “Ọmịnị ọmịna ogbo ḅụ simearị si tomḅọ ḅe dee-siin.”

1 Kọrịntị 6:18

Ọmịnị owiapụ na ereme na kọn-arị si mẹnjị mẹ ḅụ ḅụụ kịẹn. Tomḅọ mịẹarị jen si tẹ mḅọ oju ọmbịmarị ye ofori, kụma owiḅọ na ẹrẹḅọ na kura-a ḅara kẹ gbolomarị si mẹ mịẹ ḅọ mẹ mḅọ si kẹ mḅọ oju mịẹ tẹ.

1 Kọrịntị 6:9

Piki-pikiye-ofori ḅara ḅụ, ó nimi wararị mịnẹ si-sịḅịḅio sụarị ḅọ Tamụnọ Ama-da tẹ ḅẹrẹtọn-arị anga mẹ ḅụ sime ḅịa. Ọmịnị oḅori kẹ ọmịna aḅụụ sịn ma; si amịẹaị mịẹarị apụ, anịanịa oru tẹkẹarị apụ, anịanịa sẹfịarị apụ, anịanịa owiḅọ na ẹrẹḅọ na mịẹ-mịẹ ye kẹ amịna pembema owiḅọ na mịẹarị ḅọ,

1 Kọrịntị 7:38

Mie ḅụ, ẹrẹḅọ sime owiḅọ ḅe mịẹ ḅara mẹ iḅim, kụma amịna ḅụụ ọlọ tẹ ẹrẹḅọ sime-a ḅọ ḅe mịẹ ḅara mẹ iḅitẹịn tẹ.

1 Kọrịntị 9:5

À kụrọ nyana-a, osi afịrịmẹnjịapụ ma mịẹarị ḅara mịẹ, jen-a jen-a KỊNỊNYANAḄỌ ḅe amịnapụ ma na Pita na mịẹarị ḅara, tẹ Kịrayịsị ḍukamẹnjị ẹrẹḅọ sime tẹ árị ị̀ ḅụụ sọ tẹ à kọn-arị mẹnjị mẹ kọn ma ḅọrọ?

2 Kọrịntị 5:10

Kẹ gotẹ ọkọ ḍukoarị, wamịnị-mgba Kịrayịsị tọrọkọ paka-ḅo tẹ ọ̀ wa kọn ḅa. Ọrụḅọ-ọrụḅọ mḅọ ọkị gbẹẹ ye ọkị ḅa, anie mḅọ meni-oju mẹ ḅụ ḅẹ ḍumo ḅụ sime sakị mḅọ mịẹ ye, mịẹ ye sime-ḅara, iḅiye-o, siye — ó.

Galesiya 5:19

Tomḅọ si sime-ḅara mẹ mịẹ-mịẹ aị giregire wararị. Anị amịna ḅụụ ḍie-pakamarị anga anie, owiapụ na ereme na si mẹnjị kọn na, ḅụụ sima mịẹye na, ḅụụ gbẹẹ-a amịẹaị na ḅụ;

Galesiya 5:21

kịnị sọlịma ḅụ in ḍiki-ḅioḅu na, ḅẹlẹma iru ḅuu tọrụ-ḅaama na, saḅa-ḅọrọ tẹ ḅara kẹ su na sẹkị na ma ḅọrọ na, mịna aị ma kịka jaị sọ tomḅọ si sime-ḅara mẹ ḅụ ḅoarị. Ḅọrọ tẹ sakị ḅụ à kẹ ọmịna ḅeri nụnụ tẹ ḅara, à pịkị mịọkụ sọ ọmịna ḅeri nụnụarị, mịnẹ mịna aị ma mịẹarị apụ Tamụnọ Ama-da yọ mẹ sọ-mu ḅịa.

Ẹfisọsị 5:5

Ó nimi ḅa mịnẹ owiapụ na ereme na gboloma na-iḅi-a ḅara kẹ gbolomarị apụ, anie ḅụụ sima ḍumo kọn-arị apụ, anịanịa opu pọkọ-ḅẹngbọ sụa apụ, gbọrụ sakị sọ ofori, Tamụnọ na Kịrayịsị na Ama-da tẹ ḅẹrẹtọn-arị anga mẹ ḅụ kiri nyana.

Ditẹrọnọmị 22:22

Ọ́ gbọrụ owiḅọ na jen owiḅọ ta na gbolomarị ḍọkị-ẹrị-ẹrị, ini maa apụ mamgba fịị ḅa; owiḅọ ḅe tẹ ẹrẹḅọ ma na gbolomarị ḅọ ḅe na, ẹrẹḅọ ma na. Mị-ḅara mie ọ́ kẹ siye mẹ sịkịrị sin ḅarị ḅara Izirẹlị ḅụ.

1 Tẹsalonịka 4:6

Ọkọẹrẹsị, miemẹ ḅụ gbọrụḅọ-sọ mḅọ pembema Kịrayịsị ḍukamẹnjịḅọ iri tẹ tọrụ pakama mḅọ pịrị ma. Jen sakị miemẹ wa ḍuko ọ́ pịrị tẹ, tẹ mịọkụ wa pịkị kụrọma ọmịna aḅeri nụnụarị, mịnẹ ọkọ sime ye mịẹ arị apụ ma KỊNỊNYANAḄỌ ḅe fomu-ḅara kẹ ịn pịrị ḅa.

1 Timoti 3:12

Sọsị ḅio ḅarasụa fịrịmẹnjịarịḅọ mẹ, mḅọ gbọrụ ẹrẹḅọ ngẹrị simee, pịkị inetẹ mḅọ warị-kpo na mḅọ awọmẹ na ḍikiḍiki kpaịnmaa.

1 Timoti 3:2

Sọsị sịḅịdaḅọ mẹ mḅọ ḅụụ ḅụ ḅẹẹ ḅẹẹ ye pakama; mḅọ gbọrụ ẹrẹḅọ ngẹrị simee; mḅọ sịḅịḅio kuḅu tẹ, ḅụụ ọlọ tẹ ọrụtọn ḍumo kọn; mḅọ tọrụ-nimi-a atomi da warị suu; mḅọ inetẹ ye-tolumaa;

1 Timoti 3:4

mḅọ amịna warị-kpo ḍikiḍiki kpaịnma tẹ mḅọ awọmẹ mḅọ ḅịḅị poki tẹ ḅin tẹ kụn kẹ mḅọ pịrị.

1 Timoti 4:3

Ọkọ sime atomi ma tolumarị mịnẹ ama-na-ere-na sime na, ja afịaị fị na kura-a. Kụma arị afịaị ma Tamụnọ tẹmẹm tomi fị, ịn tẹkẹ tẹ ịmịẹtẹ kẹ Tamụnọ ḅẹẹ tẹ ḅẹḅẹ, anie Kịrayịsị minini tẹ karakara mẹ nimi tẹ apụ ma.

1 Timoti 5:14

Anie ḅụ ị̀ ḅụụ-ḅẹlẹ tẹịn ye anie, iriawọ tẹ diapụ-fịtẹ-ereme ma owiapụ simee, tẹ awọ iyi tẹ ịna awarị nyana tẹ ḍikiḍiki, mie ḅụ ịn ḅarị kiri kẹ si kẹ wa tọn-arị apụ ma pịrị tẹ ịn wamịna ḅụụ siye ḍuko ḅịa.

Tayịtọsị 1:6

sọsị omongiḅọ mẹ mḅọ si ḅụụ ḅụ ofori ḅọ sọọ; gbọrụ ẹrẹḅọ ngẹrị simee; mḅọ awọmẹ Kịrayịsị minini apụ sọọ, tẹ kịnị mamgba in gbiri-gbiri-gbiri, amịẹaị mịẹarị na ḅịḅịpoki-a ḅara na kẹ nimi wararị apụ sọma.

Hiburu 12:16

Yee gbọrụḅọ-sọ Ịsọ kịka tẹ ḅụụ gbẹẹ-a amịẹaị na, Tamụnọ kẹ ye-sịn-a amịẹaị na ḍumo kọnma, ori anie gbọrụ sakị ḅẹ fịye gotẹ amịna mgbe kiri dẹrị ḅọ ḅe.

Mịẹfinji 22:15

Kụma opu ama mẹ ḅio sọ-a apụ ma anie amịna ḍumo kọn pengemarị apụ na, ḍiri ibiam tii-arị apụ na, ḅụụ kpaịnma-a ḍumo kọn-arị apụ na, kịnị-ḅaapụ na, oru tẹkẹ apụ na, pịkị iruo-apụ na, ịn kọn-arị ẹkwẹn ma na ịna amịẹaị na ḅụ.