Hiburu 13:2 - FỊAFỊA BAỊBỤLỤ

² Ọ́ kẹ ḅiokoroma tẹ amụ ọ́ tọrụ nimi-a apụ da ọmịna awarị suu. Anie mẹ mịẹtẹ, nimi-a ḅara ḅụ, enjẹlị apụ da warị suu tẹ ja apụ emi.

Hiburu 13:2 Iomraidhean Croise

Suku-saakị 18:1

Eneḅaka-fịafịa-ogbo, Ebira-amụ Mamụrẹ ḅẹ ịn kẹ oku nwẹn-sịn asịn ma akaka, ori akpụrụ-warị ḅọkọ ḅụ lẹgị-sime wararị ogbo KỊNỊNYANAḄỌ ḅe ḅụụ pakama ò ḍiem.

Suku-saakị 19:1

Maa enjẹlị apụ ma nwẹnị ḅoḅiri-so ḅụ Sọdọmụ ḅo; tẹ Lọtị Sọdọmụ ḅẹ ogigo-ḅọkọ mẹ ḅụ Lẹgị-sime wararị. Lọtị ini ẹrị tẹso, ò nwẹnị ini na bịama ḅẹ tẹ saakị mu, tẹ ọ̀ sịḅị-tuu mu ọ̀ tọrụ kẹ kiri lama,

2 Amadapụ 4:8

Gbọrụ ene ḅụ, Ịlayịsa nwẹnị Sunemu ngọ-kọn wararị gbọrụ ẹrẹḅọ sime anga mu. Árịma nwẹnị tọn ọ̀ pịrị mịnẹ ọ̀ fịye kalịye fị. Anieḅụ ori anị etela ḅụ ḅọrọ sakị ḅọrọ sakị, ori agba-agba tẹ fịye fịm.

Jobu 31:19

À nwẹnị paa ḅẹḅọ-ḅẹḅọ tẹ kapa nyana-a gotẹ fịị-faarị ḅọ, anịanịa ḅụụ gbaịnye nyana-a igoinḅọ ẹrị tẹ;

Jobu 31:32

Àrị ị̀ aḅọkọ finji etela mẹnjịarị apụ ma pịrị tẹ igoniḅọ ḅe amụ etela-ogbo ḅụ sime-a;

Ayịzaya 58:7

Í fịye kẹ ḅuru-pọkọtarịapụ ma na fịị, tẹ ị́ ḅọkọ finji sime-yọ nyana-a igoin-apụ ma pịrịị. Kapa kẹ sụa ḅẹ ye nyana-a apụ ma pịrị sụa, tẹ ḅarasụa ị́ amịnapụ pịrị mẹ sịkị ma.”

Lẹvitikọsị 19:34

Igoniḅọ ḅe tẹ ọmịnị na angarị ḅọ ḅẹ ọmịna ogbo-ḅio ḅụ ama-kuḅu ḅẹ ḅọ sime-ḅara sime ḅa, anịsakị ọmịnị ọmịna aḅụụ ḅẹlẹma ḅara kẹ mḅọ ḅẹlẹma ḅa kẹ gotẹ ọkọ ḅẹẹarị, ọmịnị sọ igoniapụ sọ simem Ijiputi ama mẹ ḅio. Yẹrị anie KỊNỊNYANAḄỌ ọmịna Tamụnọ ḅee.”

Matiyo 25:35

Ḅuru ị̀ tarị tẹ ọ́ fịye kẹ ị̀ pịrị fịm; minji ị̀ pọkọ tarị tẹ ó minji kẹ ị̀ pịrị ḅuum; à kịnị tọrụ nimi-a ḅọ ḅara kẹ ḅo tẹ ọmịnị ị̀ da warị suum;

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Matiyo 25:43

à kịnị tọrụ nimi-a ḅọ ḅara kẹ ḅom, kụma ọmịnị ị̀ da ọmịna awarị ḅio suu ḍụkụ-a, à paụm kụma ọ́ ḅịtẹ kẹ ị̀ ịnwaịn ḍụkụ-a, àrị obi tẹ pịkị ikoli-warị ḅio simem, kụma ó ḅo ì ḍiki ḍụkụ-a.’

Fịrịmẹnjịapụ 16:15

Tẹ árị na á warị ḅẹ apụ na minji sara tẹso, á nwẹnị wa ḅẹẹ, “Ó nimim à KỊNỊNYANAḄỌ ḅe minini wararị ḅẹḅẹ, ó ḅo ị̀ warị simee.” Tẹ árị ịgbanị nwenii tẹ wa nwẹnị mu.

Romu 12:13

Yee ọmịna pembema Kịrayịsị ḍukamẹnjịapụ tẹ mịẹ ḅẹ ọkụ ofori apụ ma ọmịnị na ọ́ nyana aị ḍiya, tẹ ọ́ ḅọkọ gbaịn igoniapụ pịrị ma.

Romu 16:23

Gayọsị, à bịan warị mẹ, tẹ sọsị mẹ kobiri, kobiri anga mẹ nyanaḅọ ḅe, sọ ḅii-ḅịḅị kẹ ọ́ fịrịmam. Ịrasịtọsị (ama igbigi-kokoḅọ ḅe) na wamịna iyimbere Kwatọsị na sọ ḅii-ḅịḅị kẹ ọ́ fịrịmam.

1 Timoti 3:2

Sọsị sịḅịdaḅọ mẹ mḅọ ḅụụ ḅụ ḅẹẹ ḅẹẹ ye pakama; mḅọ gbọrụ ẹrẹḅọ ngẹrị simee; mḅọ sịḅịḅio kuḅu tẹ, ḅụụ ọlọ tẹ ọrụtọn ḍumo kọn; mḅọ tọrụ-nimi-a atomi da warị suu; mḅọ inetẹ ye-tolumaa;

1 Timoti 5:10

tẹ pịkị iḅiye mịẹ ḅụ tomi iḅima lekiri wararị ḅọ. Karakara ḅara kẹ amịna awọmẹ ḍikiḍiki pakama-ḅo tẹ ẹrẹḅọ. Tọrụ nimi-a apụ daa á warị suu tẹ ḅọ. Ḅụụ-iderima tẹ fịrị mẹnjị á pembema Kịrayịsị ḍukamẹnjịapụ pịrị tẹ ḅọ. Ḅarasụa ḅụụ-fụka kiri ḅụ sime apụ pịrị tẹ ḅọ; tẹ nwẹnị gbọrsịḅị amịna ḅụụ saakị iḅiye mịẹ pịrị tẹ ẹrẹḅọ.

Tayịtọsị 1:8

Mḅọ ja anga ḅo apụ da warị suu tẹ iḅiye ḅẹlẹmaa. Mḅọ ḅụụ-ọlọ na, kịnị mingirima-a na, fịafịa na kpaịn na ḍumo nyana-a.

1 Pita 4:9

Ọmịnị mbụrụmbụrụ-a ḅara kẹ jụmọ-jụmọ da warị suu.

3 Jọnị 1:5

Ì iḅi ikiaḅọ, ị́ kpọma ḅioḅẹngbọ-kẹ-sịrẹrẹ-niḅi ḅara kẹ ye mịẹarị, ị́ kọrị í pembema Kịrayịsị ḍukamẹnjịapụ pịrịarị kọrịnama mẹ ḅụ, anị ḅọrọ jen sakị amụ ị́ tọrụ nimi-a apụ sọ.