Hiburu 13:16 - FỊAFỊA BAỊBỤLỤ

¹⁶ Iḅi mịẹ na, ḅarasụa jụmọ-jụmọ pịrị na mẹ ọ́ kẹ ḅioḅọrọma ma, kẹ gotẹ ọkọ ḍukoarị, mịna agba aḅara ma mie Tamụnọ ḅụụ-ḅẹlẹarị ye.

Hiburu 13:16 Iomraidhean Croise

Devidi-Anume 37:3

KỊNỊNYANAḄỌ ḅe kẹ ḅiokpọma tẹ iḅiye mị; amakiri mẹ ḅụ anga tẹ kpaịn simee.

Devidi-Anume 51:19

Anịtẹso wa mịẹ ḅarị karakara agba ma í ḅioḅẹlẹma ḅa, pịkị wamịna dọkịma-agba ma sọ, tẹ wa pịkị nambulo-nambulo kẹ ị́ agbamịẹ-anga mẹ ḅụ agba mịẹ-mịẹ ị́ pịrị ḅa.

Luku 18:22

Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 9:36

Anị sakị Jọpa ḅụ Tabita nwẹn-sịn gbọrụ ẹrẹḅọ sime tẹ KỊNỊNYANAḄỌ ḅe mininim. (Giriki ḅịḅị ḅụ ịn kẹ á sịn ye Dọkasị, anie fiearị ḍuu). Á bebe ḍumo mẹ á kẹ iḅi mịẹ tẹ ḅarasụa igoin-apụ pịrịm.

Romu 12:13

Yee ọmịna pembema Kịrayịsị ḍukamẹnjịapụ tẹ mịẹ ḅẹ ọkụ ofori apụ ma ọmịnị na ọ́ nyana aị ḍiya, tẹ ọ́ ḅọkọ gbaịn igoniapụ pịrị ma.

Galesiya 6:10

Anie ḅụ otolo foo sakị, foo sakị wa iḅi kẹ ḅẹḅọ-ḅẹḅọ mịẹ, jen-a jen-a wamịnị na gbọrụ minini etela mẹnjịarị apụ ma.

Galesiya 6:6

Kịrayịsị oku mẹ ḍawọarịḅọ mẹ, amịna nyana iḅi aị mamgba kẹ ye kẹ mḅọ tolumarị ḅọ ḅe na ḍiemaa.

Ẹfisọsị 4:28

Furu-furuḅọ ḅarị furu ma, tẹ saakị kọrịnama kọrịị, mịẹtẹ mḅọ karakara ḅọkọ ḅụ mḅọ kẹ amịna ḅụụ ḍikiḍiki ḅẹ ye nyana tẹ pịkị inetẹ ḅarasụa igoin-apụ pịrị ḅẹ ḅara.

Filipayị 4:14

Kụma ọ́ mịẹ iḅi ḅakam, ị̀ ḅụụ-fụka ma ḅụ ọ́ nyana ị̀ pịrị ḅarasụa mẹ ḅụ.

Filipayị 4:18

Ọkọẹrẹsị, mie gbala ḅọrọ ọ́ kẹ ị̀ pịrị ye goyegoye ḅo ị̀ ḅara la tẹ nwẹn ḅẹẹ ḍiri. Anị waa ḅara sime tẹ! Ẹpaforoditosị da ḅo ị̀ pịrị ḍiepịrị-aị ma mịẹtẹ mịọkụ ị̀ ḅụụ-fụkamarị aị mamgba à nyana fama tẹ. Arị kịkarị ye anie, iḅiọkụ kụnụarị dọkịma-agba tẹ mịẹ Tamụnọ pịrị ye, ọkị na-iḅi tẹ ò ḅioḅẹlẹmarị ye.

1 Tẹsalonịka 5:15

Ọmịnị ẹrị mịnẹ gbọrụḅọ-sọ kura-aye kẹ si kẹ mḅọ mịẹ ḅọ mịẹ ọkị-a, kụma sakị mamgba ọ́ kẹ ọ́ mịẹ ḅẹ tẹ kẹ ḅiotọn wararị ye sọma, mịnẹ ọmịnị iḅi kẹ jụmọ-jụmọ mịẹm, pịkị tomi mamgba na.

2 Tẹsalonịka 3:13

Kụma, ọmịnị, mịnapụ, ọ́ ḍụkụ tẹ iḅi mịẹ ḅụ ịnyọ ọ́ ta ma.

1 Timoti 6:18

Tọn ịn pịrị, ini iḅi mịẹ, ini iḅi akọrịnama ḅẹ ngọ kọn, ịn tẹlẹma tẹ kịẹn-a ḅara kẹ ja apụ na ịn nyana aị ḍiya.

Filimọnị 1:6

Ị̀ tẹkẹ anie, minini apụ ḅara ḅụ, wa ọmịnị na nyana gboloma mẹ pokolo yefieye naa ọkị-ḅo ḅa ḅẹ boma, boma tẹ wamịna ḍumo ḅụ wa Kịrayịsị na gbọrụ ḅụ sime ye ḅụ nyana ye mẹ.

Hiburu 6:10

Tamụnọ ò tomḅọ la kiri kẹ mḅọ pịrị-a so so-a. Ọ́ kọrị ọ̀ pịrị kọrịnama mẹ ọ̀ kẹ ḅioḅọrọma ḅịa, anịanịa ò gotẹ ọ́ nyana ọmịna pembema Kịrayịsị ḍukamẹnjịapụ pịrị ḅẹlẹma mẹ, anie ḅarasụa ịn pịrị ḅụ ó ḍie pakama ye mẹ, tarị tarị ọ́ mịẹ tẹ, pịkị mịọkụ mịẹarị ḅara mẹ.

3 Jọnị 1:11

Ì iḅi ikiaḅọ, siye mịẹarị ḅọ ḍikima tẹ siye mịẹ ma, kụma iḅiye mịẹarị ḅọ ḍikima tẹ iḅiye mịẹ. Iḅiye mịẹarị ḅọ mẹ mḅọ sime Tamụnọ pịrịm; siye mịẹarị ḅọ mẹ amụ mḅọ Tamụnọ nimi-a.