Hiburu 13:1 - FỊAFỊA BAỊBỤLỤ

¹ Kịrayịsị ḍukamẹnjị amịnapụ ḅara ḅụ ọ́ jụmọ-jụmọ ḅẹlẹma mu ḅẹẹ-sakị ḅẹẹ-sakị laa.

Hiburu 13:1 Iomraidhean Croise

Devidi-Anume 133:1

Tamụnọ atomi gbọrụ ḅụ anga tẹ gbọrụ-ḅịḅị-fie mẹ kpọma ḅụụ-buamam; pịkị ḅụụ-ḅẹlẹmam!

Jọnị 15:17

Ọkọẹrẹsị, miemẹ mie à tọn ọ́ pịrị ye mẹ, mịnẹ ọ́ jụmọ-jụmọ ḅẹlẹmaa.

Fịrịmẹnjịapụ 2:1

Pẹnitikọsị (anie Jizọsị fị-ḅụ-saakị tẹ ḍin amesi oyi finji karama ene mẹ) ḅụ ò minini apụ ma mu gbọrụ anga kobirim.

Fịrịmẹnjịapụ 4:32

Jizọsị minini apụ ogbo mẹ gbọrụ kuroma na gbọrụ ḅioḅẹngbọ na nyanam. Gbọrụḅọ-sọ ḅẹẹ-a mịnẹ mḅọ nyana aị ḅụ sime mḅọ ngẹrị pịrị ye emi. Kụma inimgba ịn nyana ye goyegoye ḍiyam.

Galesiya 5:13

Ọmịnị kịngẹ kụma, ị̀ amịnapụ, Kịrayịsị omoni sọ ḅụ ọ́ sịn pakama-ḅo tẹ. Kụma ọ́ ḍụkụ tẹ mị ḅarana sịḅị nyana mẹ mịẹ tẹ ọmịna meni-oju sọlịmarị aị ma ḅo ḅẹrẹtọn ọ́ pịrị ma. Anie nakara, yee ḅẹlẹma ọ́ mịẹ tẹ ọ́ fịrịmẹnjị jụmọ-jụmọ pịrị.

Galesiya 5:22

Kụma Fịafịa Tẹmẹ ḅe pakama-ḅoarị aị anie ḅẹlẹma na, ḍereku na dein na; ye-inema na, iḅi-yemịẹ-ḅara na iḅi na; ḅioḅẹngbọ-kẹ-sịrẹrẹ-niḅi ḅara sime na,

Galesiya 5:6

Gbala, wa Kịrayịsị ḅụ emi sakị goyegoye, wa tarị-ḅụụ sin na, tarị-ḅụụ sin-a na, gbọrụ kiri sọ nyana-a; ḅẹlẹma ḅụ ḅọrọ tẹ kọrịnama kọrịarị minini anie ḅẹrẹ-sịḅị mẹ.

Ẹfisọsị 4:3

Ọmịnị ọmịnị inetẹ ḅara, inetẹ ḅara mịẹ, tẹ Tẹmẹ ḅe kẹ ḅo ọ́ pịrịarị dein mẹ ḅẹ gbọrụ ḅụ sime mẹ wẹrị kpaịnma, anie ọ́ kpọ gbolomarị ye mẹ.

Ẹfisọsị 5:2

Ḅẹlẹma ḅẹrẹtọn ọmịna ḍumo pịrị, anie Kịrayịsị kẹ wa ḅẹlẹma tẹ wa gotẹ ò ḍumo saakị Tamụnọ pịrị ḅara mẹ, anị nwẹnị kụnụarị agba sọ tẹ Tamụnọ ḅioḅẹlẹma.

2 Tẹsalonịka 1:3

Wamịna amịnapụ, sakị mamgba wa ó gotẹ ịmịẹtẹ kẹ Tamụnọ ḅẹẹ nyanam. Wa ọkọ mịẹ mẹ kuram, kẹ gotẹ ọkọ ḍukoarị, ọmịna minini mẹ ḍụḅa tọrọkọ-tọrọkọ muarị, anịsakị ọ́ nyana jụmọ-jụmọ pịrị ḅẹlẹma mẹ pịkị kụrọ tarị ḅara nẹngị tẹ.

Hiburu 10:24

Yee jụmọ la ye jụmọ ḅụ ḅẹrẹ ye sọ, ḅarasụa jụmọ-jụmọ pịrị, ḅẹlẹma na iḅi mịẹ na ḅụ.

1 Pita 1:22

Mịọkụ ọ́ karakara mẹ minini tẹ anị ḅẹẹ ḅara mịẹarị ye ḅụ, tẹ ọmịna aḅụụ mamgba sịkịrị fịafịa tẹ mẹ, tẹ ḅo aka ofori ḅẹlẹma nyana ọmịnị na sọ tẹ Kịrayịsị minini apụ ma pịrị tẹ ḅara, ọ́ tẹmẹ-la ḅara kẹ jụmọ-jụmọ ḅẹlẹma, ọmịna ḅioḅẹngbọ mẹmgba ḅụ.

1 Pita 2:17

Ọ́ ḅẹḅọ-ḅẹḅọ mangịmaa, ọmịnị ọmịna ḅụụ sọ tẹ mininiarị apụ ma ḅẹlẹmaa, tẹ Tamụnọ mangịma tẹ Tomikiri daarị ḅọ ḅe mangịmaa.

1 Pita 3:8

Kunoma ye: ọmịnị-mgba gbọrụ kuroma nyana-a, ye pịkị gbọrụ ḅara kẹ ọmịnị ịnọọ; ọ́ mịnapụ ḅara kẹ jụmọ-jụmọ ḅẹlẹmaa; ọmịnị iḅi ḅara kẹ jụmọ-jụmọ na mịẹ tẹ ḅụụ iderima mḅọ pịrịị.

1 Pita 4:8

Ye goyegoye ḅụ tẹịn ye anie, ọ́ tẹmẹ-la ḅara kẹ jụmọ-jụmọ ḅẹlẹmaa, kẹ gotẹ ọkọ ḍukoarị, ḅẹlẹma tọnwa asi kikimarị.

2 Pita 1:7

ọmịna Tamụnọ kịka ḍumo mẹ ḅụ ọ́ mịnapụ ḅẹlẹma kẹ sụa; mịnapụ ḅẹlẹma ḅụ ọ́ kịnị mamgba ḅẹlẹma kẹ sụa.

1 Jọnị 3:23

Ọ̀ sụa oloko mẹ anie, wa ọ̀ Tụḅọ Jizọsị Kịrayịsị ḅe minini tẹ jụmọ-jụmọ ḅẹlẹmaa, Kịrayịsị tọn wa pịrị gbọrụ ḅara mẹ.

1 Jọnị 4:20

Gbọrụḅọ ḅẹẹarị mịnẹ mḅọ Tamụnọ ḅẹlẹmarị, kụma mḅọ amịna mịnaḅọ ḍiki-ḅioḅuarị ḅẹḅẹ, mḅọ iruoḅọ. Kẹ gotẹ ọkọ ḍukoarị, mḅọ inetẹ mḅọ tọrụngbọ kẹ ẹrị-a Tamụnọ ḅe ḅẹlẹma tẹ, mḅọ mịnaḅọ tẹ mḅọ tọrụngbọ kẹ ẹrịarị ḅọ mẹ ḅẹlẹma ḅịa ḅara ofori.

Mịẹfinji 2:4

Kụma à kẹ ị́ ọgọnọ gbanarị ye anie, tarị ị́ kẹ ị̀ ḅẹlẹma-ḅẹlẹma ḅara mẹ mịọkụ ị́ ḅarị ọkọ mịẹ-a.