Hiburu 12:9 - FỊAFỊA BAỊBỤLỤ

⁹ Wamịna tomikiri ḅẹ aḍapụ wa datụkụma ḅẹ ye ḅụ wa fomuarị sakị, wa ịn mangịmarị. Nwẹnị ọkọ kụma ndẹẹ wa gotẹ anị ḅara nẹngị ḅara kẹ sịḅị-tuu wamịna tẹmẹ anga ḅẹ Ḍaḅọ ḅe pịrị tẹ ḍumo ḅịa ye!

Hiburu 12:9 Iomraidhean Croise

Jobu 12:10

Ọ̀ ḅara-ḅio mie ḍumo wararị ye goyegoye ḍumo emi ye, pịkị tomi ḅara-ḅara mamgba sararị ọwụ mẹ sọ.

Paka-so 20:12

Ọmịnị ọmịna aḍapụ na ọmịna iyingiapụ na kụn, mịẹtẹ ọ́ nangwọ ḍumo kọn ḅẹ ḅara ama mẹ tẹ yẹrị KỊNỊNYANAḄỌ ọmịna Tamụnọ ḅe kẹ ọ́ pịrịarị ama mẹ ḅio.

Egberima-Ẹkwẹn 30:17

Ḅẹḅọ-ḅẹḅọ tẹ amịna ḍaḅọ kẹ kpọọtiarị, anịanịa iyingiḅọ ḍiki-simarị ḅọ árị omongi sakị ḅụ, ẹdẹlẹ amẹẹ mḅọ pẹị, anịanịa piri-ḅio-ḅẹ opu afeni mḅọ atọrụngbọ gbọn pakama-ḅo na-iḅim.

Nimi Tolumaḅọ 12:7

tẹ fọọn-fọọn-fọọn oju mẹ pịkịma kiri ḅio mẹ mu tẹ tarị anị sime-ḅara sime, tẹ tẹmẹ mẹ pịkịma-so anị pịrị Tamụnọ ḅe ḍọkụma-mu ḅa.

Ayịzaya 38:16

KỊNỊNYANAḄỌ, à ḍumo-sime ị́ pịrị ḅa, ị́yẹrị ngẹrị; Ị̀ gwọọ, tẹ à ḍumo.

Ayịzaya 42:5

Tamụnọ So-tọrụ mẹ tẹmẹ tẹ anị kẹ anị finji mu la anga lamam; Ori tomikiri mẹ na anị ọgọnọ angarị aị mamgba na mịẹm; Ori ḍumo na ọwụ-sara na kẹ ori atomi pịrịm. Tẹ mịọkụ KỊNỊNYANA-TAMỤNỌ ḅe ọ̀ fịrịmẹnjịḅọ ḅẹẹarị,

Ayịzaya 45:10

Amịna ḍaḅọ-na-iyingiḅọ-na ḅẹẹ-ḅẹẹ ḅọ emi, “Ó tiegotẹ mị-ḅara kẹ ị̀ wẹrị?”

Ayịzaya 57:16

À ḍumo kẹ ì atomi pịrịm, tẹ à ḅarị ḅẹrẹ kẹ ịna sịḅị sịn tọrọkọ-tọrọkọ mu ḅịa, anịanịa ịganị ịn pịrị mu ḅẹẹ-sakị ḅẹẹ-sakị la, anị nwẹnị ọkọ kụma mimgbe ịn fịị tẹ, anie yẹrị ḍumo kẹ pịrịtẹ gbọrụ atomi ma.

Izikẹlị 22:7

Opu ama mẹ ḅio emi tẹ amịna ḍaḅọ-na-iyingiḅọ-na kụn-arị ḅọ ofori. Ọ́ tọrụ-nimi-a jen asịẹ ḅẹ apụ mingirimarị, pịkị diapụ-fịtẹ-ereme na ḍapụ-na-iyingiapụ-na fịtẹ awọmẹ ma sime-ḅara gotẹ ọmịna ḅiotọn ḅara kẹ ini na mịẹarị.

Lẹvitikọsị 19:3

Ọmịna aḅụụ tomḅọ nwẹn-sịn tomḅọ amịna iyingiḅọ na, amịna ḍaḅọ na mangịma ḅa, tẹ ị̀ Ịnyọsara-Ene ma koko ḅa. Yẹrị anie KỊNỊNYANAḄỌ ọmịna Tamụnọ ḅee.”

Zẹkaraya 12:1

Mie Izirẹlị gboloma oku tẹ KỊNỊNYANAḄỌ ḅe, So-tọrụ mẹ finjima pakama, tẹ Kiri mẹ tẹmẹ, tẹ ḍumo kẹ tomi pịrị ḅọ ḅe ḅara ḅo ye. Ori mẹẹ,

Malakayị 1:6

Kụrọ mamgba nyana KỊNỊNYANAḄỌ ḅe agbamịẹapụ ma ḅẹẹm, “Owiḅọtụḅọ amịna ḍaḅọ kụn-arị, tẹ fịrịmẹnjịḅọ pịkị amịna sịḅịdaḅọ kụn-arị. Yẹrị ọmịna ḍaḅọ — tiye ẹrẹsị ọmịnị ị̀ kụn-a? Yẹrị ọmịna sịḅịdaḅọ — tiye ẹrẹsị ọmịnị ị̀ mangịma-a? Ọmịnị ì ḍiki-simarị, tẹ anịsọ ó gbelarị, ‘Ndẹẹ wa kẹ í ḍiki-sima ḅara?’

Kịẹn-aḅịḅị 16:22

Kụma Mozizi na Erọnị na nwẹnị ịna atọrụ-kuḅu kẹ ḅịkị kiri koro tẹ ḅẹẹ, “yei, Tamụnọ, oju-meni mamgba ḅẹ atẹmẹ ma ḅẹ Tamụnọ, kpọkpọ gbọrụ tomḅọ mịẹ si ḅụ ị́ ịganị nyana bebe tomina-ogbo mẹ pịrị ḅẹ?”

Kịẹn-aḅịḅị 27:16

“Yee KỊNỊNYANAḄỌ meni-oju mamgba ḅẹ atẹmẹ ma ḅẹ Tamụnọ ḅe tomina-ogbo mẹ ḍikiḍiki ḅẹ gbọrụ tomḅọ tọn,

Luku 18:2

“Gbọrụ ḅẹrẹkọnḅọ gbọrụ ama ḅụ simem. Ọ̀ Tamụnọ ḍiki-ḅalafa-a, pịkị gbọrụ tomḅọ sọ kẹ ye-sịn-a.

Luku 18:4

Tọnwa-tọnwa ḅẹ asakị á nwẹn kẹ ọ̀ dama-mum, kụma ọ̀ ḅụụ ḅẹrẹ-a, anị ḅẹ kunoma ọ̀ nwẹnị ọ̀ ḅụụ ḅẹẹ, ‘Tomi-juḅẹye, à Tamụnọ ḍiki-ḅalafa-a, pịkị tomi kẹ ye-sịn-a ḅẹsọ,

Jọnị 3:6

Meni oju ḅụ, ḍaḅọ-na-iyingiḅọ-na ḅụ mie tomḅọ ḅọrọ tẹ iyiarị ye; kụma tẹmẹ ḅụ, Fịafịa Tẹmẹ ḅe ḅụ mie tomḅọ ḅọrọ tẹ iyiarị ye.

Fịrịmẹnjịapụ 2:30

Ori ḅe ịkịankoroḅọọ, ọ̀ pịkị Tamụnọ minini ọ̀ pịrị ye nimim. Tamụnọ ye karị ḅara kẹ mininim mịnẹ ò Devidi furo ḅụ paka-ḅo kẹ ama-dama ḅa, ori Devidi ḅe sime-ḅara sime ḅọ.”

Romu 1:3

Mị Iḅi-Oku mẹ, Wanyanaḅọ Jizọsị Kịrayịsị ọ̀ Tụḅọ ḅe gbolomayee, anie tomḅọ ḅara ḅụ Devidi furo paka-ḅo ḅọ ḅe;

Romu 9:3

ị̀ amịnapụ ma gotẹ, anie ị̀ na gbọrụ ịla ḅio paka-ḅo apụ ma. Ịna sịḅị ẹrẹsị Tamụnọ wori-nume ḅo ị̀ la tẹ, à Kịrayịsị ḅụ pẹlẹ-so sọ, à sịkị-a.

Romu 9:5

eresoarị Hiburu ḅẹ atẹngịapụ ma furo mie ịn paka ye; tẹ Kịrayịsị, tomḅọ ḅara ḅụ, pịkị ịna furo ḅụ paka-ḅom. Yee tomi, Tamụnọ, ḅẹrẹtọn tomikiri mẹmgba pịrịarị ḅọ ḅe, tokini gbamaso! Amẹnị.

Ditẹrọnọmị 27:16

Wori-nume sime oriḅe tẹ kụn kẹ amịna iyingiḅọ anịanịa amịna ḍaḅọ pịrị-a ḅọ ḅe pịrị. Anịsakị tomi mamgba ḅẹẹ ḅa, “Amẹnị!”

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

Jemụsị 4:7

Anie ḅụ, ọ́ sịḅị-tuu Tamụnọ pịrịị. Ọ́ ḍụkụ Ekwesu ḅe pịrị ma, ori ọmịna ḅụ mangị-so ḅa.

1 Pita 5:6

Ọkọẹrẹsị, ọmịnị ọmịna ḅụụ iderimaa, Tamụnọ kụrọtẹ ḅara mẹ suku-ḅio ḅụ, mịẹtẹ ori iḅi sakị ḅụ ọ̀ nwẹnị ọ́ saakị-gelema ḅẹ ḅara.

Mịẹfinji 22:6

Anịtẹso enjẹlị ḅe nwẹnị ị̀ ḅẹẹ, “Mịna ẹkwẹn ma karakaram, pịkị kẹ ḅiokpọma na-iḅim, KỊNỊNYANA-TAMỤNỌ ḅe, tẹ amịna Tẹmẹ kẹ ịkịankoroapụ ma pịrịarị ḅọ ḅe, ori enjẹlị fịrịma tẹ ori ala-a sakị ḅụ paka ḅarị ye mẹ kẹ ori afịrịmẹnjịapụ ḍie tẹẹ.”