Hiburu 12:6 - FỊAFỊA BAỊBỤLỤ

⁶ Kẹ gotẹ ọkọ ḍukoarị, KỊNỊNYANAḄỌ ḅe daa-karakaramarị ḅọ goḅọ-goḅọ anie ọ̀ ḅẹlẹmarịḅọ, tẹ ọ̀ pịkị fomu-ḅara kẹ ọ̀ kẹ tụḅọ ọkị ḅọ, ọkị ḅọ pịrịarị.”

Hiburu 12:6 Iomraidhean Croise

2 Samụẹlị 7:14

À ḍaḅọ sọ ọ̀ pịrị ḅa, tẹ ori ì owiḅọtụḅọ sọ ḅa. Ọ̀ mịẹ-irima sakị à tomi kẹ kịnị fomu-fomu mkpara kẹ ò fomu ḅa, tomina owiapụ-awọmẹ fomu-fomu fomuye à nwẹn kẹ ò fomu ḅa.

Devidi-Anume 119:71

À da fomu-ḅara mẹ iḅi kẹ ị̀ mịẹm, anị mịẹ tẹ arị ị́ tọn kuroma aị ma ḍawọm ẹrẹsị.

Devidi-Anume 119:75

KỊNỊNYANAḄỌ, à nimi wararị mịnẹ ị́ aḅẹrẹkọn ma karakaram, tẹ í fomu-ḅara kẹ ị̀ pịrịm, ḅioḅẹngbọ kẹ ị́ ḅụụ ḅụ gbana na-iḅim ẹrẹsị.

Devidi-Anume 94:12

KỊNỊNYANAḄỌ, mḅọ mịẹ ḅẹ ye ḍuko pịrịarị ḅọ mẹ nyana ḅioḅẹlẹ ḍiki, anie í í oloko kẹ tolumarị ḅọ mẹ!

Egberima-Ẹkwẹn 13:24

Ị́ tụḅọ siye mịẹ tẹ í ò fomu-a ḅẹḅẹ, ị́ ọ̀ ḅẹlẹma-a. Ị́ ọ̀ ḅẹlẹmarị ḅẹḅẹ, ị́ ọ̀ daa-karakarama ḅa.

Egberima-Ẹkwẹn 3:11

Ị̀ tụḅọ, KỊNỊNYANAḄỌ ḅe ị́ datụkụmarị sakị, kpọma kẹ ye-sịn ḅara kẹ anị ọkịị, tẹ kẹ ḅeri nụnụ ye sọma ị́ ḅụụ pịrị.

Egberima-Ẹkwẹn 3:12

KỊNỊNYANAḄỌ ḅe ọ̀ ḅẹlẹmarịapụ mie ọ̀ datụkụmarị, anie ḍaḅọ kẹ ọ̀ kẹ ḅụụ-tọn-arị tụḅọ datụkụma-tụkụma ḅara pembe ḅara.

Ayịzaya 27:9

Kụma ịn Tamụnọ nimi-a apụ ḍụḅarị agbamịẹ-anga ma kẹ toru gbẹẹ ḅara gbẹẹ kọsịma, tẹ ịn kẹ kụnụaị dọkịmarị ayọ ma na, anịanịa ere-oru fụḅara tẹ ịn kẹ Asịra sịn ye mẹ na ḅarị ofori tẹrẹmẹ, mie arị Izirẹlị asi ma wẹrịso ḅarịye.

Jerimaya 10:24

KỊNỊNYANAḄỌ, ị́ atomi irima anga tẹlẹmaa; kụma kụrọ-kụrọ ḅara kẹ wamịnị na mịẹ ḅaka ma anịanịa fomu-ḅara kẹ wa pịrị ị̀ ịganịarị sakị; anie wamịna kunoma sọ ḅa.

Kururu Owu-apọkọ 3:39

Ḍumo wararị tomḅọ tiegotẹ ḅẹrẹ ḍuko sụarị, tomḅọ nwẹnị mḅọ asi ḅụ ḅẹ fomu-ḅara daarị kụma?

Ditẹrọnọmị 8:5

Anieḅụ ọmịna ḅioḅẹngbọ ḅụ ó nimii, mịnẹ owiḅọ amịna owiḅọtụḅọ ḅioḅẹngbọ na, ye-mịẹ-ḅara na datụkụma ḅara, mie KỊNỊNYANAḄỌ ọmịna Tamụnọ ḅe kẹ ọmịna ḅioḅẹngbọ na, ye-mịẹ-ḅara na datụkụma ḅara.

Jemụsị 1:12

Ḅioḅẹlẹ sime anị ḅọ mẹ pịrịị, anie ịn sọkịrị ḍiki fama tẹ paa amịna minini ḅụ sịẹ-kụrọ wararị ḅọ mẹ, kẹ gotẹ ọkọ ḍukoarị, ọkọ sime sọkịrị mẹ ḅụ tolu-ḅọrọ tẹ ḅọ mẹ mḅọ Tamụnọ minini ọ̀ ḅẹlẹma apụ ma pịrị gbẹẹ-ye mẹ nyana ḅa.

Jemụsị 5:11

In ye-inema alama ḅara ẹrẹsị wa ḅioḅẹlẹ nyana tẹ apụ kẹ ịn sịn-arị. Jobu ye-inema gboloma ye ọ́ paa naa tẹ, tẹ anị ḅẹ kunoma ḅụ KỊNỊNYANAḄỌ ḅe ọ̀ gbẹẹ wama ye mẹ sọ ó nimim. Kẹ gotẹ ọkọ ḍukoarị, KỊNỊNYANAḄỌ ḅe ọkụrụkụrụ na jụmọ ḅụụ-fụka kẹ amịna nye sọma kuroma na ọ̀ ḅụụ ḅakam.

Mịẹfinji 3:19

À ḍiki ịganị tẹ fomu-ḅara kẹ pịrịarị apụ mamgba anie à ḅẹlẹmarịapụ. Ọkọẹrẹsị, ḅụụ sarasara tẹ ị́ asi ḅụ pịkịị.

Rufu 1:3

Kụma Ẹlịmẹlẹkị, Nahomi di ḅe nwẹnị fịị, tẹ árị maa owiapụ-awọmẹ ma kọnma á pịrị.