Hiburu 12:4 - FỊAFỊA BAỊBỤLỤ

⁴ Kẹ gotẹ ọkọ ḍukoarị, ọ́ nwẹn kẹ si na gbin-arị ọmụ mẹ, amụ ọ́ ḍụkụ-a tẹ pịrịya nwenii ini ọ́ ḅaa ḅẹ anga la-a.

Hiburu 12:4 Iomraidhean Croise

Matiyo 24:9

“Anịsakị ini ó kun tẹ ọ́ saḅama tomi pịrị tẹ in fomu-ḅara kẹ ọ́ pịrị tẹ ọ́ ḅaa ḅa. Ị̀ sịḅị gotẹ tomḅọ nwẹn-sịn tomḅọ ó ḍiki-ḅioḅu ḅa.

1 Kọrịntị 10:13

Ḅo tomi la-la daaḍiki mie ḅo ọ́ laarị. Kụma Tamụnọ amịna ḅịḅị sima simaa ẹrẹsị, ọ̀ ḍụkụ tẹ ọmịnị ịnyọ nẹngị daaḍiki ḅo ọ́ la ḅịa. Daaḍiki sakị mẹ ḅụ ori ịnyọ kẹ ọ́ pịrị tẹ ọ́ kẹ inema ḅa, tẹ ọ̀ pịkị ọ́ kẹ anị ḅio tolu-ḅọrọ ḅarị ḅọkọ pakama ọ́ pịrị ḅa.

Filipayị 2:8

Ọ̀ ḅụụ-iderima tẹ ḅịḅị poki etela ḅụ mẹnjị nwenii ḅo fị lam; ẹngbẹsẹ-sịn ọgọnọ ọ̀ kọn fị mẹ.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 13:13

Ọkọẹrẹsị, ó yee wa onu mẹ ḅio paka etela anga mẹ ḅụ ọ̀ dama-mu tẹ ori na sọ tẹ ọ̀ ḅụụ-jịrị mẹ da.

Mịẹfinji 12:11

Anana Tụḅọ ḅe ọmbie mẹ na in ḍuko wasamarị karakara mẹ na ḅụ mie wamịna amịnapụ ḅọrọ tẹ owu-ḅara-iḅi mẹ nyana ye; tẹ ini ịna aḍumo ḅụ ḅara sin tẹ fịị ḅẹ sọ ịna ḅụụ ḅẹrẹ-a.

Mịẹfinji 17:6

Tẹ àrị ẹrịm, ẹrẹḅọ ma, Tamụnọ atomi ma na, Jizọsị minini tẹ ḅịḅị ḍima-a ẹrẹsị ịn ḅaa apụ ma na ọmbie à tọrụ ḅaa wararị. À ḅo árị ẹrị sakị tẹmẹ gbọrụmgbọ-sọ ḅarị ị̀ ḅụụ ofori.

Mịẹfinji 18:24

Babịlọnị gotẹ fomu-ḅara da ye, ịkịankoroapụ ma na, Tamụnọ atomi ma na ọmbie ịn nwẹn ẹrịm opu ama mẹ ḅio; karakara-ḅara-ḅụ, tomikiri ịn ḅaa tẹ atomi mamgba ọmbie mẹ.

Mịẹfinji 2:13

Ị́ angarị anga mẹ à nimi wararị, anie Ekwesu emine simearị anga mẹ. Ị́ ị̀ ḅụụ karakara ḅara sime wararị, ị́ ị̀ ḅụụ nyana minini mẹ ị́ ḅara-siin-a, ini Anịtipasị, ị̀ ḅụụ sịẹ-kụrọ ḅọ ḅe ḅaa sakị sọ, Ekwesu angarị anga mẹ ḅụ.