Hiburu 12:3 - FỊAFỊA BAỊBỤLỤ

³ Ọmịnị ọ̀ da tolu-ḅọrọ tẹ ye mẹ kẹ ḅiokoromaa; ọ̀ wẹrịtẹ si-mịẹapụ ḍiki-ḅioḅu ḅio sime la ḅara! Mie ḅụ ọ́ ḍụkụ tẹ ọmịna tẹmẹ lọkọtẹ ọmịnị ọḅụ da ma.

Hiburu 12:3 Iomraidhean Croise

Egberima-Ẹkwẹn 24:10

Ye ḅo tọrụ ḅalaḅalama ḅara sime tẹso ị́ ḅụụ-lọkọarị ḅẹḅẹ, karakarama tẹ ị́ ḅụụ ịnyọ ofori.

Ayịzaya 50:4

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ì toluma tẹ à ḍuko ḅẹ ye mịẹ tẹ arị ịnyọ ḅụụ ḅụ fa tẹ ḅọ mẹ mịẹ kụrọma ḅẹ ḅara. Dede goyegoye ori ị̀ mịẹ tẹ à ḅio-sẹsẹarị, ọ̀ kẹ ì toluma ḅẹ ye na ḅẹ ḅara gotẹ.

Matiyo 11:19

Tomḅọ Tụḅọ ḅe ḅo sakị, ọ̀ fị-na-ḅuu-nam, tẹ ọrụḅọ-ọrụḅọ ḅẹẹm, ‘Ḅieḅe ḍikii! Ori anie fị-ye fị-ye pọkọ-ta-a ḅọ, pịkị iru ḅuu ḅọ, ama-igbigi da apụ na ama sịkịtẹ apụ na ikiaḅọ!’ Anị sime-ḅara, sime-ḅara sọ, Tamụnọ ye-nimi mẹ anị dogi-ḅo ḅarị ye ḅụ mie tomi anị ḅẹ karakara mẹ lekiri ḅarịye.”

Matiyo 12:24

Farịsiiapụ ma nwẹnị tomi ma pakịrị, “Bẹlịzibulu, oru ma sịḅịdaḅọ ḅe kẹ ọ̀ pịrị kụrọ mie ọ̀ kẹ mị-ḅara kẹ oru ma dee-dee pakamarị ye.”

Matiyo 15:2

“Tiye mịẹtẹ í ḍukamẹnjịapụ ma wamịna atẹngịapụ ma koroma-so wa pịrị wararị ama anga-anga aḅara ma koko-a? Ịn karakara ḅara kẹ ịna aḅara sịkịrị, sịkịrị-a tẹ ye fịarị!”

Matiyo 21:23

Jizọsị pịkịma Tamụnọ-warị mẹ ḅom; tẹ ò ye-tolumarị ogbo, agbamịẹapụ ma na omongiapụ ma na ḅo ò gbelam, “Ị́ tọ kụrọ nyana tẹ kẹ mịna aị ma mịẹarị? Tụḅọ mị kụrọ mẹ kẹ ị́ pịrị?”

Matiyo 21:46

mie ḅụ ini ò kun ḅẹ ḅọkọ ḍọkịm. Kụma in tomina-ogbo, ogbo ma ḍiki-ḅalafaam, inima Jizọsị kẹ ịkịankoroḅọ ḅara ọkịm ẹrẹsị.

Matiyo 22:15

Farịsiiapụ ma nwẹnị mẹnjị so tẹ ḅẹrẹ-ḅiya, mịnẹ ịn kịrị-kịrị ḅii-aḅịḅị kẹ Jizọsị ḅii tẹ ọ̀ ḅịḅị paka ḅarịye ḅụ ye kẹ ori ọlọ ḅa.

Luku 14:1

Gbọrụ Ịnyọsara-Ene ḅụ, Jizọsị mu gbọrụ opu Farịsiiḅọ warị ye fị ḅẹ mu sakị, tomi ori ẹbị lamam.

Luku 15:2

Farịsiiapụ na Oloko toluma apụ na nwẹnị saakị mbụrụmbụrụ, “Ḅị tomḅọ ḅe ama kẹ si-mịẹapụ sịn tẹ apụ ma daa-ọkị tẹ pịkị ini na ḅara gboloma fịye fịarị.”

Luku 16:14

Farịsiiapụ ma miemẹ naa fama sakị in Jizọsị mịẹ sima ḅara kẹ ye mịẹm, ini igbigi ḅẹlẹmam ẹrẹsị.

Luku 2:34

Simiyọnị nwẹnị ịn boma tẹ Meri ò iyingi ma ḅẹẹ: “Ḅị tụḅọ ḅe Tamụnọ ọ̀ sẹlẹ-ọkị tẹ ò fa na ḅọrọma na sọ Izirẹlị ḅụ tọnwa-apụ pịrị ḅẹm. Ọ̀ Tamụnọ ḅara ḅụ ḅo elekima sọ ḅa, tẹ tọnwa atomi anị na tụḅụrụ ḅa Izirẹlị ḅụ,

Luku 5:21

Oloko mẹ toluma apụ ma na, Farịsiiapụ ma na nwẹnị ini aḅụụ ḅẹẹ, “Ḅie ḅọrọ tọ-anga ḅoarị tomḅọ, tẹ nwẹn kẹ Tamụnọ kẹ kpọọtiarị? Tamụnọ sikima inetẹ si-wẹrịso kịnị pịrị ḅẹ ḅọ ofori!”

Jọnị 10:20

Ịna ḅụ ḅẹ tọnwa-apụ ḅẹẹarị, “Oru ọ̀ ḅụụ ḅio emi! Ọ̀ nọmụarị ḅara ḍikii! Ó tiegotẹ ò pokiarị?”

Jọnị 18:22

Jizọsị mie ḍuko tẹso, Tamụnọ-warị mẹ ḍikiḍikiapụ ma ḅẹ gbọrụḅọ nwẹnị ḅara finji ọ̀ ḅọrọ tẹ ḅẹẹ, “Í ḅiokpọ ḅara, tẹ mị-ḅara kẹ ẹkwẹn Sịḅịda-Agbamịẹḅọ ḅe pịrị!”

Jọnị 5:16

Mie ḅụ ịn nwẹnị saakị ḅaa-ḅọkọ kẹ Jizọsị ḍọkị, ori Ịnyọsara-Ene ḅụ mị obi mẹ gwọ ye ẹrẹsị.

Jọnị 7:12

Tomina-ogbo mẹ ḅio in ḅeri-ḅio, ḅeri-ḅio ò gbolomaye ẹkwẹn lamam. Japụ mẹẹ, “Ori iḅi tomḅọọ.” Osi apụ mẹẹ, “Ọkọ-a, ori oḅori kẹ tomi ma sịn-arị.”

Jọnị 8:13

Farịsiiapụ ma nwẹnị ọ̀ ḅẹẹ, “Mịọkụ ḅarana ị́ ḅụụ ḅẹ ḅẹrẹ ḍukoarị ye mẹ, í ḍuko ye mẹ gberie-sọ mịẹfinji-a í gboloma ye ḅụ.”

Jọnị 8:52

Ịn nwẹnị ọ̀ ḅẹẹ, “Mịọkụ mie wa nimi lama tẹ ye mịnẹ oru ị́ ḅụụ ḅio emi! Ebira-amụ fịịm, tẹ ịkịankoroapụ ma sọ fịịm, anịsọ ḅẹẹarị mịnẹ í tolumaye mẹ ḍuko ḅara mịẹ ḅọ, mịẹ ḅọ fịị ḅịa gbamasom.

Jọnị 8:59

Anịtẹso ịn nwẹnị ịn kẹ ò gbin ḅẹ aḍụḅarị kolokolo, kụma Jizọsị ọ̀ ḅụụ kikima tẹ Tamụnọ-warị mẹ koroma-som.

Jọnị 9:40

Farịsiiapụ ma ḅẹ jen-apụ tẹ anịanga ò kpeki tẹ sime apụ ò ḍuko ye mẹ naa tẹ ò gbelam, “Karakara-ḅara-ḅụ í fie-a mịnẹ wamịnị sọ tọrụngbọ-pụụn wararị?”

1 Kọrịntị 15:58

Ọkọẹrẹsị, ị̀ iḅi amịnapụ, ó jike-a ḅara kẹ sịẹ-kụrọọ. Ọ́ sakị mamgba ọ́ kọrị KỊNỊNYANAḄỌ ḅe pịrịarị kọrịnama mẹ kọrịị, ó nimi wararị sakị goyegoye, mịnẹ KỊNỊNYANAḄỌ ḅe ḅụ ọ́ mẹnjịarị fịrị mẹ papaaye sọ ḅịa.

2 Kọrịntị 4:1

Tamụnọ ò ḍiki-ḅụụjịrị ḅụ mị kọrịnama mẹ kẹ wa pịrị kọrịarị ẹrẹsị, wamịna ḅioḅẹngbọ lọkọ-a.

2 Kọrịntị 4:16

Miemẹ ẹrẹsị, jene-jene wamịna ḅioḅẹngbọ amụ lọkọ-a. Karakaraye wamịna meni-oju mẹ lọkọ ma-muarị sọ, wamịna tẹmẹ ḍumo ḅụ wa ịwọ ịnyọ sụarị ene-ḅaaene-ḅaaene.

Galesiya 6:9

Mie ḅụ, ó yee wa ịnyọ pọkọ-ta-a ḅara kẹ iḅi mịẹ; kẹ gotẹ ọkọ ḍukoarị, wa ḅara-siin-a kụma, sakị ḅo tẹ wa anị ḅẹ ye soku ḅa.

Ditẹrọnọmị 20:3

tẹ ịn ḅẹẹ ḅa: Ọ́ naa yei Izirẹlị, ọmịnị ọmịnị na fịya-a apụ na owu-sọ ḅẹ sọma kpeki ḅo tẹ mịmgba; yee ọmịna ḅioḅẹngbọ ḅịkịma; siye ḅo ọ́ la ḅẹ kuroma anịanịa oju sẹkị, anịanịa opu ḅalafa nyana ịn pịrị ma.

2 Tẹsalonịka 3:13

Kụma, ọmịnị, mịnapụ, ọ́ ḍụkụ tẹ iḅi mịẹ ḅụ ịnyọ ọ́ ta ma.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 12:5

Ori awọmẹ ḅara ḅụ Tamụnọ kọn ọmịna ḅiokpọmarị ẹkwẹn ma ọ́ kẹ ḅioḅọrọma tẹ ḅoto? Ori mẹẹ: “Ị̀ tụḅọọ, KỊNỊNYANAḄỌ ḅe ị́ daa-karakaramarị sakị kẹ ye sịn, Ḍụkụ tẹ ị́ tẹmẹ lọkọ ma, ori í ḍiki-ịganịarị sakị.

Hiburu 3:1

Kịrayịsị ḅụ ị̀ amịnapụ, tẹ Tamụnọ kẹ wamịnị na sụa sịn apụ! Ó Jizọsị, Tamụnọ kẹ fịrịmaḅọ ḅe tẹ wa ḍuko pakamarị minini oku mẹ ḅẹ Sịḅịda-Agbamịẹḅọ sọma ḅọ ḅe, kẹ ḅiokoromaa.

1 Pita 2:23

Ini ọ̀ gọlị sakị, ọ̀ gọlị kẹ pakịrị-a; ọ̀ tọrụsiẹrị sakị ọ̀ kịnị ẹrẹma-a, kụma ori ò ḅiokpọ kẹ Tamụnọ ḅụụ gbanam, anie Karakara mịẹ Ḅẹrẹkọnḅọ ḅe.

Mịẹfinji 2:3

Í ye-inema ḍinm, ị́ pịkị ì gotẹ tọrụsiẹrịm, anịsọ ị́ ḅara-siin-a.

1 Samụẹlị 12:24

Ọmịnị paa KỊNỊNYANAḄỌ ḅe ḍiki-ḅalafaa tẹ minini nyana ḅara kẹ ọmịna ḅioḅẹngbọ mẹmgba kẹ fịrịmẹnjị ọ̀ pịrịị, kẹ gotẹ ọkọ ḅẹẹarị, gburo-gburotẹ opu aị ma tẹ ọ̀ mịẹ-mịẹ ọ́ pịrị tẹ aị ma ọ́ nwẹn kẹ ḅiokoromaa.