Hiburu 12:2 - FỊAFỊA BAỊBỤLỤ

² Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 12:2 Iomraidhean Croise

Devidi-Anume 110:1

KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.”

Devidi-Anume 138:8

Í minini tẹ ye goyegoye ị́ mịẹ ḅẹ; KỊNỊNYANAḄỌ, ị́ ḅẹlẹma sime gbamasom. Ị́ saakị tẹ kọrịnama mẹ kọrị busunumaa.

Ayịzaya 31:1

Ḅarasụa gotẹ Ijiputi muarị apụ ma ịn fa tẹ! Ijiputi nyana wararị ḅakatẹ ọmụgbin aị ma ḅụ mie ịn sịrẹrẹarị — asụ ma na, kirimẹnjị-ọmụarụ ma na, ọmụapụ na, kụma ịn KỊNỊNYANAḄỌ ḅe ḅụ sịrẹrẹ-a, Izirẹlị tẹkẹarị Fịafịa Ḅọ ḅe, anịanịa ọ̀ ḅara ḅarasụa ḅii.

Ayịzaya 45:22

Mịọkụ ọ́ pịkị ị̀ daa, tẹ ḅọrọmaa, bebe tomikiri mẹ kana-koro ḅẹ atomi! Yẹrị kịngẹ anie Tamụnọ tẹ emi ḅọ.

Ayịzaya 53:3

Wa ò ḍiki-sima tẹ ọ̀ sịkịm; ọ̀ tọrụsiẹrị na akụ na da alamam. Tọrụngbọ kịngẹ sọ kẹ ò ḍiki ḅọ ofori Wa ò ḍiki-tọrụsinm, ori gberie-sọ gberie-a ye ọkụ.

Ayịzaya 8:17

KỊNỊNYANAḄỌ ḅe amịna ḅụụ kikima ori atomi pịrị tẹẹ, kụma yẹrị arị ọ̀ kẹ ḅiokpọmarị, tẹ ì ḅiokpọ kẹ ori ọgọnọ gbana wararị.

Mayịka 7:7

Kụma yẹrị kịngẹ ọkụma, à tọrụ saakị KỊNỊNYANAḄỌ ḅe ḍiki ḅa, arị ị̀ ḅọrọma mẹ ọkị-ḅo ḅarị Tamụnọ ḅe koru ḅa; ị̀ Tamụnọ ḅe ori ị̀ naa ḅa.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Kịẹn-aḅịḅị 21:9

Mie ḅụ Mozizi gbọrụ ojo oronwi tẹmẹm, tẹ anị kẹ gbọrụ nangwọtẹ sịn ikiḅa ọgọnọ sololo wẹrịm, tẹ oronwi ḅẹḅọ-ḅẹḅọ gbọn ḅẹḅẹ, mḅọ ojo oronwi ḅe ḍiki tẹ ḍumom.

Matiyo 16:21

Anị sakị mẹ ḅụ saakị tọrọkọ mu Jizọsị saakị giregire ḅara kẹ ḍuko ò ḍukamẹnjịapụ ma pịrịm, “Mịẹ ḅara, mịẹ ḅara sọ à Jeruselemu mu ḅa, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ḅara ḅụ kpọma tọrụsiẹrị da ḅa. Ini ị̀ ḅaa ḅa, kụma tẹra aḍin karama ene ḅụ à saakị tẹ ḍumo ḅa.”

Matiyo 20:28

Anie anị sime Tomḅọ Tụḅọ ḅe pịrị ḅara mẹ, ọ̀ ja apụ fịrịmẹnjị ọ̀ pịrị ḅẹ go ḅo-a, kụma ori rẹ fịrịmẹnjị ja apụ pịrị tẹ ò ḍumo kẹ tọnwa atomi pakịrị-ḅo ye sọma ḅẹm.”

Makị 14:36

Ọ̀ nwẹnị tẹkẹ tẹ ḅẹẹ, “Ḍa, ị̀ Ḍa, í inetẹ mịẹ ḅịa ye ofori. Mị akụye kọpụ mẹ saakị ḅelema ị̀ ḅụụ. Anịsọ yẹrị ḅiiarị ye-a, kụma ị́yẹrị ḅiiarị ye mịẹ.”

Makị 15:28

Mị ḅọkọ ḅụ Fịafịa Ḍiri mẹ ḍukoarị ye mẹ ḅo karakaraye sọ tẹ, “Si amịẹaị mịẹarị apụ ḅụụ paka-paka ye ọ̀ ḅụụ pakam.”]

Makị 16:19

KỊNỊNYANAḄỌ Jizọsị ḅe ini na ẹkwẹn fama tẹso, Tamụnọ ori ọkị iwo so mu tẹ ori ori ama-ḅara anga lẹgịm.

Makị 9:12

Ọ̀ kẹ ịn pakịrị ye anie, “Tomi-juḅẹye, Ịlayịja tarị ḅoarị, mịẹtẹ ò ye goyegoye kẹ ọrụtọn wẹrị ḅẹ ḅara. Anịsọ Fịafịa Ḍiri mẹ paa ḅẹẹarị mịnẹ Tomḅọ Tụḅọ ḅe ḅo tẹ tọrụsiẹrị lama tẹ ịn pịkị ọ̀ sịkị ḅẹ?

Makị 9:24

Anị gbọrụ kiri ḍaḅọ ḅe oloku pakamam, “À minini nyana wararị, kụma boowa. Ḅarasụa ị̀ pịrị tẹ à nyana ọkọ nẹngịma!”

Luku 17:5

Fịrịmẹnjịapụ ma nwẹnị KỊNỊNYANAḄỌ ḅe ḅẹẹ, “Wa nyana minini nẹngị ye kẹ wa pịrịị.”

Luku 23:11

Ẹrọdị na ori ọmụapụ na nwẹnị Jizọsị ḍiki iderima tẹ ọ̀ kẹ kpọọtii. Anịtẹso ịn nwẹnị iḅi kapa kẹ ọ̀ sụa tẹ ọ̀ kẹ pịkị Payịleti fịrịma.

Luku 24:26

Anị mịẹ na-iḅi ye-a, mịnẹ Mẹsaya ḅe mịna ḅụụ-fụka ma da-tolu-ḅọrọ ḅo ori ebube ḅio sọ?”

Jọnị 1:29

Anị ḅẹ ene-ḅaa ḅụ Jọnị nwẹnị Jizọsị ẹrị ori ọ̀ dama-ḅoarị, tẹ Jọnị ḅẹẹm, “Anị ḅọ ḅe anie Tamụnọ Anana-tụḅọ ḅe tẹ tomikiri mẹ ḅẹ si mẹ saakị sin-arị ḅọ ḅe!

Jọnị 12:24

À karakara mẹ ḍuko ọ́ pịrịarị: mbịaka mgbọlị papaa simearị ḅẹḅẹ gbọrụ mgbọlị ngẹrị ḅụ anị emi, ini anị kẹ kiri ḅio suu tẹ anị fịị sikima tẹ. Ini anị kẹ kiri ḅio suu tẹ anị fị-fịị, anị sakị rẹ mie anị tọnwa mgbọlị pakama-ḅo ḅarịye.

Jọnị 12:32

In kiri mẹ ḅụ ị̀ saakị-gelema sakị à ḅẹḅọ-ḅẹḅọ nụnụ ị̀ ḅụụ pịrị ḅa.”

Jọnị 13:3

Jizọsị nimim mịnẹ Ḍaḅọ ḅe kụrọ kẹ ọ̀ pịrị gbasịma tẹ; ọ̀ pịkị nimim Tamụnọ ḅụụ ò sime tẹ ḅom, tẹ pịkịma so Tamụnọ ḍọkụma-muarị.

Jọnị 6:40

Gbala ị̀ Ḍa ḅe ḅiiarị ye anie Tụḅọ ḅe ẹrị tẹ ò minini apụ mamgba sime gbamaso ḍumo nyana. Tẹ àrị ịn saakịma tẹ in ḍumo ḅa kunoma ene mẹ ḅụ.”

Jọnị 8:56

Ọmịna ḍaḅọ Ebira-amụ ì ḅo sakị mẹ ẹrị ḅẹ tẹ ḅioḅẹlẹm, ori anị ẹrị tẹ pịkị ḅioḅẹlẹm.”

Fịrịmẹnjịapụ 2:36

“Ọkọẹrẹsị, ọmịnị Izirẹlịapụ mamgba nimi na-iḅim, mịnẹ ḅị Jizọsị ḅe, tẹ ọ́ kẹ ẹngbẹsẹ sịn ḅụ ḅakụ ḅọ ḅe, anị gbọrụḅọ ḅe, anie Tamụnọ kẹ KỊNỊNYANAḄỌ na Mẹsaya na mịẹ tẹ ḅọ ḅee!”

Fịrịmẹnjịapụ 3:15

Ọ́ nwẹnị ḍumo pịrị ḅọ ḅe rẹ ḅaa, kụma wamịnị-mgba kiri yọ sime tẹ ẹrị ḅara ḅụ, Tamụnọ fịị ḅụ ọ̀ saakịmam.

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

Fịrịmẹnjịapụ 5:41

Fịrịmẹnjịapụ ma Sịẹ-Kobiri mẹ koroma-so tẹso ịn nwẹnị ḅioḅẹlẹ, mịnẹ Tamụnọ ịn kẹ Jizọsị sịḅị gotẹ tọrụsiẹrị na ḅụụ-jịrịma aị na da gbẹẹ apụ ḅara ọkị tẹ.

1 Kọrịntị 1:18

Kẹ gotẹ ọkọ ḍukoarị, Kịrayịsị ẹngbẹsẹ-sịn ọgọnọ fịịm nwẹn ḅẹẹ oku mẹ faarị apụ ma ḅụụ anị oḅori ẹkwẹn sọ wararị, kụma wamịnị Tamụnọ ḅọrọmarị apụ ma ḅụụ anị Tamụnọ kụrọ sọ wararị.

1 Kọrịntị 1:23

Wamịnị kụma, wa Kịrayịsị ẹngbẹsẹ-sịn mẹ ọgọnọ ḅakụ ye mẹ ḍukoarị, tẹ anị Juu-ḅẹ-apụ ịganịmarị, pịkị Ja asịẹ ḅẹ apụ ḅụụ ye fie-a ye sọarị.

Ẹfisọsị 2:16

Ori ẹngbẹsẹ-sịn ọgọnọ kọn fịị mie Kịrayịsị kẹ fịya-a mẹ kan sin ye. Ẹngbẹsẹ-sịn mẹ ḅụ mie ọ̀ ḅọrọ tẹ maa kịrị-kịrị atomi ma kẹ gbọrụ oju mịẹ ye, tẹ mịẹtẹ ịn pịkịma Tamụnọ ḍọkụma-ḅo ye.

Ẹfisọsị 5:2

Ḅẹlẹma ḅẹrẹtọn ọmịna ḍumo pịrị, anie Kịrayịsị kẹ wa ḅẹlẹma tẹ wa gotẹ ò ḍumo saakị Tamụnọ pịrị ḅara mẹ, anị nwẹnị kụnụarị agba sọ tẹ Tamụnọ ḅioḅẹlẹma.

Filipayị 1:6

Tẹ à nimi lama wararị mịnẹ, ọmịna ḅụụ ḅio mị iḅi kọrịnama mẹ saakị Tamụnọ ḅe, ori anị kọrị nwenii mu Kịrayịsị Jizọsị Ene mẹ ḅụ anị kunoma ḅẹ sakị la ḅa.

Filipayị 3:20

Anị sime-ḅara, sime-ḅara sọ, wamịnị anie So-ḅio ḅẹ apụ, tẹ wa ḅio-sẹsẹ ḅara kẹ wa Ḅọrọmaḅọ ḅe koruarị, KỊNỊNYANAḄỌ Jizọsị Kịrayịsị ḅe, ò So-ḅio sime tẹ ḅoarị.

2 Timoti 4:8

Tẹ mịọkụ Karakara mịẹ Ḅẹrẹkọnḅọ ḅe kẹ tọrọkọ tarị ḅọ pịrị-pịrị ama-da sun mẹ sime ì koruarị, ọ̀ kẹ ị̀ pịrị ḅa anị ene mẹ ḅụ — tẹ yẹrị ngẹrị-a, kụma inimgba tẹ ḅẹlẹma ḅụ ò tolu-sịẹ ḅarị mẹ koruarị apụ ma sọ.

Hiburu 1:13

Jene-jene, Tamụnọ amụ ori enjẹlị ma ḅẹ gbọrụḅọ-sọ ḅẹẹ-a: “Mịanga lẹgị ị̀ ama-ḅara anga, nwenii à si kẹ ị́ tọn apụ ma kẹ ị́ aḅụọ gbana ịkasiye sọma.”

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

Hiburu 10:14

Gbọrụ agba kịngẹ mẹ ḅụ ọ̀ mịẹtẹ in si ḅụ sịkịrị fịafịamatẹ apụ ma ḅo gbọrsịḅị kara-gbasị gbamaso tẹ.

Hiburu 10:33

Ja asakị tomina ogboku ḅụ ini ọ́ mịẹ-sima tẹ si ḅara kẹ ọmịnị na mịẹm, osi asakị ma ḅụ ọ́ tẹlẹma tẹ ịn mịna aị ma kẹ mịẹ apụ ma ḅụụ sọm.

Hiburu 11:36

Ja apụ ini in kombo tẹ in fomum, osi apụ ini ikoli kẹ ini ịkasị tẹ ịn fọnọ mu ikoli-warị ḅio koromam.

Hiburu 12:3

Ọmịnị ọ̀ da tolu-ḅọrọ tẹ ye mẹ kẹ ḅiokoromaa; ọ̀ wẹrịtẹ si-mịẹapụ ḍiki-ḅioḅu ḅio sime la ḅara! Mie ḅụ ọ́ ḍụkụ tẹ ọmịna tẹmẹ lọkọtẹ ọmịnị ọḅụ da ma.

Hiburu 13:13

Ọkọẹrẹsị, ó yee wa onu mẹ ḅio paka etela anga mẹ ḅụ ọ̀ dama-mu tẹ ori na sọ tẹ ọ̀ ḅụụ-jịrị mẹ da.

Hiburu 5:9

Tamụnọ mịẹtẹ ò ḅo kara-gbasị tẹso, ò sime gbamaso ḅọrọma nyana ḅẹ ḅọkọ sọ ọ̀ ḅịḅị poki apụ mamgba pịrịm,

Hiburu 7:19

Kẹ gotẹ ọkọ ḍukoarị, Mozizi Oloko mẹ inetẹ gberie sọ mịẹ iḅima fama-a. Tẹ mịọkụ iḅi anị nẹngị ḅiokpọmaye ịn nwẹn ọkị-ḅo tẹ, wa anị ḅụ ḅọrọ mu Tamụnọ kpekiarị.

Hiburu 8:1

Wa ḍukoarị aị ma ḅẹ sịḅị anie, wa ọkọ sime gbọrụ Sịḅịda-Agbamịẹḅọ nyana wararị, tẹ So-ḅio simearị Opu Tamụnọ ḅe emine mẹ ḅẹ ama-ḅara anga lẹgị wararị.

Hiburu 9:28

Anị gbọrụ ḅara mẹ ḅụ, ịn Kịrayịsị sọ kẹ gbọrụ sakị kịngẹ ḅụ agba mịẹ tẹ, kẹ tọnwa atomi asi sin ḅẹ ḅara. Ọ̀ maa sakị karama ye kẹ paka-ḅo ḅẹ sakị, ò si na mịẹ ḅẹ ye ḅarị paka ḅịa, kụma ori ò koruarị apụ ma ḅọrọma ḅa.

Jemụsị 2:1

Ị̀ amịnapụ, wa Nyanaḅọ Jizọsị Kịrayịsị minini apụ ḅara ḅụ, anie ebube KỊNỊNYANAḄỌ ḅe, gbala-gbala ó tomi ẹrị tẹ kẹ ini na mịẹarị aḅara ḅụ ọ́ kịrị pakama ma.

1 Pita 1:11

Ịn pịkị ḍọkị-nimi ḅẹm, sakị mẹ na, anị ḅo ḅẹ ḅara na. Mị sakị mẹ mie Kịrayịsị Tẹmẹ ḅe tẹ ịna ḅụụ ḅio sime ḅọ ḅe ḅara kẹ tọkịma sime ye, tẹ ịn nwẹnị Kịrayịsị ye-inema alama ḅụ ẹrị ḅẹ atọrụsiẹrị ma na arị ḍuka ma-ḅo ḅarị ebube mẹ na ḅẹ ịkịan kuro.

1 Pita 3:18

Kẹ gotẹ ọkọ ḍukoarị, Kịrayịsị gbọrụ sakị kịngẹ kẹ si gotẹ fịị inweni-mgba pịrịm, iḅi tomḅọ ḅe si-mịẹapụ kiri ḍima tẹ fịịm, mịẹtẹ ori ọ́ ḅọrọma mu Tamụnọ la ḅẹ ḅara. Meni oju ḅụ ini ọ̀ ḅaam, kụma tẹmẹ ḅụ Tamụnọ ò ḍumomam,

1 Pita 3:22

anie so So-ḅio mu tẹ Tamụnọ ama-ḅara anga emi ḅọ ḅe, ori anie ḅẹrẹtọn enjẹlị mamgba na, So-ḅio ḅụ kụrọ ḅara ḅụ simearị apụ na, kụrọ ma na pịrịarị ḅọ.

Judu 1:21

tẹ ọmịna ḅụụ wẹrị kpaịnma, tẹ Tamụnọ ḅẹlẹma mẹ sakị mamgba ọmịnị na sime, tẹ tọrụ kẹ wa Nyanaḅọ Jizọsị Kịrayịsị ḅe, ori ọkụrụkụrụ ḅụ ḅo tẹ sime gbamaso ḍumo kẹ ọ́ pịrị ḅẹ ene mẹ ḍikii.

Mịẹfinji 1:11

Anị mẹẹ, “Ị́ ẹrị ye kẹẹ koroma, tẹ ḍiri mẹ kẹ mịna sọnọma opu ama ma ḅẹ asọsị ma fịrịmaa: Ẹfisọsị na, Simana na, Pagamọmụ na, Tayatira na, Sadisi na, Fịladẹlịfịya na, pịkị Lahodisiya na.”

Mịẹfinji 1:17

Arị ori ẹrị sakị, àrị ori aḅụọ-suku ḅịkị koro tẹ fịtẹ ḅọ ḅara simem. Ọ̀ nwẹnị ori ama-ḅara kẹ ị̀ ọgọnọ gbana tẹ ḅẹẹ, “Ḅalafa ma! Yẹrị anie tarị, pịkị kunoma-a.

Mịẹfinji 1:8

KỊNỊNYANAḄỌ, Kụrọmamgba Nyana Tamụnọ ḅe, Anịngẹ-kụraḅio emi ḅọ ḅe, sime-sime ḅọ ḅe, tẹ ḅo ḅarị ḅọ ḅe ḅẹẹarị, “Yẹrị anie tarị, pịkị kunoma-a.”

Mịẹfinji 2:8

“Mị ḍiri mẹ kẹẹ tẹ kẹ Sịmayịna ḅẹ sọsị mẹ ḅẹ enjẹlị ḅe fịrịmaa: “Mie Suku-saakị pịkị kunoma ḅe ḅara ḅo oku mẹ, fịtẹ pịkị sin ḍumo ḅọ ḅe.