Hiburu 12:12 - FỊAFỊA BAỊBỤLỤ

¹² Ọkọẹrẹsị, ọmịnị ọmịna ịnyọ faarị aḅara ma saakị-gelema, tẹ pịkị ẹgwẹ ḅaarị aḅụọ-sịḅị ma mịẹ kụrọmaa!

Hiburu 12:12 Iomraidhean Croise

Devidi-Anume 109:24

Ị̀ aḅụọ-kụkụ ma ḅarị ịnyọ nyana-a, à fịye ẹrị fị-a gotẹ; oju ḅẹ apara na mgbe ma na ngẹrị mie ị̀ ḅụụ kọn ye.

Ayịzaya 35:3

Ịnyọ kẹ lọkọtẹ aḅara ma pịrịị, pịkị ịnyọ-fa ḅụ gbolokiarị aḅụọ-sịḅị ma sọ.

Izikẹlị 21:7

Ini í tiegotẹ ḅio-fiemarị mọ kẹ í gbela sakị, ḍuko ịn pịrị ḅo ḅeri la ḅẹ-yearị ḍukoye mẹ gotẹ. Anị ḅo sakị, kururu ịna aḅioḅẹngbọ ḅin ḅa, ịna aḅara kpalasaịma ịna akaka ịnyọ ofori ḅara kẹ sime ḅa, ịna tẹmẹ-kụrọ so ḅa, tẹ ịna aḅụọ-kụkụ jen-jen gbolo ḅa. Sakị mẹ ḅo tẹ; mie anị.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 7:17

Ọrụḅọ-ọrụḅọ aḅara lọkọ ḅa, tẹ ịna aḅụọ-kụkụ jike ḅa.

Danẹlị 5:6

Ọ̀ tọrụkuḅu anị gbọrụ sakị ḅụ epe ḅịyam tẹ opu ḅalafa ḅo ọ̀ la ḅara gotẹ ori aḅụọ-kụkụ nwẹnị jike.

Nahọmụ 2:10

Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.

Zẹfanaya 3:16

Anị ene mẹ ḅụ, in Jeruselemu ḅẹẹ ḅa, “Ḅalafa ma, Zayọnị opu ama! Ị́ aḅara kẹ kpọrọkọtọma gbin koroma ma!

1 Tẹsalonịka 5:14

Wamịna amịnapụ, wa ḍuko kụrọma ọ́ pịrịarị, ọ́ gbọrụ kọrịnama sọ kọrị ḅẹ ḅii-a apụ ma ḅeri nụnụụ, ḅioḅẹngbọ lọkọarị apụ ma ḅiokpọmaa, ḅarasụa ịnyọ nyana-a apụ pịrịị, tẹ ye-inema nyana ḅẹḅọ-ḅẹḅọ pịrịị.

Hiburu 12:3

Ọmịnị ọ̀ da tolu-ḅọrọ tẹ ye mẹ kẹ ḅiokoromaa; ọ̀ wẹrịtẹ si-mịẹapụ ḍiki-ḅioḅu ḅio sime la ḅara! Mie ḅụ ọ́ ḍụkụ tẹ ọmịna tẹmẹ lọkọtẹ ọmịnị ọḅụ da ma.

Hiburu 12:5

Ori awọmẹ ḅara ḅụ Tamụnọ kọn ọmịna ḅiokpọmarị ẹkwẹn ma ọ́ kẹ ḅioḅọrọma tẹ ḅoto? Ori mẹẹ: “Ị̀ tụḅọọ, KỊNỊNYANAḄỌ ḅe ị́ daa-karakaramarị sakị kẹ ye sịn, Ḍụkụ tẹ ị́ tẹmẹ lọkọ ma, ori í ḍiki-ịganịarị sakị.