Hiburu 12:1 - FỊAFỊA BAỊBỤLỤ

¹ Ọkọẹrẹsị, nwẹn sime tomina-ogbo, tẹ minini ḍumo mẹ kọn ḅọrọ tẹ apụ, oḅuto sọ tẹ wa gbaịn wararị mẹ, ó yee wa ịnyọ kpọma tẹ wa kikiarị ye goyegoye na, sakị mamgba wa oḅoloarị si mẹ na, wẹrị ḅelema wamịna ḅụụ, tẹ wamịna tọrọkọ simearị, tẹ wa ị̀rụà ḅẹ mangị mẹ ị̀rụà.

Hiburu 12:1 Iomraidhean Croise

Jobu 8:10

Ịn ye kẹ í toluma tẹ ye ḍuko ị́ pịrị, ḅịa, tẹ ịna ye fie ye naa ḅụ, ẹkwẹn pakama-ḅo ḅịa?

Devidi-Anume 18:23

Ò nimi wararị ị̀ ḅụụ ḅẹẹ-ḅẹẹye ofori, mịnẹ àrị ị̀ ḅụụ ọlọ tẹ kura-aye mịẹ ḅụ.

Ayịzaya 60:8

Mịna arụ ma tẹ nwẹn kẹ gbii-gbiima oḅuto ḅara kẹ ḅọrọarị aị ma ḅọrọ tọ-aị, tẹ olosịkịya kịka tẹ pịkị-so ama muarị arụ ma?

Izikẹlị 38:16

Í owu kẹ ị̀ atomi Izirẹlị paka ḅa tẹ anị erise fie amakiri mẹ saḅa-ḅọrọ ye kịka ḅa. Sakị ḅo sakị, arị ị́ fịrịma mu owu kẹ ị̀ amakiri mẹ paka ḅa, kẹ mịẹ tẹ sịẹ-sịẹ ma ì lekiri ḅẹ ḅara, kẹ à kịrị ḅele ḅara ḍie-pakama, àrị ị́ ḅụ ḅọrọ tẹ mịẹarị ye ḅụ.

Izikẹlị 38:9

Ori na ori ọmụ-ogbo na, ori na emi tọnwa asịẹ ma na owu kẹ ịn paka ḅarị ḅara erise na oḅuto na kịka tẹ amakiri mẹ gbaịn ḅa.”

Matiyo 10:22

Ị̀ sịḅị ẹrẹsị ḅẹḅọ-ḅẹḅọ ó ḍiki-ḅioḅu ḅa. Kụma inema nwenii mu kunoma la ḅọ mẹ ḅọrọma ḅa.

Matiyo 24:13

Kụma inema mu kunoma la ḅọ, la ḅọ ḅọrọma ḅa.

Makị 10:50

Ori ori ọgọnọ ḅẹ kapa wakị nguma tẹ ḍosi saakị tẹ Jizọsị ḍọkụma-ḅom.

Luku 12:15

Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Luku 16:28

anịanga ị̀ sọnọa amịnapụ emi, tẹ ọ̀ paa mu ịna ḅeri nụnụ, anieofori in ḅofa ḅo mị akụ mẹ da.’

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Jọnị 3:32

Ori ẹrị ye na ọ̀ naa ye na mie ò ḍukoarị, anịsọ ori oku mẹ mininiarị ḅọ ofori.

Jọnị 4:39

Anị ama sime Sameriya ḅẹ tọnwa-apụ gotẹ Jizọsị minini ye ẹrẹḅọ ma ḍuko ịn pịrịm mịnẹ, “Ori à mịẹtẹ ye goyegoye ḍuko ị̀ pịrịm.”

Jọnị 4:44

Ori ḅioju sọ ḅẹẹ tẹ, “Ịkịankoroḅọ amịna ama ḅụ kụn nyana-a.”

Romu 12:12

Yee ọmịna ḅiokpọmaye mẹ mịẹtẹ ọ́ sakị mamgba ḅioḅẹlẹ; ḅụụ-fụka kiri ḅụ ó ye inemaa, tẹ sakị mamgba tẹkẹẹ.

Romu 2:7

Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye.

2 Kọrịntị 7:1

Ì iḅi ikiapụ, mịna aị mamgba Tamụnọ minini wa pịrị tẹẹ. Ọkọẹrẹsị, ó yee wa ye goyegoye, tẹ oju na tẹmẹ na simearị ye ḅụ, wamịna-aḅụụ wẹrị fịafịama, tẹ wa nwẹnị gbọrsịḅị fịafịa fama, Tamụnọ ḍiki-ḅalafa ḅụ ḍumo kọn ḅụ.

Galesiya 2:2

À gotẹ mu ye, Tamụnọ mịẹfinji ị̀ pịrịm mịnẹ à muu. Sịḅịdapụ ma na ị̀ na ngẹrị kobiri ḅụ à ḍuko Ja asịẹ ḅẹ apụ ma pịrịarị iḅi-oku mẹ wa nwẹn ḍuko finji ịn pịrịm. À ḅii-a ḅọrọtẹ sakị-o, mịọkụ-o, ị̀ kọrịnama mẹ papaaye sọ.

Galesiya 5:7

Ọmịnị iḅiye mịẹ sime apụ! Tụḅọ ḅọrọ karakara mẹ ḍuko ḅara mịẹ mẹ ḅụ ọ́ dasịẹma? Ọ̀ tọ-ḅara kẹ ó tuu koroma?

Ẹfisọsị 4:25

Ọkọẹrẹsị, ọ́ ḅarị iruo ma! Ọrụḅọ-ọrụḅọ karakaraye mẹ ḍuko mḅọ pembema Kịrayịsị minini ḅọ pịrịị, wamịnị-mgba gbọrụ ḅụ ḅụ Kịrayịsị oju mẹ ḅụ emi ẹrẹsị.

Filipayị 1:30

Mịọkụ ọmịnị inetẹ ị̀ ḅụ sọ tẹ ọmụ mẹ gbin ḅa. Ḅọrọ tẹ sakị ḅụ ọmịnị ị̀ ẹrị tẹ à gbin sime gbọrụ ọmụ mẹ, anie mịọkụ à paa gbin-arị tẹ ọ́ naarị ye mẹ.

Filipayị 2:16

anie ó ḍumo oku mẹ daḅọrọma ịn pịrịarị sakị, ọ́ mị ḅara mịẹ-mịẹ, Kịrayịsị ḅo ḅarị Ene mẹ ḅụ, à kẹ ó gotẹ ḅụụ-tọn ḅẹ ye paka tẹẹ, kẹ gotẹ ọkọ ḍukoarị, aniemẹ ḍie-pakama ḅa mịnẹ à ḅụụkụrọma tẹ kọrị kọrịnama mẹmgba papaa fa-a.

2 Timoti 2:4

Ọmụ kiri simearị ọmụḅọ jen kẹ ḅiotọn-a, mḅọ sịḅịda ọmụ alaḅọ ḅioḅẹlẹma ḅẹ ye sikima, mie ḅụ mḅọ amịna ḅụụ kẹ ama ḅio ḅẹ ḍumo amịẹaị ḅụ suu suu-a.

2 Timoti 4:7

Àrị àrị ine-ḅara, ine-ḅara mịẹ tẹ mangị ị̀rụà mẹ ḅụ, anị ḅẹ bebe nangwọ mẹ mangị fama tẹ, à pịkị mininiye mẹ koko tẹ.

Hiburu 6:15

Ebira-amụ ye-inemam ẹrẹsị Tamụnọ minini ọ̀ pịrị ye mẹ ḅo ọ̀ ḅara lam.

Jemụsị 1:3

kẹ gotẹ ọkọ ḍukoarị, ó nimi ḅara ḅụ, ọmịna minini daaḍiki da-tolu-ḅọrọ tẹ ḅẹḅẹ, anị dogi-ḅo ḅarịye anie, ịnyọ nyana tẹ akụye inema alama.

1 Pita 2:1

Ọkọẹrẹsị, ó siye goyegoye ḅụ ḅụụ ḅelemaa; ọ́ ḅarị iruo ma, anịanịa tomina tọrụ iḅi ọkị ḅẹ ḅara mịẹ, anịanịa afana, anịanịa ja apụ mịẹ sima ẹkwẹn kọn, mịẹ ma.

1 Pita 4:2

Ọkọẹrẹsị, mịọkụ sakị tọrọkọ mu, mị tomikiri mẹ ḅụ ọmịna ḍumo ḅụ kọn wararị sakị mẹ ọ́ wẹrịso Tamụnọ pịrịị ori ḅẹrẹtọn anị pịrị, tomina akuroma ḅarị ḅẹrẹtọn anị pịrị ma.

1 Pita 5:1

Yẹrị sọ omongiḅọ ḅara ḅụ, arị ọmịna ogboku simearị sọsị omongiapụ ma tẹkẹm. À ḅarana Kịrayịsị atọrụsiẹrị ma ẹrịm, anịsakị à pịkị ori ebube mẹ ḅụ kiri nyana ḅa anị tolu-paka sakị. Àrị ọ́ tẹkẹm,

1 Pita 5:12

Sayịlasị, tẹ à ḅioḅẹngbọ kẹ ḅụụ ḅụ gbana wararị Kịrayịsị ḍukamẹnjị mịnaḅọ ḅara kẹ ọkị ḅọ ḅe, mie ḅarasụa ị̀ pịrị tẹ à mị kpụlụ ḍiri mẹ kẹẹ ọ́ fịrịmarị. À ḅiiarị àrị ọmịna ḅiokpọma, tẹ ḍuko-pakama ọ́ pịrị mịnẹ miemẹ Tamụnọ karakara ḍiki-ḅụụjịrị. Ọmịnị anị ḅụ sịẹ-kụrọọ.

2 Pita 1:6

nimi ḅụ ọ́ ḅụụ-ọlọ kẹ sụa; ḅụụ-ọlọ ḅụ ó ye-inema alama kẹ sụa; ọmịna ye-inema alama ḅụ ọ́ Tamụnọ kịka ḍumo kẹ sụa;

Mịẹfinji 1:9

Yẹrị Jọnị, ọmịna mịnaḅọ ḅe, anie ọmịnị na sọ tẹ Jizọsị ḍukamẹnjịarị ḅọ ḅara ḅụ, pịkị ọmịnị na ye-inema ḅara kẹ tọrụsiẹrị gbolomarị ḅọ ḅe wa sime ori Ama-da mẹ pịrịm gotẹ. Ini ị̀ kẹ mu Patịmọsị sọọ mẹ ḅụ koromam, à Tamụnọ ẹkwẹn mẹ na Jizọsị mịẹfinji karakara mẹ na ḍuko wasamam ẹrẹsị.

Mịẹfinji 13:10

Ḅẹḅọ-ḅẹḅọ tẹ kun-ḅara ḅio sọọ ḅẹ ḅọ, piki-pikiye-ofori ḅara ḅụ, ini mḅọ kun ḅa; ḅẹḅọ-ḅẹḅọ tẹ ogie ḅịḅị ḅụ fịị ḅẹ ḅọ, piki-pikiye-ofori ḅara ḅụ, ogie mie mḅọ ḅaa ḅarịye. Miemẹ anị ye-inema na minini na ḅiiarị Tamụnọ atomi ma pakịrị anga ḅụ.

Mịẹfinji 22:16

“Yẹrị, Jizọsị, ì enjẹlị fịrịmam mịnẹ ọ̀ mịna aị ma ḍuko ọmịnị sọsị ma ḅẹ atomi ma pịrịị. Yẹrị, Devidi furo ḅụ à pakam, yẹrị anie kamarị ḅaaso Lolia ḅee.”

Mịẹfinji 3:10

Ị́ à tọnm inema ḅẹ ḅara mẹ mịẹ tẹ ẹrẹsị, arị ị́ koko kpaịnma ḅa, ḅo tomikiri mẹ gbaịn ḅarị ḅụụ-fụka tẹ tomikiri ḅẹ atomi mamgba daaḍiki ḅarịye mẹ ḅụ.