Hiburu 11:9 - FỊAFỊA BAỊBỤLỤ

⁹ Minini ḅụ ọ̀ kịnị tọrụ nimi-a ḅọ ḅara kẹ Tamụnọ minini ọ̀ pịrị ama mẹ ḅụ angam. Anị sakị akpụrụ-awarị ḅio ori angam, anie Ayịzịkị na Jekọbụ na tẹ Tamụnọ ḅara anị gbọrụ minini pịrịye mẹ nyana apụ ma sọ anga ḅara.

Hiburu 11:9 Iomraidhean Croise

Suku-saakị 12:8

Anịjụ ọ̀ nwẹnị pịkị saakị so Bẹtẹlị ḅụ ịrụa-saakịarị-anga mẹ ḅẹ tụndụ mẹ mu tẹ ori akpụrụ-warị pike, Bẹtẹlị ịrụa-ideriarị-anga emi, anịsakị Ayị ịrụa-saakịarị-anga mẹ ḅụ emi; tẹ anịjụ ọ̀ nwẹnị pịkị gbọrụ agbamịẹ-anga nama KỊNỊNYANAḄỌ ḅe pịrị tẹ KỊNỊNYANAḄỌ ḅe ẹrẹ mẹ sịn.

Suku-saakị 13:18

Mie ḅụ Ebiramụ ori akpụrụ-warị siinm, tẹ ḅo Mamụrẹ ḅụ simearị ịn kẹ oku nwẹn-sịn opu asịn ma tẹ Hẹbụrọnị ḅụ simearị aị ma kpeki tẹ ọ̀ nwẹnị anịanga ḅụ gbọrụ agbamịẹ-anga nama KỊNỊNYANAḄỌ ḅe pịrị.

Suku-saakị 13:3

Tẹ ọ̀ nwẹnị Kenanị suku-jụ mẹ ḅụ paa mẹnjị ma-mu Bẹtẹlị jụjụ-ḅio la. Ò mu Bẹtẹlị na Ayị na ogboku lam, anie suku-saakị ḅụ ò sime-sime anga mẹ,

Suku-saakị 17:8

Anịsakị ọmịnị igoni ḅara kẹ angarị ama mẹ, Kenanị ama mẹmgba à kẹ ị́yẹrị na, ị́ ḅọrọ tẹso, í furo-ḅẹ-apụ na pịrị ḅa, anị nyana gbamaso ḅara ḅụ, tẹ arị ịna Tamụnọ sọ ḅa.”

Suku-saakị 18:6

Ebira-amụ nwẹnị fọnya akpụrụ-warị mẹ ḅio Sera ḍọkụma-mu, tẹ ḅẹẹ, “Iḅitẹịn fịlawa ḅụ ye-tọnye mẹ ḅẹ tẹrẹị tọn tẹ tẹlẹma tẹ kẹ sarasarama kịkị mịẹ.”

Suku-saakị 18:9

In nwẹnị ò gbela, “Ị́ ta Sera á tọ-anga emi?” Ọ̀ nwẹnị pakịrị, “Árị akpụrụ-warị mẹ ḅio emi.”

Suku-saakị 21:34

Tẹ Ebira-amụ Filisiteni ḅụ tọnwa aḍin simem.

Suku-saakị 23:4

“Yẹrị anie bịanḅọ tẹ ọmịna ogbo-ḅio simearị igoniḅọ; ọmịna ogbo-ḅio ḅụ ó kiri kẹ ị̀ pịrịị, à kẹ ḍụẹịn ḍiḅi yọ mịẹ, mịẹtẹ arị ị̀ ḍụẹịn mẹ ḍiḅi tẹ ḅarị anị ẹrị ḅịa ḅara.”

Suku-saakị 25:27

Owiapụ-awọmẹ ma ḍụḅa paka-ḅo sakị, Ịsọ anie nama tẹịn aka nimi lamatẹ ḅọ, piri-kọn-fịḅọ, anịsakị Jekọbụ anie akpụrụ-warị ḅio yaụ-simearị ḅọ.

Suku-saakị 28:4

Yee ọ̀ kẹ Ebira-amụ pịrị boma mẹ kẹ ị́yẹrị na, í furo-ḅẹ-apụ na sọ kẹ ị́ ḅụụ sụa pịrị, mịẹtẹ ama mẹ tẹ Tamụnọ kẹ Ebira-amụ pịrị tẹ ọmịnị igoni ḅara kẹ angarị ama mẹ ọ́ nwẹn ọkị nyana ḅẹ ḅara.”

Suku-saakị 31:25

Lebanị nwẹnị ḅo Jekọbụ la. Mị sakị mẹ, Jekọbụ tụndụ ọgọnọ ḅẹ opu sịẹ mẹ ḅụ ori akpụrụ-warị pike sịẹma tẹ, tẹ Lebanị na, ọ̀ ḅụụ Sọ owiapụ-amịnapụ ma na pịkị Gilẹdị tụndụ ọgọnọ ḅẹ opu sịẹ mẹ ḅụ akpụrụ-warị pike sịẹma tẹ kobiri simem.

Suku-saakị 35:27

Jekọbụ so ọ̀ ḍa Ayịzịkị ḍọkụma-ḅom Mamụrẹ anịanịa Kiriyati-aba (anie Hẹbụrọnị) ḅụ, Ebira-amụ na, Ayịzịkị na anga yọ mẹ.

Suku-saakị 36:7

Ịn nyana aị ma gburo-gburo ḅaka tẹ ẹrẹsị, ini maa apụ ma ḅarị inetẹ anga gboloma-a. Ịna opu anama ma gotẹ ini anga sime ama mẹ ḅarị inetẹ ịn dogi-a.

Suku-saakị 47:9

Jekọbụ nwẹnị Fero pakịrị, “À kẹ igoni-mẹnjị kọn ikelekele tẹ ene ma ḅẹ akụra, anie kụra sonioa si oyi finji (130); ì ḍumo ḅụ ị̀ sịḅị ḅọrọ tẹ akụra boowa tẹ pịkị ḅụụ-fụkamam, anịsakị ị̀ atẹngịapụ ma ḍumo ḅụ ịn kẹ ịna igoni-amẹnjị kọn ikelekele aḍin ma ḅẹ akụra ma sọ na gbasị-a.”

Devidi-Anume 105:12

Tamụnọ atomi ma kịẹn-ḅịḅị boowa, Kenanị amakiri mẹ ḅụ ini jen anga ḅo apụ.

Jerimaya 35:7

Ọ̀ pịkị ḍuko wa pịrịm wa warị nama ma, pịkị ḍụọ ḍiḅi ma, anị ḅọrọ kụrọ-aḍụọ sọ, anịanịa igbigi kẹ fẹẹ. Ori oloko sụa wa pịrịm mịnẹ sakị mamgba wa akpụrụ-awarị ḅio anga, mịẹ tẹ wa igoni apụ ḅara kẹ emi anga mẹ kẹ ama sọma tẹ anga ḅẹ ḅara.

Hiburu 6:17

Tamụnọ minini tẹ ye mẹ nyana ḅẹ apụ ma, ò ḅii lamam ọ̀ mịẹ tẹ in nimi mịnẹ ọ̀ ḅịḅị ḍima ḅịa, miemẹ mie ò gotẹ ye karị kẹ ò minini ye mẹ ḅụ sụa ye.