Hiburu 11:4 - FỊAFỊA BAỊBỤLỤ

⁴ Minini ḅụ mie Ebẹlị ḅọrọ tẹ iḅi Keni agba nẹngị agba mịẹ Tamụnọ pịrị ye. Ò minini ḅụ mie ọ̀ ḅọrọ tẹ Tamụnọ tokini-ḅịḅị nyana ye, mịnẹ ori karakara tomḅọ; kẹ gotẹ ọkọ ḍukoarị, Tamụnọ ọ̀ kẹ ḍie ọ̀ pịrị aị ma daa-ọkịm. Ọ̀ nyana minini mẹ ẹrẹsị, Ebẹlị ḅẹ, ọ̀ fịị tẹ sọ, mịọkụ ọ̀ paa ẹkwẹn-arị.

Hiburu 11:4 Iomraidhean Croise

Suku-saakị 4:10

KỊNỊNYANAḄỌ ḅe nwẹnị ḅẹẹ, “Í tiegotẹ nwẹn sime ye mịẹ? Í iyimbere ọmbie mẹ pọkọ kiri mẹ ḅio sime tẹ owu ị̀ pịrịarị.

Suku-saakị 4:15

Anịtẹso KỊNỊNYANAḄỌ ḅe nwẹnị ọ̀ ḅẹẹ, “Ọkọ-a, ḅẹḅọ-ḅẹḅọ tẹ Keni ḅaa ḅọ ḅaa ḅọ, sọnọma apụ Keni sịḅị ḅẹ gbẹẹfị ḅụ fịị ḅa.” Tẹ KỊNỊNYANAḄỌ ḅe nwẹnị elekima kẹ Keni oju ḅụ pakama, mịẹtẹ ḅẹḅọ-ḅẹḅọ tẹ ḅo ori na donia ḅọ, donia ḅọ ọ̀ ḅaa ḅịa ḅara.

Suku-saakị 4:25

Adamụ nwẹnị pịkị sin ọ̀ ta na gboloma, tẹ á nwẹnị gbọrụ owiḅọtụḅọ iyi, tẹ ẹrẹ kẹ ọ̀ sịn Sẹtị, anie árị mẹẹ, “Keni ḅaa Ebẹlị ḅe kiri ḅụ Tamụnọ jụmọ tọn ị̀ pịrị tẹẹ.”

Suku-saakị 4:8

Keni nwẹnị ori iyimbere Ebẹlị ḅẹẹ, “Yee wa paka-so piri-ḅio mu.” Ịn piri mẹ ḅio simearị ogbo, Keni nwẹnị saakị tẹ owu kẹ ori iyimbere Ebẹlị paka tẹ ọ̀ ḅaa.

1 Amadapụ 18:38

Anịtẹso KỊNỊNYANAḄỌ ḅe fịnị mẹ nwẹnị siin-koro ḅo dọkịma-agba mẹ na, fịnị apakịrị ma na, ḍụḅarị ma na, fọọn ma na dọkịma, tẹ nwẹnị nkọrọ mẹ ḅio sime minji mẹ mẹnịma fama.

Jobu 8:10

Ịn ye kẹ í toluma tẹ ye ḍuko ị́ pịrị, ḅịa, tẹ ịna ye fie ye naa ḅụ, ẹkwẹn pakama-ḅo ḅịa?

Egberima-Ẹkwẹn 15:8

Anị KỊNỊNYANAḄỌ ḅe ḅụụ-ḅẹlẹ arị iḅi atomi tẹkẹarị sakị, kụma si-sịḅịḅio-sụapụ kẹ ḅo ọ̀ pịrịarị agbamịẹ-aị ma ò ḅioḅumarị.

Egberima-Ẹkwẹn 21:27

Si-sịḅịḅio-sụa apụ agbamịẹ-aị kẹ KỊNỊNYANAḄỌ ḅe pịrịarị sakị arị ò ḅioḅumarị, jen-a jen-a in si akuroma kẹ mịẹarị ḅẹḅẹ.

Lẹvitikọsị 9:24

Tẹ fịnị KỊNỊNYANAḄỌ ḅe tọrọkọ ḅụ kọrị paka-ḅo tẹ agbamịẹ-anga mẹ ọgọnọ ḅụ mie dọkịma agba mẹ na, ḅẹlẹkị mẹ na dọkịma siinm. Tomi mamgba pakaye mẹ ẹrị tẹso, ịn nwẹnị oloku, tẹ ịna atọrụ-kuḅu kẹ ḅịkị kiri-ḅio koro.

Matiyo 23:35

Miemẹ gotẹ fomu-ḅara ḅo ọ́ la ḅa, anie mịẹye-ofori apụ tẹ ọ́ ḅaa apụ ma ẹrẹsị, mịẹye-ofori ḅọ Ebẹlị tẹ ọ́ ḅaa ḅọ ḅe ọkị mu Zẹkaraya, Bẹrakaya tụḅọ ḅe tẹ Tamụnọ-warị mẹ na agbamịẹ-anga mẹ na ogboku ọ́ ḅaa ḅọ ḅe la.

Luku 11:51

Ebẹlị tẹ ịn ḅaa ḅọ ḅe ḅụ saakị mu Zẹkaraya tẹ agbamịẹ-anga mẹ na Fịafịa anga mẹ na ogboku ịn ḅaa ḅọ ḅe la. Inn, yẹrị ḍuko ọ́ pịrịarị, mịnẹ mị sakị ḅẹ atomi ma fomu-ḅara da ḅa, arị ịkịankoroapụ mamgba gotẹ!

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.

Hiburu 11:2

Elemu sakị ḅẹ apụ ma, ịn nyana minini ḅụ mie Tamụnọ ḅọrọ tẹ ịn kẹ karakara atomi kịẹn ye.

Hiburu 12:1

Ọkọẹrẹsị, nwẹn sime tomina-ogbo, tẹ minini ḍumo mẹ kọn ḅọrọ tẹ apụ, oḅuto sọ tẹ wa gbaịn wararị mẹ, ó yee wa ịnyọ kpọma tẹ wa kikiarị ye goyegoye na, sakị mamgba wa oḅoloarị si mẹ na, wẹrị ḅelema wamịna ḅụụ, tẹ wamịna tọrọkọ simearị, tẹ wa ị̀rụà ḅẹ mangị mẹ ị̀rụà.

Hiburu 12:24

Ó ḅo Jizọsị la tẹẹ, anie ịwọ ọḅọkụ mẹ na, si-mịẹapụ asana ọmbie mẹ, tẹ kpọma iḅi Ebẹlị ọmbie nẹngị ye mẹ na tẹlẹma tẹ ḅọ ḅe.

Hiburu 5:1

Sịḅịda-Agbamịẹḅọ goḅọ-goḅọ, tomina ogboku ḅụ mie ini mḅọ sẹlẹ pakama-ḅo tẹ mḅọ tomi ma gotẹ Tamụnọ fịrị mẹnjịarị ye, tẹ tomina asi gotẹ kẹ ḅo agbamịẹ-aị na ḍiepịrị-aị na da ḅọrọma Tamụnọ pịrịarị ye.

Hiburu 9:22

Karakaraye Oloko mẹ tọn koroma ḅara ḅụ, kẹlẹ-kọnm ye goyegoye ini ọmbie kẹ anị mịẹ fịafịama tẹ, anịsakị tomina asi ma, ọmbie ọsụ ngẹrị ḅụ mie Tamụnọ arị wẹrịsoarị ye.

2 Pita 2:8

Anị iḅi tomḅọ ḅe ịna ogboku anga tẹ ene-ḅaaene-ḅaaene ịna si amịẹaị ma ẹrị tẹ pịkị naarị ye mẹ ó ḅioḅẹngbọ fụkama lamam.

Judu 1:11

Ịn tẹkẹlẹtẹ ḅara ḍikii! Keni ọkị etela mẹ mie in ḍuka mu tẹ ye (kịnị ḍiki-ḅioḅu na kịnị ḅaa etela na). In Balamụ ḍikima tẹ igbigi gotẹ siye mịẹm. Ịn pịkị Kora kọngọ kụrọma ḅara kẹ kọngọ kụrọmam, tẹ ò gulugulu fịị kọn ḅara ini sọ ọkọ kẹ fịị tẹ.