Hiburu 11:1 - FỊAFỊA BAỊBỤLỤ

¹ Minini nyana anie, kẹ ọkị mịnẹ wa kẹ ḅiokpọmarị ye mẹ wamịna ḅara la tẹ; ḅio-maaịn-tọn-a ḅara kẹ tọrụngbọ amụ ẹrị-a aị ma kẹ ẹrị tẹ aị sọma.

Hiburu 11:1 Iomraidhean Croise

Devidi-Anume 27:13

À nimi wararị à ḍumo sime tẹ KỊNỊNYANAḄỌ ḅe iḅi mẹ ẹrị ḅa: mịẹ ḍumo sakị mẹ ḅụ.

Devidi-Anume 42:11

Tiye ẹrẹsị à mị-ḅara kẹ kururuarị? Tiye ẹrẹsị à mị-ḅara kẹ ḅụụ-fụka daarị? À Tamụnọ kẹ ḅiokpọma ḅa, tẹ siin jen kẹ ò tokini ḅa, ị̀ ḅọrọmaḅọ pịkị ị̀ Tamụnọ.

Fịrịmẹnjịapụ 20:21

Gbọrụ ḅara mie à kẹ Juu-ḅẹ-apụ na Ja asịẹ ḅẹ apụ na ḅeri nụnụ ye, mịnẹ ini ịna asi ḅụ pịkị Tamụnọ daa, tẹ Wa nyanaḅọ Jizọsị ḅe mininii.

1 Kọrịntị 13:13

Mịọkụ ye simearị ḅara ḅụ, ye ḅụ ḅẹ tẹrẹị emi: minini na, ḅiokpọ na, ḅẹlẹma na, tẹ mịna aị ma ḅụ tẹịn ye anie ḅẹlẹma.

2 Kọrịntị 11:17

Mịọkụ à ḍukoarị ye mẹ KỊNỊNYANAḄỌ ḅe ḅiim à ḍuko ḅẹẹ ye-a, ye wẹrị tẹ sime-ḅara ḅụ; mie ḅụụ-boma gboloma ye mẹ ḅụ, karakarama tẹ oḅori-ḅọ ḅara mie à kẹ ẹkwẹn-arị.

2 Kọrịntị 4:18

Kẹ gotẹ ọkọ ḍukoarị, wa tọrụngbọ ẹrịarị aị kẹ ḅiokpọma-a kụma tọrụngbọ ẹrị-a aị mie wa kẹ ḅiokpọmarị. Tọrụngbọ ẹrịarị ye mẹ boowa kala sakị kịngẹ mie anị kẹ simearị, kụma tọrụngbọ inetẹ ẹrị ḅịa ye mẹ sime gbamasoarị.

2 Kọrịntị 5:17

Ḅẹḅọ-ḅẹḅọ tẹ Kịrayịsị na gboloma tẹ ḅọ, mḅọ ịwọ tomḅọ sọ tẹ; elemu ye mẹ ḅọrọ-so tẹ, ịwọ ye mẹ ḅo la tẹ.

2 Kọrịntị 5:7

Gbala minini ḅụ mie wa angarị, tọrụngbọ kẹ ẹrịarị ye ḅụ-a.

2 Kọrịntị 9:4

Kẹ ḍikii, à nwẹnị Masidoniya ḅẹ apụ na ḅo tẹ ọ́ tẹlẹma-a ḅara ḍọkị-nimi kụma, anị tọ-ḅara na gbasị ye kẹ ị̀ ḅụụ-jịrịma ḅa — ḅarị ọmịnị ma ḅioju ḅụụ-jịrị ḍuko-a ḅara ḅụ — anie wa ọkị lama ye mẹ mịnẹ ọ́ tẹlẹma wararị!

Galesiya 5:6

Gbala, wa Kịrayịsị ḅụ emi sakị goyegoye, wa tarị-ḅụụ sin na, tarị-ḅụụ sin-a na, gbọrụ kiri sọ nyana-a; ḅẹlẹma ḅụ ḅọrọ tẹ kọrịnama kọrịarị minini anie ḅẹrẹ-sịḅị mẹ.

Tayịtọsị 1:1

Pọlụ, Tamụnọ omoniḅọ, pịkị Jizọsị Kịrayịsị fịrịmẹnjịḅọ. Tamụnọ ị̀ sẹlẹ tẹ ị̀ fịrịmam à mu Tamụnọ atomi ma minini mịẹ kụrọma, tẹ ịn kẹ mu wamịna Tamụnọ nimi etela mẹ tolumarị karakara mẹ lamaa,

Hiburu 10:22

Mie ḅụ, ó yee wa sọma-ḅo Tamụnọ kpeki, karakara ḅioḅẹngbọ na jike-a minini na ḅụ; ḅioḅẹngbọ ma sịkịrị fịafịa, tẹ si ḅẹrẹ-ḅarasii ponoma-a tẹmẹ ḅioḅẹngbọ na minji sịkịrị vịọịmatẹ oju ma na ḅụ.

Hiburu 10:39

Wamịnị anie tọrụ pịkị ọḅụ ḍiki tẹ fa tẹ apụ-a. Anie nakara, wa minini tẹ ḅọrọma tẹ.

Hiburu 11:13

Arị atomi mamgba minini ḅụ in simearị ogbo ịn fịịm, amụ ịn Tamụnọ minini aị ma nyana-a ogbo. Kụma iḅere-iḅerea anga ḅụ mie ini arị aị ma ẹrị tẹ, arị gotẹ ịmịẹtẹ kẹ Tamụnọ ḅẹẹ ye. Ini ma in ye ḅọị-a ḅara kẹ mịẹtẹ kịnị nimim, mịnẹ mị tomikiri mẹ ḅụ ini igoni apụ, pịkị amịna ama koroma-so wararị apụ.

Hiburu 11:27

Minini mie mịẹtẹ Mozizi amadaḅọ ḅe ịganị sọ ḍiki ḅalafa-a tẹ Ijiputi ḅụ paka-so ye. Gbala ọ̀ tọrụngbọ kẹ kịnị ẹrị-ẹrịa Tamụnọ ḅe ẹrị ye ọkụ, ọ̀ ḍụkụ tẹ tọrụ-pịkị ọḅụ ḍiki-a.

Hiburu 11:7

Minini mịẹtẹ Noha tọrọkọ-jụ ḅo ḅarị sakị ḅẹ aị, tẹ ori inetẹ ẹrị ḅịa aị ma ḅụ Tamụnọ kẹ ò ḅeri nụnụ ye mẹ naa ye. Ọ̀ nwẹnị Tamụnọ ḅịḅị poki, tẹ arụ ịkasị tẹ kẹ ọ̀ ḅụụ na ọ̀ warị-suku na ḅọrọma. Anị dogi-ḅo ye anie, tomikiri mẹ ḅẹrẹ-ḅarasii ḅụ sọm, tẹ Noha nwẹnị Tamụnọ ḅara ḅụ minini ḅụ ḅọrọ tẹ ḅo, ḅo karakara mịẹ mẹ nyana.

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Hiburu 3:14

Kẹ gotẹ ọkọ ḍukoarị, wa ye Suku-saakị ḅụ nyana ḅiokpọ mẹ ọlọ kụrọma mu kunoma la ḅẹḅẹ, wa nimii mịnẹ wa Kịrayịsị na gbọrụ ḅụ emi.

Hiburu 3:6

Kụma Kịrayịsị ḅe, warị mẹ Nyanaḅọ Tụḅọ ḅara mie ọ̀ kẹ warị mẹ ḍikiḍikiarị ḅọ ḅara kẹ ḅioḅẹngbọ-kẹ-sịrẹrẹ-niḅi ḅọ ḅara mẹ kẹ Tamụnọ warị mẹ ḅio sime ye. Wamịnị ma anie ọ̀ warị mẹ, wa nwẹnị ḅalafa-a ḅara kẹ wamịna ḅiokpọmaye mẹ ọlọ-sịẹma tọrọkọ mu kụma.

Hiburu 6:12

Wa ḅii-a mịnẹ ọ́ ḅụụ-lọkọ nyana, kụma ó minini nyana wararị apụ, tẹ inema tẹ Tamụnọ minini tẹ ye mẹ nyana ḅẹ tẹ apụ ḅara sime.

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ: