Hiburu 10:5 - FỊAFỊA BAỊBỤLỤ

⁵ Miemẹ ẹrẹsị, Kịrayịsị tomikiri mẹ ḅo ḅẹ-yearị sakị ọ̀ Tamụnọ ḅẹẹm: “Ị́ agba na ḍiepịrị-aị na ḅii-a, kụma ị́ gbọrụ oju tẹlẹma ị̀ pịrị tẹ.

Hiburu 10:5 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Ayịzaya 1:11

Ori mẹẹ, “Ị́ sịn-arị ị́ nwẹn mịẹ, siin-mịẹ, siin-mịẹ ị̀ pịrịarị agba ma à ḅiiarị aro? Agba mịẹ ḅụ ị́ dọkịma-dọkịma ị̀ pịrị tẹ anana ma na, í iḅi anama ma ḅẹ ḅẹlẹkị mẹ na ị̀nịna iḅi tẹẹ. Nambulo na, anana na, oḅori na ọmbie mẹ ịnyọ kẹ ị̀ tama tẹ.

Ayịzaya 40:16

Lẹbanọnị opu piri-ḅio simearị anama mamgba sọ boowa kẹ agbamịẹ wamịna Tamụnọ pịrị ḅụ, tẹ anị ḅẹ asịn ma boowa ḅara ḅakam kẹ fịnị mẹ tọnọ ḅụ.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Jerimaya 31:22

Ó ḅio-maaịn-tọn mu tọ-sakị la ḅẹ, minini nyana-a apụ? Arị ịwọ kịrị ye tẹmẹ tẹ, anị kịrị ḅara ẹrẹḅọ ẹrẹ owiḅọ gbaịn ḅọrọmarị ọkụ.”

Jerimaya 6:20

Sẹba ḅụ ini ọkị-ḅo ị̀ pịrịarị kụnụaị dọkịma aị ma à kẹ tiye mịẹ ḅẹ, anịanịa sụma-jụ ḅẹ amakiri ḅụ ḅo kụnụaị ma? Ịn kẹ ḅoarị ḍiepịrị-aị ma à da ḅịa, anịanịa ịna agba ma ị̀ ḅụụ-ḅẹlẹ aị sọ.

Matiyo 11:3

In Jizọsị gbelam, “Ḍuko wa pịrị, ị́yẹrị anie Jọnị ḅẹẹm ḅo ḅarị ḅọ ḅe mụnọọ wa paa jụmọ ḍiki ḅẹ?”

Luku 1:35

Enjẹlị ḅe nwẹnị pakịrị, “Fịafịa Tẹmẹ ḅe ị́ ḍọkụma-ḅo ḅa, tẹ Tamụnọ kụrọ mẹ ị́ ọgọnọ gbana ḅa. Ọkọẹrẹsị í iyi ḅarị fịafịa tụḅọ ḅe ini ọ̀ sịn ḅa Tamụnọ Tụḅọ.

Luku 7:19

fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”

Jọnị 1:14

Ẹkwẹn ḅe ḅo tomḅọ sọm, tẹ wamịnị na angam, tẹ ḍiki-ḅụụjịrị na karakara na ọ̀ ḅụụ ḅio ḅinm. Wa ori ebube mẹ ẹrịm, anie Ḍaḅọ ḅe kpọkpọ gbọrụ Tụḅọ ḅara ḅụ ọ̀ nyana ebube mẹ.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

Hiburu 1:6

Kụma Tamụnọ ọ̀ tarị tụḅọ kẹ tomikiri fịrịmarị sakị ọ̀ ḅẹẹm, “Tamụnọ enjẹlị mamgba sunsin ọ̀ pịrị.”

Hiburu 10:10

Jizọsị Kịrayịsị ḅe Tamụnọ ḅiim ọ̀ mịẹ ḅẹẹ ye mịẹ tẹ ọ̀ ḅụụ kẹ gbọrụ sakị kịngẹ kẹ mịẹ agba mẹ ẹrẹsị wamịnị-mgba si ḅụ sịkịrị fịafịa tẹ.

Hiburu 10:7

Anịtẹso à ḅẹẹm, ‘Mie yẹrịị mịanga, kẹ í ḅii ye mịẹ, Yei Tamụnọ, paa mị-ḅara mẹ anie ì gbolomaye ḅụ anị kẹẹ ḅara Oloko ḍiri mẹ ḅio.’ ”

Hiburu 10:8

Tarịye, ori mẹẹ, “Agba na, ḍiepịrị-aị na, ị́ ḅụụ-ḅẹlẹ-a, anịanịa ini agbamịẹ-anga ọgọnọ dọkịma tẹ anama na, ịn kẹ tomina asi sin ḅẹ ẹrẹsị mịẹarị agba ma na, í ḅii-a, pịkị ị́ ḅụụ-ḅẹlẹ-a.” Karakaraye, mịna agba mamgba Oloko mẹ tọn koroma ọrụ ḅụ ini arị mịẹarị sọ, ọ̀ paa miemẹ ḍukom.

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

Hiburu 5:7

Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.

Hiburu 8:3

Sịḅịda-Agbamịẹḅọ ịn nwẹn-sịn goḅọ-goḅọ, in gotẹ mḅọ tọn pakama ye anie, mḅọ ḍiepịrị-aị daḅọrọma Tamụnọ pịrị, tẹ pịkị nama agba mịẹ ọ̀ pịrị; tẹ mị-ḅara ḅụ wamịna Sịḅịda-Agbamịẹḅọ ḅe sọ nyana tẹ daḅọrọma Tamụnọ pịrị ḅẹ ye emi.

1 Pita 2:24

Kịrayịsị ḅarana ori oju ḅio wamịna asi ma dogi tẹ kẹ ẹngbẹsẹ-sịn mẹ mum, mịẹtẹ wa fịị si pịrị tẹ ḍumo karakara mịẹ pịrị ḅẹm. Ori oju kiri mẹ ḅẹ ịnọ ma ḅụ mie wa ḅọrọ tẹ gwọ ye.

2 Jọnị 1:7

Oḅori-kẹ-kịnịsịn-arị tọnwa-apụ paka anga, anga mu tẹ, bebe tomikiri mẹ ḅụ; arị atomi ma anie Jizọsị Kịrayịsị ḅo tomḅọ sọm mẹ pikiarị apụ. Ọkọ sime tomḅọ mẹ anie oḅori kẹ kịnị sịn ḅọ, pịkị Kịrayịsị-na-tụḅụrụḅọ.