Hiburu 10:12 - FỊAFỊA BAỊBỤLỤ

¹² Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 10:12 Iomraidhean Croise

Devidi-Anume 110:1

KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.”

Makị 16:19

KỊNỊNYANAḄỌ Jizọsị ḅe ini na ẹkwẹn fama tẹso, Tamụnọ ori ọkị iwo so mu tẹ ori ori ama-ḅara anga lẹgịm.

Romu 8:34

Tụḅọ ḅọrọ ḅẹrẹ-ḅarasii pẹlẹ ịn pịrị ḅẹ? Anị ḅọrọ Kịrayịsị tẹ fịị ḅọ ḅe mụnọọ? Ori ịn kọkọ fịị ḅụ ọ̀ saakịma tẹ ọ̀ Tamụnọ ama-ḅara anga sime tẹ wa ḍụarị.

Ẹfisọsị 5:2

Ḅẹlẹma ḅẹrẹtọn ọmịna ḍumo pịrị, anie Kịrayịsị kẹ wa ḅẹlẹma tẹ wa gotẹ ò ḍumo saakị Tamụnọ pịrị ḅara mẹ, anị nwẹnị kụnụarị agba sọ tẹ Tamụnọ ḅioḅẹlẹma.

Kọlọsị 3:1

Tamụnọ ọ́ kẹ Kịrayịsị na sụa saakịma ḍumo ḅụ suu tẹ, mie ḅụ, ọmịnị ọmịna aḅioḅẹngbọ kẹ So-ḅio simearị aị ḅụ gbanaa, anie Kịrayịsị amịna emine kẹ Tamụnọ ama-ḅara anga lẹgị wararị anga mẹ.

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

Hiburu 10:10

Jizọsị Kịrayịsị ḅe Tamụnọ ḅiim ọ̀ mịẹ ḅẹẹ ye mịẹ tẹ ọ̀ ḅụụ kẹ gbọrụ sakị kịngẹ kẹ mịẹ agba mẹ ẹrẹsị wamịnị-mgba si ḅụ sịkịrị fịafịa tẹ.

Hiburu 10:14

Gbọrụ agba kịngẹ mẹ ḅụ ọ̀ mịẹtẹ in si ḅụ sịkịrị fịafịamatẹ apụ ma ḅo gbọrsịḅị kara-gbasị gbamaso tẹ.

Hiburu 5:1

Sịḅịda-Agbamịẹḅọ goḅọ-goḅọ, tomina ogboku ḅụ mie ini mḅọ sẹlẹ pakama-ḅo tẹ mḅọ tomi ma gotẹ Tamụnọ fịrị mẹnjịarị ye, tẹ tomina asi gotẹ kẹ ḅo agbamịẹ-aị na ḍiepịrị-aị na da ḅọrọma Tamụnọ pịrịarị ye.

Hiburu 5:3

Tẹ ori sọ ịnyọ nyana-a ẹrẹsị, ò tomi ma asi ngẹrị gotẹ agba mịẹ-a, kụma ò soku-ḅẹ asi sọ ò gotẹ mịẹarị.

Hiburu 7:27

Ori osi Sịḅịda-Agbamịẹapụ ma kịka-a; ori ene-ḅaaene-ḅaaene amịna asi gotẹ agbamịẹ tẹrẹmẹ, ḅo pịkị tomi ma asi ma agbamịẹ ḅụụ-fụka nyana-a. Gbọrụ agba ngẹrị mie ọ̀ mịẹ tẹ kẹ arịmgba gbaịn ye, ori amịna ḅụụ kẹ mịẹ agba mẹ.

Hiburu 8:1

Wa ḍukoarị aị ma ḅẹ sịḅị anie, wa ọkọ sime gbọrụ Sịḅịda-Agbamịẹḅọ nyana wararị, tẹ So-ḅio simearị Opu Tamụnọ ḅe emine mẹ ḅẹ ama-ḅara anga lẹgị wararị.

Hiburu 9:12

Kịrayịsị akpụrụ tẹkẹ-warị mẹ ḅio gbọrụ sakị kịngẹ kẹ ḅọrọ sọ Fịafịa-tẹịn Yọ mẹ mu sakị, ori oḅori na nambulo na ọmbie kẹ agba mịẹ ḅẹ mu-a; anie nakara ò soku-ḅẹ ọmbie mie ọ̀ kẹ mu tẹ kẹ sime gbamaso ḅọrọma nyana ḅo wa pịrị ye.

Hiburu 9:14

Miemẹ karakara ye sakị goyegoye, Kịrayịsị ọmbie mẹ kpọma ọkọ nẹngị ḅara mịẹ tẹ! Sime gbamaso Tẹmẹ ḅe ḅụ mie ọ̀ ḅọrọ tẹ ọ̀ ḅụụ kẹ la tẹ agba mịẹ Tamụnọ pịrị ye. Ori ọmbie mẹ wamịna tẹmẹ aḅioḅẹngbọ ma sịkịrị fịafịama ḅa, ye ḅụ ofori amịẹaị ḅụ, mịẹtẹ wa fịrịmẹnjị ḍumo wararị Tamụnọ ḅe pịrị ḅẹ ḅara.