Hiburu 10:11 - FỊAFỊA BAỊBỤLỤ

¹¹ Juu-ḅẹ-apụ agbamịẹḅọ nwẹn sin ḅọ, sin ḅọ amịna afịrị mẹnjịarị, ene, ene ḅụ, tẹ tọnwa asakị kẹ gbọrụ agba ḅara mẹ mịẹarị; kụma mịna agba ma inetẹ gbala-gbala tomina asi sin-a.

Hiburu 10:11 Iomraidhean Croise

Paka-so 29:36

Ene-ḅaaene-ḅaaene, ị́ gbọrụ owi-nambulo kẹ si wẹrịso gotẹ si agba mịẹ ḅa. Ị́ pịkị si agba mịẹ agbamịẹ-anga mẹ pịrị ḅa, ị́ si bẹkẹlẹma sịn anị pịrị sakị, tẹ pulo kẹ anị ḅụ sara ḅa kẹ anị mịẹ fịafịama ḅụ.

Ayịzaya 1:11

Ori mẹẹ, “Ị́ sịn-arị ị́ nwẹn mịẹ, siin-mịẹ, siin-mịẹ ị̀ pịrịarị agba ma à ḅiiarị aro? Agba mịẹ ḅụ ị́ dọkịma-dọkịma ị̀ pịrị tẹ anana ma na, í iḅi anama ma ḅẹ ḅẹlẹkị mẹ na ị̀nịna iḅi tẹẹ. Nambulo na, anana na, oḅori na ọmbie mẹ ịnyọ kẹ ị̀ tama tẹ.

Izikẹlị 45:4

Bebe amakiri mẹ ḅụ, anị fịafịa yọ sọ ḅa, wẹrị sikima agbamịẹapụ tẹ fịrịmẹnjị KỊNỊNYANAḄỌ ḅe pịrịarị apụ ma ọ̀ Warị mẹ ḅio. Ịna awarị anị anga sime ḅa, tẹ kiri mẹ ḅẹ gbọrụ anga ḅụ Tamụnọ Warị mẹ sime ḅa. Anị anga ini ama ma sime ḅa pịkị Tamụnọ-warị mẹ ḅẹ kiri mẹ na.

Danẹlị 11:31

Ori ọmụapụ ma ḅe jen-apụ Tamụnọ-warị mẹ pilema ḅa. Ini ene-ḅaaene-ḅaaene ḅẹ agba ma dasịẹma tẹ “Ḅalafama Sịḅị-jịrịmaye Mẹ” saakị sịẹma ḅa.

Danẹlị 12:11

Ini ene-ene ḅẹ agba ma dasịẹma ḅẹ sakị mẹ ḅụ ọkị mu, anie “Ḅalafama Sịḅị-jịrịmaye Mẹ” ḅụ ọkị mu, ḍin tẹra ẹndẹ inia asi finji na oyia aḍin na ḅọrọ ḅa.

Danẹlị 8:11

Anị mịẹ ma-mu tẹ owu kẹ so ḅẹ ọmụ-ogbo mẹ sịḅịdaḅọ ḅe sọm, ene-ḅaaene-ḅaaene mịẹ ọ̀ pịrị-pịrị agba ma dasịẹmam, tẹ Tamụnọ-warị mẹ pilemam.

Danẹlị 9:21

Àrị ọkọ kẹ tẹkẹarị ogbo, Gebịrẹlị, à tarị pịrị-pịrị ḅụ ẹrị ịkịan mẹ ḅụ ẹrị ḅọ ḅe, fiin ma ideri-ḅo à sime anga korom. Sakị mẹ anie ḅoḅiri agba mịẹ-mịẹ sakị mẹ.

Danẹlị 9:27

Anị ḅẹrẹtọnḅọ ḅe tọnwa-apụ na kụrọ-nyanatẹ ḅịḅị-kẹ-ogbosọ nyana ḅa sọnọma kụra ḅụ, tẹ anị sakị mẹ kẹ maa anga ḍiya ḅẹ gbọrụ anga ḅọrọtẹ so ori agbamịẹ ma na ḍiepịrị-aị na dasịẹma ḅa. ‘Ḅalafa Sịḅị-jịrịmaye Mẹ’ ịn nwẹn kẹ Tamụnọ-warị mẹ ḅio geletẹịn anga ḅụ gbana ḅa, tẹ anịanga sime nwenii anị kẹ anị kẹ anịanga koroma ḅọ ḅe ḅo Tamụnọ tẹlẹma ọ̀ pịrị kunoma mẹ na bịama ḅa.”

Mayịka 6:6

Ḅụụ-ḅalaḅala ḅụ Izirẹlị ḅẹ jen-apụ nwẹnị sịḅị-sịḅị ḅụ ḅẹẹ, “À tiye kẹ KỊNỊNYANAḄỌ, So-ḅio ḅẹ Tamụnọ ḅe tọrọkọ ḅo ḅẹ, à ḅo sunsin ọ̀ pịrị ḅẹ sakị? À gbọrụ kụra sịḅị ḅụ ḅọrọtẹ asambịrịma anambulo kẹ dọkịma-agba mịẹ ḅẹ mụnọọ?”

Kịẹn-aḅịḅị 28:24

Anị gbọrụ ḅara ḅụ ọ́ sọnọma aḍin kẹ ene-ḅaaene-ḅaaene ḅụ fịye agba mẹ mịẹ ḅa fịnị ḅụ, KỊNỊNYANAḄỌ ḅe ḅụụ-ḅẹlẹarị kụnụ. Sịkọpẹlẹ-a ḅara kẹ mịẹarị dọkịma-agba mẹ na anị ḅẹ iru agba mẹ na sikima ọmịnị anị agba mẹ mịẹ ḅa.

Kịẹn-aḅịḅị 28:3

“Anịsakị ị́ ịn ḅẹẹ ḅa, miemẹ anie fịnị ḅụ mịẹarị agba mẹ tẹ ọ́ mịẹ KỊNỊNYANAḄỌ ḅe pịrị ḅarịye mẹ; ḅẹkụ ḅụụ ḅụ ofori, gbọrụ kụra sịḅị ḅụ ḅọrọtẹ maa asambịrịma ejimina ọ́ nwẹn kẹ ene-ḅaaene-ḅaaene sịkọpẹlẹ-a ḅara kẹ agba mẹ mịẹ ḅa.

Kịẹn-aḅịḅị 29:6

Ịwọ akalụ mẹ ḅẹ dọkịma-agba mẹ na anị ḅẹ mgbọlụ agba na; pịkị sịkọpẹlẹ-a ḅara kẹ mịẹarị dọkịma-agba mẹ na, anị ḅẹ mgbọlụ agba na, pịkị arị ḅẹ iru agba na mịẹ sikima tẹrẹmẹ kụrọ ḅara ḅio simearị ḅọ ḅẹ wẹrịtẹ tọn arị pịrị ḅara ḅụ, ọ́ pịkị mị agba mẹ mịẹ KỊNỊNYANAḄỌ ḅe pịrị ḅa fịnị ḅụ, ọ̀ ḅụụ-ḅẹlẹarị kụnụ.

Hiburu 10:1

Juu-ḅẹ-apụ Oloko mẹ, anị karakara aị ma kịka fama-a; ịn gbala ḅọrọ anị kẹ boowa kala ḅara kẹ ḅo ḅarị iḅi aị ma tọnmam. Kuno-a ḅara kẹ, kụra, kụra ḅụ ịn gbọrụ agba ḅara mịẹarị. Ndẹẹ mị-ḅara ḅụ Oloko mẹ inetẹ mịna agba ma ḅụ ḅọrọ tẹ Tamụnọ ḍọkụma-ḅoarị apụ ma mịẹ karakarama fama ḅẹ ḅara?

Hiburu 10:4

Kẹ gotẹ ọkọ ḍukoarị, nambulo na oḅori na ọmbie gbala-gbala inetẹ tomina asi sin ḅịa.

Hiburu 5:1

Sịḅịda-Agbamịẹḅọ goḅọ-goḅọ, tomina ogboku ḅụ mie ini mḅọ sẹlẹ pakama-ḅo tẹ mḅọ tomi ma gotẹ Tamụnọ fịrị mẹnjịarị ye, tẹ tomina asi gotẹ kẹ ḅo agbamịẹ-aị na ḍiepịrị-aị na da ḅọrọma Tamụnọ pịrịarị ye.

Hiburu 7:27

Ori osi Sịḅịda-Agbamịẹapụ ma kịka-a; ori ene-ḅaaene-ḅaaene amịna asi gotẹ agbamịẹ tẹrẹmẹ, ḅo pịkị tomi ma asi ma agbamịẹ ḅụụ-fụka nyana-a. Gbọrụ agba ngẹrị mie ọ̀ mịẹ tẹ kẹ arịmgba gbaịn ye, ori amịna ḅụụ kẹ mịẹ agba mẹ.

Hiburu 8:2

Fịafịa-tẹịn Yọ mẹ ḅụ mie ò sime tẹ Sịḅịda-Agbamịẹḅọ fịrị mẹ mẹnjịarị, karakara akpụrụ tẹkẹ-warị mẹ tẹ KỊNỊNYANAḄỌ ḅe ḅarana nama, tomḅọ nama-a ye mẹ ḅio.

Hiburu 8:4

Ò tomikiri emi namịna, ọ̀ ḅarị agbamịẹḅọ sọ-a so tẹ, Juu-ḅẹ-apụ Oloko mẹ ḅii ḅara ḅụ ḍiepịrị-aị daḅọrọma Tamụnọ pịrịarị apụ emi sakị goyegoye.