Hiburu 10:10 - FỊAFỊA BAỊBỤLỤ

¹⁰ Jizọsị Kịrayịsị ḅe Tamụnọ ḅiim ọ̀ mịẹ ḅẹẹ ye mịẹ tẹ ọ̀ ḅụụ kẹ gbọrụ sakị kịngẹ kẹ mịẹ agba mẹ ẹrẹsị wamịnị-mgba si ḅụ sịkịrị fịafịa tẹ.

Hiburu 10:10 Iomraidhean Croise

Zẹkaraya 13:1

Kụrọmamgba nyana KỊNỊNYANAḄỌ ḅe ḅẹẹarị, “Anị ene mẹ ḅụ, ngụngụḅa finji ḅa, kẹ Devidi furo-ḅẹ-apụ ma na Jeruselemu ḅẹ apụ ma na sịkịrị fịafịama ịna si na oru-afụḅara tẹkẹ na ḅụ.

Jọnị 17:19

In gotẹ àrị ị̀ ḅụụ wẹrị sikima ị́ pịrịm, mịẹtẹ ini sọ karakara ḅara kẹ ịna ḅụụ wẹrị sikima ị́ pịrị ḅarị ḅara.

Jọnị 19:34

Anịsọ, ọmụapụ ma ḅẹ gbọrụḅọ nwẹnị ḅẹkẹrẹ kẹ Jizọsị agaga temi suu, tẹ anị gbọrụ kiri ọmbie na minji na nwẹnị ọsụma paka-ḅo.

Jọnị 6:51

Yẹrị anie ḍumo wararị fịturu mẹ, tẹ So-ḅio koro ḅo ye mẹ. Tomḅọ mị fịturu mẹ fị-fị, mḅọ ḍumo gbamaso ḅa. À kẹ ọ́ pịrị ḅarị fịturu mẹ anie ì oju ḅẹ meni mẹ, anie tomikiri mẹ ḍumo gotẹ à kẹ pịrịarị ye mẹ.”

1 Kọrịntị 1:30

Kụma Tamụnọ ọ́ kẹ ḅo Kịrayịsị Jizọsị na gboloma tẹ, Tamụnọ Kịrayịsị kẹ wamịna nimi sọma tẹ. Ọ̀ ḅụụ ḅụ wa pịkị ḅo Tamụnọ na kura apụ sọ tẹ, pịkị Tamụnọ fịafịa atomi, tẹ ḅo si omoni ḅara-ḅio ofori apụ sọ tẹ.

1 Kọrịntị 6:11

Ọmịna ḅụ ḅẹ ja apụ anị ḅara mẹ simem. Kụma mịọkụ in si ḅụ ọ́ sịkịrị fịafịama tẹẹ; ini ọ́ saakị sikima Tamụnọ pịrị tẹẹ; KỊNỊNYANAḄỌ Jizọsị Kịrayịsị ḅe ḅụ ọ́ ḅọrọ tẹ Tamụnọ na ḅẹrẹ-fama tẹẹ, wamịna Tamụnọ ḅe Tẹmẹ ḅẹ ḅụ.

Ẹfisọsị 5:2

Ḅẹlẹma ḅẹrẹtọn ọmịna ḍumo pịrị, anie Kịrayịsị kẹ wa ḅẹlẹma tẹ wa gotẹ ò ḍumo saakị Tamụnọ pịrị ḅara mẹ, anị nwẹnị kụnụarị agba sọ tẹ Tamụnọ ḅioḅẹlẹma.

Ẹfisọsị 5:26

Ò miemẹ mịẹ tẹ sọsị mẹ wẹrị fịafịama Tamụnọ pịrị ḅẹm, ori ẹkwẹn ḅụ, ọ̀ tarị minji kẹ anị sịkịrị fịafịama tẹso,

Hiburu 10:12

Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 10:14

Gbọrụ agba kịngẹ mẹ ḅụ ọ̀ mịẹtẹ in si ḅụ sịkịrị fịafịamatẹ apụ ma ḅo gbọrsịḅị kara-gbasị gbamaso tẹ.

Hiburu 10:20

Ori ịwọ etela finji wa pịrịm, ḍumo wararị etela, kiki-pẹlẹ-ḅịtẹ mẹ ḅụ tolu-ḅọrọ ḅụ, anie fiearị, ori oju mẹ ḅụ tolu-ḅọrọ.

Hiburu 10:29

Anị nwẹnị ọkọ sime kụma, ndẹẹ anị sime Tamụnọ Tụḅọ ḅe ḍiki-sima tomḅọ pịrị ḅẹ ḅara? Ndẹẹ anị sime Tamụnọ ọḅọkụ mẹ ḅẹ ọmbie mẹ tẹ si ḅụ mḅọ sịkịrị fịafịama ye mẹ kẹ ye-sịn-a tomḅọ pịrị ḅẹ ḅara? Ndẹẹ anị sime Ḍiki-ḅụụjịrị Tẹmẹ ḅe mịẹ simearị ḅọ mẹ pịrị ḅarị ḅara? Ọ́ paa kẹ ḅiokoromaa, mḅọ la na-iḅi fomu-ḅara mẹ ḍụḅatẹịn ḅaka ḅịa?

Hiburu 10:5

Miemẹ ẹrẹsị, Kịrayịsị tomikiri mẹ ḅo ḅẹ-yearị sakị ọ̀ Tamụnọ ḅẹẹm: “Ị́ agba na ḍiepịrị-aị na ḅii-a, kụma ị́ gbọrụ oju tẹlẹma ị̀ pịrị tẹ.

Hiburu 13:12

Mị-ḅara mẹ gotẹ Jizọsị sọ, opu ama mẹ tolu-paka ḅụ ọ̀ fịịm, anie ori ò soku-ḅẹ ọmbie kẹ tomi ma ḅọrọma ḅẹ agba mịẹ ye mẹ ḅụ.

Hiburu 2:11

Ori anie tomina ḅụụ ịna asi sịkịrị sin-arị ḅọ, anịsakị ori ịn sịkịrị fịafịamarị ḅọ ḅe na ọ̀ sịkịrị fịafịama tẹ apụ ma na, gbọrụ Ḍaḅọ. Anie Jizọsị gotẹ ḅụụ-jịrị-a tẹ ori amịnapụ kẹ ịn sịn-arị ye.

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

Hiburu 5:7

Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.

Hiburu 7:27

Ori osi Sịḅịda-Agbamịẹapụ ma kịka-a; ori ene-ḅaaene-ḅaaene amịna asi gotẹ agbamịẹ tẹrẹmẹ, ḅo pịkị tomi ma asi ma agbamịẹ ḅụụ-fụka nyana-a. Gbọrụ agba ngẹrị mie ọ̀ mịẹ tẹ kẹ arịmgba gbaịn ye, ori amịna ḅụụ kẹ mịẹ agba mẹ.

Hiburu 9:12

Kịrayịsị akpụrụ tẹkẹ-warị mẹ ḅio gbọrụ sakị kịngẹ kẹ ḅọrọ sọ Fịafịa-tẹịn Yọ mẹ mu sakị, ori oḅori na nambulo na ọmbie kẹ agba mịẹ ḅẹ mu-a; anie nakara ò soku-ḅẹ ọmbie mie ọ̀ kẹ mu tẹ kẹ sime gbamaso ḅọrọma nyana ḅo wa pịrị ye.

Hiburu 9:14

Miemẹ karakara ye sakị goyegoye, Kịrayịsị ọmbie mẹ kpọma ọkọ nẹngị ḅara mịẹ tẹ! Sime gbamaso Tẹmẹ ḅe ḅụ mie ọ̀ ḅọrọ tẹ ọ̀ ḅụụ kẹ la tẹ agba mịẹ Tamụnọ pịrị ye. Ori ọmbie mẹ wamịna tẹmẹ aḅioḅẹngbọ ma sịkịrị fịafịama ḅa, ye ḅụ ofori amịẹaị ḅụ, mịẹtẹ wa fịrịmẹnjị ḍumo wararị Tamụnọ ḅe pịrị ḅẹ ḅara.

Hiburu 9:26

ọkọ namịna tomikiri mẹ bịan tẹmẹ kụra-ḅio ọ̀ tọnwa sakị kẹ tọrụsiẹrị tẹ. Anie nakara, mịọkụ tomikiri mẹ kunoma ḅẹ sakị mẹ ḅo kpeki tẹ mẹ, mie ọ̀ gbọrụ sakị mẹ kịngẹ kẹ paka-ḅo tẹ ọ̀ ḅụụ kẹ si sin ḅẹ agba mẹ mịẹ tẹ ye.

Hiburu 9:28

Anị gbọrụ ḅara mẹ ḅụ, ịn Kịrayịsị sọ kẹ gbọrụ sakị kịngẹ ḅụ agba mịẹ tẹ, kẹ tọnwa atomi asi sin ḅẹ ḅara. Ọ̀ maa sakị karama ye kẹ paka-ḅo ḅẹ sakị, ò si na mịẹ ḅẹ ye ḅarị paka ḅịa, kụma ori ò koruarị apụ ma ḅọrọma ḅa.

1 Pita 2:24

Kịrayịsị ḅarana ori oju ḅio wamịna asi ma dogi tẹ kẹ ẹngbẹsẹ-sịn mẹ mum, mịẹtẹ wa fịị si pịrị tẹ ḍumo karakara mịẹ pịrị ḅẹm. Ori oju kiri mẹ ḅẹ ịnọ ma ḅụ mie wa ḅọrọ tẹ gwọ ye.

1 Pita 3:18

Kẹ gotẹ ọkọ ḍukoarị, Kịrayịsị gbọrụ sakị kịngẹ kẹ si gotẹ fịị inweni-mgba pịrịm, iḅi tomḅọ ḅe si-mịẹapụ kiri ḍima tẹ fịịm, mịẹtẹ ori ọ́ ḅọrọma mu Tamụnọ la ḅẹ ḅara. Meni oju ḅụ ini ọ̀ ḅaam, kụma tẹmẹ ḅụ Tamụnọ ò ḍumomam,

1 Jọnị 5:6

Jizọsị Kịrayịsị anie, ò minji sara ḅụ na, ò fịị na ḅụ Tamụnọ ḍukom mịnẹ ori Tamụnọ Tụḅọ nwẹn ḅẹẹ ḅọ ḅee. Ò minji mẹ ngẹrị ḅụ ḅo-a, kụma maaịn ma ḅụ, minji mẹ na fịị mẹ na ḅụ. Tẹ Tẹmẹ ḅe ḅioju ḍukoarị mịnẹ miemẹ karakaraye, gbala Tẹmẹ ḅe anie ḅe karakara ẹrẹsị.