Hiburu 10:1 - FỊAFỊA BAỊBỤLỤ

¹ Juu-ḅẹ-apụ Oloko mẹ, anị karakara aị ma kịka fama-a; ịn gbala ḅọrọ anị kẹ boowa kala ḅara kẹ ḅo ḅarị iḅi aị ma tọnmam. Kuno-a ḅara kẹ, kụra, kụra ḅụ ịn gbọrụ agba ḅara mịẹarị. Ndẹẹ mị-ḅara ḅụ Oloko mẹ inetẹ mịna agba ma ḅụ ḅọrọ tẹ Tamụnọ ḍọkụma-ḅoarị apụ ma mịẹ karakarama fama ḅẹ ḅara?

Hiburu 10:1 Iomraidhean Croise

Lẹvitikọsị 9:16

Tẹ ọ̀ dọkịma-agba mẹ mịẹm. Kụrọ ḅara ḅio sime ḅọ sụa oloko mẹ wẹrịtẹ ḅẹẹ ḅara ọ̀ nwẹn kẹ agba mẹ mịẹm.

Romu 8:3

Tomḅọ si sime-ḅara ịnyọ nyana-a gotẹ Oloko mẹ inetẹ mịẹ-a ye mẹ, Tamụnọ mịẹ tẹ. Ori ọ̀ Tụḅọ kẹ fịrịma tẹ ò tomḅọ sọm, kẹ si dee-siin ḅẹ ẹrẹsị, tomina si sime-ḅara mẹ ḅụ.

Kọlọsị 2:17

Arị aị mamgba papaa tọrọkọ ḅo ḅarị aị ḅẹ tẹmẹ, tẹ ịrụa ḅịya ye sarama tẹ kiri ḅụ tọn-arị ye pembe aị ma; karakaramatẹ ye ḅẹ karakara mẹ anie Kịrayịsị.

Hiburu 10:22

Mie ḅụ, ó yee wa sọma-ḅo Tamụnọ kpeki, karakara ḅioḅẹngbọ na jike-a minini na ḅụ; ḅioḅẹngbọ ma sịkịrị fịafịa, tẹ si ḅẹrẹ-ḅarasii ponoma-a tẹmẹ ḅioḅẹngbọ na minji sịkịrị vịọịmatẹ oju ma na ḅụ.

Hiburu 7:11

Livayị agbamịẹ ọrụ mẹ mie Tamụnọ ḍiki tẹ Oloko mẹ kẹ Izirẹlịapụ ma pịrị ye. Livayị agbamịẹ ọrụ mẹ ḅẹ agbamịẹapụ ma kọrịnama mẹ ḅụ ḅẹẹ, ḅẹẹ ye ofori namịna, kịrị agbamịẹ ọrụ paka na-iḅi-a, anie Mẹlịkizẹdẹkị kịka agbamịẹḅọ, Erọnị ọrụ ḅụ ḅo ḅọ-a.

Hiburu 8:5

Karakara-ḅara-ḅụ, ini kọrịarị agbamịẹ kọrịnama mẹ anie papaa kẹ So-ḅio ḅẹ ye mẹ tọnma tẹ mịẹarị ye, ịrụa ḅịya ye sarama tẹ anị ḅẹ tẹmẹ tọn ḅara pembe ye. Anie Mozizi eneḅaka ḅụ sọ anị sime gbọrụ ḅara mẹ. Ori ọḅọkụ Akpụrụ-warị mẹ nama ḅẹ-yearị sakị, Tamụnọ ọ̀ ḅẹẹm, “Ẹrị mịnẹ í ye goyegoye kẹ tụndụ mẹ ọgọnọ ịn kẹ í ḍie ḅara mẹ ḍiki tẹ mịẹm.”

Hiburu 9:11

Kụma Anịngẹ-kụraḅio Kịrayịsị mịọkụ simearị iḅi aị ma ḅẹ Sịḅịda-Agbamịẹḅọ ḅara kẹ ḅo la tẹ. Ò sime tẹ fịrịmẹnjịarị akpụrụ tẹkẹ-warị mẹ iḅi, pịkị kara-gbasị, osi ye mẹ nẹngịm; tomi ḅara kẹ nama Akpụrụ tẹkẹ-warị-a, anie fiearị mịnẹ mị tomikiri Tamụnọ tẹmẹ koroma wararị aị ma ḅẹ gbori pakịrị-a.

Hiburu 9:23

Arị aị ma tẹ ịn kẹ So-ḅio ḅẹ karakara aị ma tọnma tẹ mịẹ aị ma, ọmbie mie ịn kẹ arị mịẹ fịafịama ḅẹ ye. So-ḅio ḅẹ aị ma ḅioju kụma, iḅi árị aị ma nẹngị agba ma mie árị ḅii ye.

Hiburu 9:25

Juu-ḅẹ-apụ ma Sịḅịda-Agbamịẹḅọ ḅe, kụra gbọrụ sakị, gbọrụ sakị kẹ nama ọmbie kẹ Fịafịa-tẹịn Yọ mẹ sọ-mu sọ-mum. Kụma Kịrayịsị tọnwa sakị kẹ ọ̀ ḅụụ kẹ agba mịẹ ḅẹ mu-a,