Hiburu 1:9 - FỊAFỊA BAỊBỤLỤ

⁹ Í kuraye ḅẹlẹma tẹ kura-aye ḍiki-ḅioḅuarị. Miemẹ anie Tamụnọ, ị́ Tamụnọ ḅe gotẹ ị́ sẹlẹ-ọkị yee, tẹ pịkị ị́ nyana kụn ḅụ ḅẹ ḅioḅẹlẹ mẹ mịẹtẹ anị ọ̀ kẹ ị́ jụ ḅẹ apụ ma pịrị ye nẹngị lama yee.”

Hiburu 1:9 Iomraidhean Croise

Devidi-Anume 11:5

Iḅi-apụ na si-sịḅịḅio-sụapụ na ori ịn tọn ḍikiarị, gbọrụ ḅara mẹ: Ori ò ḅioḅẹngbọ mamgba kẹ oloko bala-a apụ ma ḍiki-ḅioḅuarị.

Devidi-Anume 119:104

Í oloko ma ḅụ mịẹ à ḅọrọtẹ nimi nyanarị, anie ḅụ à si ye-mịẹ-ḅara mamgba ḍiki-ḅioḅuarị.

Devidi-Anume 119:128

Anie ḅụ àrị ị́ tọnm mịẹ ḅẹ aị mamgba ḍukamẹnjịarị; à kura-a etela mamgba ḍiki-ḅioḅuarị.

Devidi-Anume 2:2

Ịna amadapụ ma ịn ḍụkụ ḅịa ḅẹ amịẹaị mịẹarị, ịna ḅẹrẹtọn apụ ma sịḅị gboloma tẹ ḅẹrẹ-ḅiya KỊNỊNYANAḄỌ ḅe pịrịarị, pịkị ori sẹlẹ pakama-ḅo amadaḅọ ḅe na.

Devidi-Anume 2:6

Ori mẹẹ, “Zayọnị, ị̀ fịafịa tụndụ mẹ ọgọnọ àrị ama-da ị̀ pịrị ḅẹ ḅọ tọn pakama tẹ.”

Devidi-Anume 23:5

Ị́ alalị-fịye kẹ ị̀ pịrị fịarị, ị̀nịna fịya-a apụ tọrọkọ ḅụ; ḅioḅẹlẹ ḅara ḅụ mie ị́ kẹ ị̀ da warị suu ye, tẹ à ḅuu furo ḅinma ḅẹ ḅara kẹ ị̀ kọpụ sụam.

Devidi-Anume 33:5

KỊNỊNYANAḄỌ ḅe karakara ye na inoma ofori ye na ḅẹlẹmarị: ò kuno-a ḅẹlẹma mẹ tomikiri mẹ ḅin wararị.

Devidi-Anume 37:28

kẹ gotẹ ọkọ ḅẹẹarị, KỊNỊNYANAḄỌ ḅe kuraye ḅẹlẹmarị, tẹ Ò minini atomi ma kẹ gbin kuroma so, so-a: ori ịn gbaịn mu ḅẹẹ-sakị ḅẹẹ-sakị laarị, kụma si-sịḅịḅio-sụapụ ma furo ḅẹ apụ ma ini in dee pakama ḅa.

Devidi-Anume 40:8

Ị̀ Tamụnọ, àrị ị́ ḅụụ-ḅẹlẹ ye mịẹ mẹ ḅẹlẹmarị! Í tolumaye mẹ à kẹ ì ḅioḅẹngbọ koko wararị.”

Devidi-Anume 45:6

Tamụnọ kẹ ị́ pịrị daarị ama mẹ, ị́ anị da-mu ḅẹẹ-sakị ḅẹẹ-sakị la ḅa. Ị́yẹrị anie aḍụa ofori ḅara kẹ ḅẹrẹtọn ị́ atomi pịrịarị;

Devidi-Anume 45:7

í kuraye ḅẹlẹma tẹ siye ḍiki-ḅioḅuarị. Anie ẹrẹsị Tamụnọ, ị́ Tamụnọ ḅe, ị́ sẹlẹ ọkị tẹẹ, tẹ ḅioḅẹlẹ kẹ ị́ ọgọnọ ọsụma-ọsụma sararị, ọ̀ kẹ jen gbọrụ amadaḅọ sọ na mịẹ-a ḅara.

Devidi-Anume 89:20

Àrị ị̀ fịrịmẹnjịḅọ Devidi kẹ amadaḅọ mịẹ tẹ fịafịa olo kẹ ọ̀ sịḅị sara ḅụ.

Devidi-Anume 89:26

Ori ị̀ ḅẹẹ ḅa: Ị́yẹrị ị̀ ḍa pịkị ị̀ Tamụnọ; ị̀ gbaịn-arị ḅọ pịkị ị̀ ḅọrọma ḅọ.

Egberima-Ẹkwẹn 8:13

KỊNỊNYANAḄỌ ḅe mangịma mẹ anie siye ḍiki-ḅioḅu; à ḅụụ-gelemarị apụ na opu ẹkwẹn kọn-arị apụ na ḍiki-ḅioḅuarị, si etela ma na iruo ẹkwẹn ma na.

Ayịzaya 61:1

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe Ọ̀ tẹmẹ kẹ ị̀ ḅụụ ḅio suu ḅinma tẹẹ. Ori ị̀ sẹlẹ ọkị tẹ ị̀ kẹ fịrịma tẹ Iḅi-oku kẹ mu igoin-apụ ma pịrị ḅẹ ḅara, Ḅioḅẹngbọ kaan-sara tẹ apụ ma gwọ, Ḍuko kun-ḅara ḅio simearị apụ ma pịrị ịn paka-ḅo ḅa, pịkị ikoli ḅio simearị apụ ma ḅẹẹ ini ịna sịḅị atomi sọ ḅa.

Ayịzaya 61:3

Kẹ Zayọnị ḅụ kururuarị apụ ma pịrị Ḍereku na ḅioḅẹlẹ na, ḅioḅẹngbọ-si nakara, Tokini nume-su, kururu nakara. Ini opu asịn kịka ḅa Anie KỊNỊNYANAḄỌ ḅe ḅarana ḍiḅi aị. Inimgba kuraye mịẹ ḅa, Tẹ Tamụnọ tokini ḅa ọ̀ kọrị tẹ ye gotẹ.

Ayịzaya 61:8

KỊNỊNYANAḄỌ ḅe mẹẹ, “À tomḅọ la kiri kẹ mḅọ pịrị ḅẹlẹma tẹ kịnị ponoma na si mịẹ na ḍiki ḅioḅuarị. À karakara ḅara kẹ gbẹẹ-ye kẹ ị̀ atomi pịrị ḅa tẹ sime-gbamaso ọḅọkụ kẹ ini na fị ḅa.

Emọsị 5:15

Ó siye ḍiki-ḅioḅu, kuraye ḅẹlẹma, tẹ ẹrị mịnẹ ḅẹrẹ-siri ma ḅio ḅụ karakara ḅẹrẹkọn ngẹrị kiri nyanam. Ẹbịsịya KỊNỊNYANAḄỌ ḅe ọkụrụkụrụ nyana mị sịẹ mẹ ḅẹ apụ ma tẹ fịị-a so apụ ma pịrị ḅa.

Zẹkaraya 8:17

Ó ye kẹ jụmọ-jụmọ lama ḅẹ aḅọkọ ḅẹ ḅẹrẹ-ḅiya ma. Ó ye karị tẹrẹmẹ iruo witinẹsị sọ ma. Àrị iruoye ḍuko na, inoma na kụrọ-kụrọ mịẹ na ḍiki-ḅioḅuarị.”

Kịẹn-aḅịḅị 7:43

ori agbamịẹye anie seleḅa pakịrị sonioa si oyi finji iku kọn gbọrụ opu ẹfẹrẹ na, seleḅa pakịrị tesi oyi finji kẹ mịẹ seleḅa opu-panị na Fịafịa Yọ mẹ ḅẹ ye-tọnye kẹ tọn ḅara ḅụ; maaịn mamgba ḅio olivu pulo kẹ pikiri wararị iḅiọkụ gbẹẹtẹ iḅi fịlawa ḅinm sime mgbọlụ agba mịẹ pịrị ye;

Luku 4:18

“KỊNỊNYANAḄỌ ḅe Tẹmẹ ḅe ị̀ ọgọnọ emi, ori ị̀ sẹlẹ-ọkị tẹ àrị iḅi-oku mẹ ḍuko igoin-apụ ma pịrị ḅẹ ẹrẹsị. Ori ị̀ fịrịmam à mu ḍuko kun-ḅara ḅio sime apụ ma pịrị mịnẹ ịn paka-ḅo ḅa, pịkị tọrụngbọ pụụn tẹ apụ ma ḅẹẹ mịnẹ ịn ye ẹrị ḅa, ja apụ ponomarị apụ ma sọ pụkọ-pakaḅo ḅa.

Jọnị 1:41

Anị gbọrụ kiri ọ̀ nwẹnị ori iyimbere Sayịmọnị ḍọkị tẹ ḍuko ọ̀ pịrị, “Mẹsaya ḅe wa ori ẹrị tẹ” (anie fiearị ye “Kịrayịsị”.)

Jọnị 10:17

“Ḍaḅọ ḅe ị̀ ḅẹlẹmarị, à minini tẹ ì ḍumo ḅụ ḅara-siin tẹ fịịarị ẹrẹsị, mịẹtẹ à pịkị siin anị ọkị ị̀ ḅụụ pịrị ḅẹ ḅara.

Jọnị 20:17

Jizọsị nwẹnị á ḅẹẹ, “Ị̀ fịnama ma, amụ à pịkịma iwo Ḍaḅọ ḅe ḍọkụma-mua ẹrẹsị. Kụma so ị̀ amịnapụ ma dama-mu tẹ ịn ḅẹẹ, à pịkịma-so ị̀ Ḍa ḅe ḍọkụma-muarị, anie pịkị ini ma sọ Ḍaḅọ ḅe, ị̀ Tamụnọ, anie pịkị ini ma sọ Tamụnọ ḅee.”

Jọnị 3:34

Tamụnọ kẹ fịrịma ḅọ ḅe, Tamụnọ ọ̀ Tẹmẹ kẹ ọ̀ ḅụụ ḅio suu ḅinma wararị ẹrẹsị, Tamụnọ ẹkwẹn ma mie ọ̀ kọn-arị.

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 4:26

Tomikiri ḅẹ amadapụ ma ịna aḅụụ kobiri, tẹ owu kẹ KỊNỊNYANA-TAMỤNỌ ḅe na Ọ̀ Mẹsaya ḅe na paka ḅẹm.”

Fịrịmẹnjịapụ 4:27

Anie anị mịẹ ḅara, mị ama mẹ ḅio mie Ẹrọdị na, Pọnịtịyọsị Payịleti na, Ja asịẹ ḅẹ apụ ma na Izirẹlịapụ na kobiri ị́ Fịafịa Fịrịmẹnjịḅọ Jizọsị, tẹ ị́ kẹ Mẹsaya sọma ḅọ ḅe pịrị ye.

Romu 12:9

Ọ́ ḅụụ ḅụ gbọrụ aka sọ ofori ḅẹlẹma nyana tomi pịrịị. Ó siye goyegoye sịkị tẹ iḅiye goyegoye fịnamaa.

Romu 15:13

Yee ḅiokpọ ḅara ḅụ sime tẹ ḅoarị Tamụnọ ḅe, ọmịnị ọ̀ ḅụụ nyana minini gotẹ ḅioḅẹlẹ na dein na kẹ ọ́ pịrị ḅinma, mịẹtẹ Fịafịa Tẹmẹ ḅe kụrọ ḅụ ọmịna ḅiokpọ mẹ kụrọ tọrọkọ-tọrọkọ mu ḅarị ḅara.

1 Kọrịntị 1:9

Tamụnọ anie ḅioḅẹngbọ-kẹ-sịrẹrẹ-niḅi ḅọ, anị Tamụnọ ḅe tẹ ọ́ sịn ḅo ọ̀ Tụḅọ Jizọsị Kịrayịsị wa Nyanaḅọ ḅe na gboloma ḅọ ḅe.

2 Kọrịntị 11:31

Tamụnọ, Wa Nyanaḅọ Jizọsị Kịrayịsị Ḍa ḅe, nimi wararị, arị iruo-a — boma sime ori ẹrẹ pịrị gbamasoo!

Galesiya 5:22

Kụma Fịafịa Tẹmẹ ḅe pakama-ḅoarị aị anie ḅẹlẹma na, ḍereku na dein na; ye-inema na, iḅi-yemịẹ-ḅara na iḅi na; ḅioḅẹngbọ-kẹ-sịrẹrẹ-niḅi ḅara sime na,

Ẹfisọsị 1:3

Ó yee wa ịmịẹtẹ kẹ Tamụnọ, pịkị wa Nyanaḅọ Jizọsị Kịrayịsị Ḍa ḅẹ, ḅẹẹ. Kẹ gotẹ ọkọ ḍukoarị, wa Kịrayịsị na gbọrụ ḅụ simearị mẹ gotẹ ọ̀ wa boma tẹ, So-ḅio ḅẹ tẹmẹ ḅụ ḅẹ boma goyegoye kẹ wa pịrị ḅụ.

Filipayị 2:9

Mie gotẹ Tamụnọ ọ̀ saakị-gelema mu So-ḅio ḅẹ ọgọnọ-jụ ḅụ geletẹịn anga mẹ mum tẹ jen ẹrẹ goyegoye nẹngị ẹrẹ kẹ ọ̀ sịnm.

Hiburu 2:11

Ori anie tomina ḅụụ ịna asi sịkịrị sin-arị ḅọ, anịsakị ori ịn sịkịrị fịafịamarị ḅọ ḅe na ọ̀ sịkịrị fịafịama tẹ apụ ma na, gbọrụ Ḍaḅọ. Anie Jizọsị gotẹ ḅụụ-jịrị-a tẹ ori amịnapụ kẹ ịn sịn-arị ye.

Hiburu 2:9

Kụma wa ẹrịarị ye anie, Jizọsị, Tamụnọ mịẹtẹ boowa sakị kẹ iderima enjẹlị apụ nẹngị ḅọ ḅe, Tamụnọ ḍiki-ḅụụjịrị ḅụ, ḅo fịị ḅẹḅọ-ḅẹḅọ pịrị tẹẹ. Mịọkụ wa ẹrị tẹ mịnẹ Tamụnọ ebube na, kụn na, ama-da sun kẹ ò sure tẹ, ọ̀ fị ḅụ tọrụsiẹrị ye gotẹ.

Hiburu 7:26

Mie ḅụ, Jizọsị anie wamịna ḅụụ-fụka mịẹ pẹlẹarị Sịḅịda-Agbamịẹḅọ ḅee. Ọ̀ fịafịa wararị; ọ̀ ḅụụ ḅẹẹ-ḅẹẹye anịanịa si ofori; si-mịẹapụ ḅụ Tamụnọ ọ̀ saakị ḅelema wararị, tẹ ori iwoma mu So ma ḅọrọ tẹẹ.

1 Pita 1:3

Ó yee wa ịmịẹtẹ kẹ Tamụnọ pịkị wa Nyanaḅọ Jizọsị Kịrayịsị Ḍa ḅe ḅẹẹ! Ori opu ọkụrụkụrụ mẹ ẹrẹsị ori ịwọ ḍumo kẹ wa pịrịm, fịị ḅụ Jizọsị Kịrayịsị saakịma ḅụ. Miemẹ ḍumo wararị ḅiokpọmaye kẹ wamịna ḅụụ ḅio ḅinmam,

1 Jọnị 1:3

Wa ẹrị tẹ pịkị naa tẹ ye mẹ, wa ḍuko wasama ọmịnị sọ pịrịarị, mịẹtẹ ọ́ wamịnị na sọ tẹ wa Ḍaḅọ ḅe na ọ̀ Tụḅọ Jizọsị Kịrayịsị ḅe na nyanarị gbọrụ ḅụ sime mẹ nyana ḅẹ ḅara.

Mịẹfinji 2:15

Mị gbọrụ ḅara mẹ ḅụ, í ogboku ḅụ Nikolayịtanị apụ tolumaye mẹ ḍukamẹnjịarị apụ sọ paka tẹẹ.