Hiburu 1:4 - FỊAFỊA BAỊBỤLỤ

⁴ Tamụnọ ọ̀ Tụḅọ ḅe mịẹ tẹ ori enjẹlị ma nẹngịm opu ḅụ, anie ọ̀ kẹ ọ̀ pịrị ẹrẹ pịkị ịna nye nẹngị ḅara.

Hiburu 1:4 Iomraidhean Croise

Ẹfisọsị 1:21

Kịrayịsị anịanga sime tẹ ḅẹrẹtọn So-ḅio ḅẹ ḅẹrẹtọn-apụ na, kụrọ-ḅara ḅụ emi apụ na, kụrọ apụ na, kịnịnyanapụ mamgba na pịrịarị: ori ẹrẹ mị tomikiri mẹ na jen tomikiri na ḅẹrẹtọn kụrọ-ḅara ḅụ sime ḅarị apụ mamgba fị ẹrẹ ma nẹngịm.

Kọlọsị 1:18

Ori anie ori oju mẹ ḅẹ sịḅị, anie sọsị mẹ; oju mẹ ḅẹ ḍumo mẹ saakị paka-ḅoarị anga anie Orii. Ori anie tarị iyi Tụḅọ ḅe, Tamụnọ fịị ḅụ saakịma ḅọ ḅe, mịẹtẹ ye mamgba ḅụ ori tarịḅọ sọ ḅẹ ḅara.

Kọlọsị 2:10

anịsakị ori na gbọrụ ḅụ sime ḅụ Tamụnọ ḅintẹ ḍumo kẹ ọ́ pịrị tẹẹ. Ori anie tẹmẹ ḅụ ḅẹrẹtọn-arị tẹ kụrọ ḅara ḅụ sime ḅọ, sime ḅọ nẹngị opu sịḅịdaḅọ.

2 Tẹsalonịka 1:7

tẹ ọmịnị tọrụsiẹrịarị apụ ma ori anị feke-fekema ọ́ pịrị ḅa, pịkị wamịnị sọ. KỊNỊNYANAḄỌ Jizọsị ori opu enjẹlị apụ na So-ḅio sime tẹ ḅo tolu-sịẹ ḅarị sakị mẹ ḅụ mie ò miemẹ mịẹ ḅarịye,

Hiburu 1:9

Í kuraye ḅẹlẹma tẹ kura-aye ḍiki-ḅioḅuarị. Miemẹ anie Tamụnọ, ị́ Tamụnọ ḅe gotẹ ị́ sẹlẹ-ọkị yee, tẹ pịkị ị́ nyana kụn ḅụ ḅẹ ḅioḅẹlẹ mẹ mịẹtẹ anị ọ̀ kẹ ị́ jụ ḅẹ apụ ma pịrị ye nẹngị lama yee.”

Hiburu 12:17

Anịtẹso, ọ́ wẹrịtẹ nimi ḅara ḅụ ori ọ̀ ḍa ḅara boma nyana ḅẹ ḍọkịm, kụma ọ̀ ḍa ò dee-siinm, ọ̀ mịẹ ḅọrọ tẹ ye mẹ ḍima-ḍima ḅọkọ ḅarị ofori ẹrẹsị, tụkụmaye ori owu atọrụ ḅụ anị ḍọkịm ḅẹsọ.

Hiburu 2:9

Kụma wa ẹrịarị ye anie, Jizọsị, Tamụnọ mịẹtẹ boowa sakị kẹ iderima enjẹlị apụ nẹngị ḅọ ḅe, Tamụnọ ḍiki-ḅụụjịrị ḅụ, ḅo fịị ḅẹḅọ-ḅẹḅọ pịrị tẹẹ. Mịọkụ wa ẹrị tẹ mịnẹ Tamụnọ ebube na, kụn na, ama-da sun kẹ ò sure tẹ, ọ̀ fị ḅụ tọrụsiẹrị ye gotẹ.

1 Pita 3:22

anie so So-ḅio mu tẹ Tamụnọ ama-ḅara anga emi ḅọ ḅe, ori anie ḅẹrẹtọn enjẹlị mamgba na, So-ḅio ḅụ kụrọ ḅara ḅụ simearị apụ na, kụrọ ma na pịrịarị ḅọ.