Hiburu 1:3 - FỊAFỊA BAỊBỤLỤ

³ Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

Hiburu 1:3 Iomraidhean Croise

1 Paka-aị 29:11

Yei KỊNỊNYANAḄỌ gburo-gburo mẹ na, kụrọ mẹ na, ebube mẹ na, owu-ḅara-iḅi mẹ na, opu mẹ na í nyee; So ma ḅio na Kiri mẹ ḅio na simearị aị mamgba ị́ aị; ama-da mẹ í nyee, Yei KỊNỊNYANAḄỌ, anịsakị ị́yẹrị anie sịḅịdaḅọ tẹ saakị gele inweni-mgba nẹngị wararị ḅọ.

Jobu 37:22

Ọgọnọ-jụ mẹ ḅụ mie golu-golu iḅi ebube mẹ paka ḅoarị; Tamụnọ tẹmẹ-naịn-naịnma na-iḅi ama-da opu kẹ ọ̀ ḅụụ gbaịn wararị. Elihu piki ḅẹẹm:

Devidi-Anume 110:1

KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.”

Devidi-Anume 75:3

Tamụnọ tẹmẹ tẹ ḍumo wararị ye goyegoye oju sẹkịarị, tẹ kiri mẹ ḅioju sọ jikearị sọ, à mịẹ tẹ anị ḅẹ suku-saakị anga ma kụrọ-sịẹ sime ḅa.

Nimi Tolumaḅọ 8:4

Kẹ gotẹ ọkọ ḅẹẹarị, amadaḅọ ḅe ẹkwẹn-ḅịḅị mẹ anie ḍụḅatẹịn ye, anịsakị tụḅọ inetẹ ọ̀ ḅẹ ḅa, “Í tiye mịẹarị?”

Lẹvitikọsị 15:15

Tẹ agbamịẹḅọ gbọrụ ye kẹ si sin agba mịẹ tẹ osi ye kẹ dọkịma-agba mịẹ ḅa; anịsakị agbamịẹḅọ ḅe KỊNỊNYANAḄỌ ḅe tọrọkọ ḅụ si-wẹrịso pịrị ḅẹrẹ fama ọ̀ pịrị ḅa ọ̀ ḅụụ ḅụ sara paka-ḅo ye mẹ gotẹ.

Mayịka 5:4

Ò ḅo sakị, KỊNỊNYANAḄỌ ḅe ịnyọ mẹ ḅụ, KỊNỊNYANAḄỌ ọ̀ Tamụnọ ḅe ẹrẹ mẹ ḅẹ ama-da opu mẹ ḅụ, ọ̀ sịẹ sime tẹ ḅẹrẹtọn ori atomi pịrị ḅa. Anịsakị mị sakị mẹ, ò gburo-gburo mu tomikiri mẹ ḅẹ akunoma ma la ḅa, tẹ ori atomi kpaịn tẹ gberie-sọ ḅụụ la-a ḅara kẹ anga ḅa.

Matiyo 22:24

Ini mẹẹ, “Ye-tolumaḅọ, Mozizi ḅẹẹm, mịnẹ tomḅọ ẹrẹḅọ sime tẹ amụ árị na tụḅọ iyi-a tẹ fị-fịị, mḅọ iyimbere árị na sime tẹ awọ iyi tẹ kẹ fịị tẹ ḅọ ḅe ẹrẹ gotẹ.

Makị 16:19

KỊNỊNYANAḄỌ Jizọsị ḅe ini na ẹkwẹn fama tẹso, Tamụnọ ori ọkị iwo so mu tẹ ori ori ama-ḅara anga lẹgịm.

Jọnị 1:14

Ẹkwẹn ḅe ḅo tomḅọ sọm, tẹ wamịnị na angam, tẹ ḍiki-ḅụụjịrị na karakara na ọ̀ ḅụụ ḅio ḅinm. Wa ori ebube mẹ ẹrịm, anie Ḍaḅọ ḅe kpọkpọ gbọrụ Tụḅọ ḅara ḅụ ọ̀ nyana ebube mẹ.

Jọnị 1:29

Anị ḅẹ ene-ḅaa ḅụ Jọnị nwẹnị Jizọsị ẹrị ori ọ̀ dama-ḅoarị, tẹ Jọnị ḅẹẹm, “Anị ḅọ ḅe anie Tamụnọ Anana-tụḅọ ḅe tẹ tomikiri mẹ ḅẹ si mẹ saakị sin-arị ḅọ ḅe!

Jọnị 1:4

Ẹkwẹn ḅe ḅụụ ḅio anie ḍumo saakị paka-ḅo ye, tẹ mị ḍumo mẹ mie bele kẹ ḅo tomi pịrị yee.

Fịrịmẹnjịapụ 2:33

Tamụnọ, ọ̀ Ḍaḅọ ḅe, ọ̀ saakị iwoma mu ori ama-ḅara anga lama tẹ; ori pịkị, ò minini wa pịrị ḅara ḅụ, Tamụnọ ḅara Fịafịa Tẹmẹ ḅe da tẹ kẹ wa fịrịma tẹẹ. Mịọkụ ọmịnị ẹrị tẹ pịkị naarị ye mẹ anie ò ḍiepịrịye mẹ tẹ ọ̀ kẹ wamịna ọgọnọ ọsụma sara ye mẹẹ.

Fịrịmẹnjịapụ 7:56

Ọ̀ nwẹnị ḅẹẹ: “Ḍikii, arị ẹrịarị, so mẹ finji tẹ anị ḅio Jizọsị, Tomḅọ Tụḅọ ḅe, Tamụnọ ama-ḅara anga sịẹ wararị!”

Romu 1:16

À kpọma iḅi-oku mẹ ḅụ ḅiokpọ nyana lama wararị; anị anie Tamụnọ kẹ minini nyana apụ mamgba ḅọrọmarị kụrọ mẹ, tarị apụ, Juu-ḅẹ-apụ, na pịkị Ja asịẹ ḅẹ apụ sọ.

Romu 8:34

Tụḅọ ḅọrọ ḅẹrẹ-ḅarasii pẹlẹ ịn pịrị ḅẹ? Anị ḅọrọ Kịrayịsị tẹ fịị ḅọ ḅe mụnọọ? Ori ịn kọkọ fịị ḅụ ọ̀ saakịma tẹ ọ̀ Tamụnọ ama-ḅara anga sime tẹ wa ḍụarị.

2 Kọrịntị 4:4

In gotẹ minini-a ye anie mị tomikiri mẹ ḅẹ oru ḅe ịna akuroma kẹ kanakana ḅio wẹrị wararị. Ọ̀ ḍụkụ tẹ ịn ḅịya ịn saramarị bele mẹ ẹrị-a, anie Kịrayịsị ebube mẹ gboloma Iḅi-Oku mẹ ḅẹ bele mẹ. Kịrayịsị ḅe anie karakara ḅara kẹ Tamụnọ na kịkarị ḅọ ḅe.

Kọlọsị 3:1

Tamụnọ ọ́ kẹ Kịrayịsị na sụa saakịma ḍumo ḅụ suu tẹ, mie ḅụ, ọmịnị ọmịna aḅioḅẹngbọ kẹ So-ḅio simearị aị ḅụ gbanaa, anie Kịrayịsị amịna emine kẹ Tamụnọ ama-ḅara anga lẹgị wararị anga mẹ.

Tayịtọsị 2:14

Ọ̀ wa gotẹ ọ̀ ḅụụ saakị pịrịm, tẹ si-sịḅịḅio mẹmgba ḅụ wa pụkọ-pakamaḅo, tẹ wa mịẹtẹ wa kpaịntẹ atomi sọ tẹ sime ori kịngẹ pịrị, tẹ iḅiye ngẹrị mịẹ ḅẹ ḅio-sẹsẹ nyana.

Hiburu 1:13

Jene-jene, Tamụnọ amụ ori enjẹlị ma ḅẹ gbọrụḅọ-sọ ḅẹẹ-a: “Mịanga lẹgị ị̀ ama-ḅara anga, nwenii à si kẹ ị́ tọn apụ ma kẹ ị́ aḅụọ gbana ịkasiye sọma.”

Hiburu 10:12

Anị sime-ḅara, sime-ḅara sọ, Kịrayịsị si gotẹ mịẹ gbọrụ agba mẹ, anị kụrọ nyana mu ḅẹẹ-sakị ḅẹẹ-sakị laarị, anịtẹso ọ̀ nwẹnị Tamụnọ ama-ḅara anga lẹgị-sime.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 4:14

Ọkọẹrẹsị, ó yee wa kụrọma wa ḍuko finjiarị mininiye mẹ ọlọ sịẹma. Kẹ gotẹ ọkọ ḍukoarị, wa gbọrụ opu Sịḅịda-Agbamịẹḅọ nyana wararị, tẹ tolu-ḅọrọ mu gbọrsịḅị Tamụnọ tọrọkọ la tẹ ḅọ, Jizọsị, Tamụnọ Tụḅọ ḅe.

Hiburu 7:27

Ori osi Sịḅịda-Agbamịẹapụ ma kịka-a; ori ene-ḅaaene-ḅaaene amịna asi gotẹ agbamịẹ tẹrẹmẹ, ḅo pịkị tomi ma asi ma agbamịẹ ḅụụ-fụka nyana-a. Gbọrụ agba ngẹrị mie ọ̀ mịẹ tẹ kẹ arịmgba gbaịn ye, ori amịna ḅụụ kẹ mịẹ agba mẹ.

Hiburu 8:1

Wa ḍukoarị aị ma ḅẹ sịḅị anie, wa ọkọ sime gbọrụ Sịḅịda-Agbamịẹḅọ nyana wararị, tẹ So-ḅio simearị Opu Tamụnọ ḅe emine mẹ ḅẹ ama-ḅara anga lẹgị wararị.

Hiburu 9:16

Tomḅọ kẹẹ koroma ḍiri, tẹ mḅọ fịị sakị ịn kẹ mḅọ nyana wẹrị tẹ fịị aị mịẹ ḅẹ ḅara kẹ tọnma ḅụ: anị ọkọ paka tẹ ḅẹḅẹ, nimi ḅọ, nimi ḅo ḍuko ḅa mịnẹ karakara-ḅara-ḅụ tomḅọ ḅe fịị tẹ,

Hiburu 9:26

ọkọ namịna tomikiri mẹ bịan tẹmẹ kụra-ḅio ọ̀ tọnwa sakị kẹ tọrụsiẹrị tẹ. Anie nakara, mịọkụ tomikiri mẹ kunoma ḅẹ sakị mẹ ḅo kpeki tẹ mẹ, mie ọ̀ gbọrụ sakị mẹ kịngẹ kẹ paka-ḅo tẹ ọ̀ ḅụụ kẹ si sin ḅẹ agba mẹ mịẹ tẹ ye.

1 Pita 1:21

Ọ̀ ḅụụ mie ọ́ ḅọrọ tẹ Tamụnọ minini ye, anie fịị ḅụ ọ̀ saakịma tẹ ebube kẹ ọ̀ pịrị ḅọ ḅe; anie ḅụ, ọmịna minini na ḅiokpọ na Tamụnọ ḅụ sọ ḍiḅi wararị.

1 Pita 3:22

anie so So-ḅio mu tẹ Tamụnọ ama-ḅara anga emi ḅọ ḅe, ori anie ḅẹrẹtọn enjẹlị mamgba na, So-ḅio ḅụ kụrọ ḅara ḅụ simearị apụ na, kụrọ ma na pịrịarị ḅọ.

2 Pita 1:16

Wa tomi ḅarana kuroma ḅo ịlụkụ ḅụ sịrẹrẹ tẹ wa Nyanaḅọ Jizọsị Kịrayịsị opu ḅo mẹ ḍuko ọ́ pịrị-a. Wamịnị ḅarana tọrụngbọ kẹ ori opu mẹ ẹrịm.

2 Pita 1:17

Wa anịanga emi ogbo Tamụnọ Ḍaḅọ ḅe kụn na ebube na kẹ ọ̀ pịrịm, anie pọkọ mẹ Tẹịn Ebube ḅe ḅịḅị ḅụ ḅo ọ̀ la sakị mẹ, mịnẹ, “Ḅie ì iḅi Tụḅọ ḅe, mịẹye ị̀ ḅụụ-ḅẹlẹarị ḅọ ḅe.”

1 Jọnị 1:7

Kụma wa nwẹnị bele ḅio angarị ḅẹḅẹ — ori bele ḅio emi gbọrụ ḅara mẹ — anie ḅụ wa jụmọ-jụmọ na gbọrụ ḅụ sime, tẹ Jizọsị, Tamụnọ Tụḅọ ḅe, ọmbie mẹ si goyegoye ḅụ wa sịkịrị fịafịama ḅarịye.

1 Jọnị 3:5

Ó nimi wararị mịnẹ Kịrayịsị gotẹ tomikiri mẹ ḅụ tolu-sịẹ ye tomina asi sin, anịsakị ọ̀ ḅụụ ḅio gbọrụ si sọ ofori.

Judu 1:25

ori ngẹrị Tamụnọ ḅe, wamịna Ḅọrọmaḅọ ḅe, wa Nyanaḅọ Jizọsị Kịrayịsị ḅụ, ebube, ḅaka, opu, ḅẹrẹtọn-kụrọ na sime ọ̀ pịrịm, ḅọrọtẹ aḅụọ mamgba ḅụ, pịkị mịọkụ sọ, mu ḅẹẹ-sakị ḅẹẹ-sakị la! Amẹnị.

Mịẹfinji 3:21

Owu-ḅara-iḅi nyana apụ ma à kụrọ kẹ ịn pịrị tẹ ini ị̀ na palịa ḅa ì emine ọgọnọ ḅụ, anie yẹrị sọ owu-ḅara-iḅi nyana tẹ mịọkụ ị̀ Ḍa na palịa wararị ḅara, ori emine ọgọnọ ḅụ.

Mịẹfinji 4:11

“Wanyanaḅọ, pịkị wamịna Tamụnọ! Ị́ ebube na, kụn na, kụrọ na nyana gbẹẹm. Kẹ gotẹ ọkọ ḅẹẹarị, ị́yẹrị ye mẹmgba tẹmẹm, tẹ ị́ ḅụụ-ḅẹlẹm ẹrẹsị arịmgba emi tẹ ḍumoarị.”