Hiburu 1:2 - FỊAFỊA BAỊBỤLỤ

² kụma mịna kunoma ene ma ḅụ ori ọ̀ Tụḅọ ḅụ ḅọrọ tẹ ẹkwẹn wa pịrị tẹ. Ọ̀ ḅụụ mie Tamụnọ ḅọrọ tẹ bebe tomikiri mẹ na So-tọrụ simearị aị mamgba na tẹmẹ ye, ori anie Tamụnọ pịkị sẹlẹ-ọkị ḅọ ḅe mịnẹ kunoma ḅụ ye mamgba ò nye sọ.

Hiburu 1:2 Iomraidhean Croise

Suku-saakị 49:1

Anịtẹso Jekọbụ nwẹnị ori owiapụ-awọmẹ sịn tẹ ḅẹẹ, “Ọmịnị ọmịna aḅụụ kobiri gboloma mịẹtẹ à tọrọkọ-jụ ḅo ḅarị ene ma ḅụ ọmịna aḅụụ paka ḅẹ ye ḍuko ọ́ pịrị ḅarị ḅara.”

Ayịzaya 2:2

Tọrọkọ-jụ ḅo ḅarị ene ma ḅụ Tamụnọ-warị mẹ sịẹ wararị tụndụ mẹ tụndụ mamgba ḅụ geletẹịn ye sọ ḅa, sịẹ gele tụndụ mamgba ḅọrọ faa ḅa. Tọnwa asịẹ minji seri sọ ḅara kẹ gbii-gbiima anị dama-ḅo ḅa,

Ayịzaya 44:24

“Yẹrị anie KỊNỊNYANAḄỌ ḅee, ị́ ḅọrọmaḅọ; Yẹrị anie ị́ tẹmẹḅọ ḅee. Yẹrị anie KỊNỊNYANAḄỌ ḅe, ye mamgba Tẹmẹḅọ ḅee. Yẹrị ngẹrị So mẹ nụnụ finjimam à kiri mẹ tẹmẹ sakị, ḅarasụa gbọrụḅọ-sọ ofori.

Ayịzaya 45:12

Yẹrị anie kiri mẹ tẹmẹḅọ ḅe tẹ tomḅọ tẹmẹm ori anị yọ anga. Ị̀ kụrọ ḅụ à So mẹ finjima saram; Yẹrị ḅẹrẹtọn ịrụa mẹ na, akalụ mẹ na, lolia ma na pịrịarị.

Ayịzaya 45:18

KỊNỊNYANAḄỌ ḅe So ma tẹmẹm ori anie Tamụnọ ḅẹẹ! Ori kiri mẹ sime ḅẹ ḅara tọn tẹ anị mịẹm ori anị mịẹ tẹ anị kụrọ sịẹ tẹ sime alamarị. Ori anị mịẹ tẹ anị gberie-sọ anị ḅụ ofori ḅara sime-a, kụma kịnị sime tẹ anga ḅẹ yọ. Ori anie ḅẹẹarị ḅọ: Yẹrị anie KỊNỊNYANAḄỌ ḅee, anịsakị jen tamụnọ ofori.

Jerimaya 30:24

KỊNỊNYANAḄỌ ḅe owi ịganị mẹ ọḅụ da ḅịa nwenii ò ḅin tẹ ḅara kẹ ò ḅioḅẹngbọ ọ̀ tọn wẹrị aị ma mịẹ fama ḅa. Tọrọkọ-jụ ḅo ḅarị ene ma ḅụ anie ó mie fiearị ye naa ḅarịye.

Jerimaya 48:47

Kụma tọrọkọ-jụ ḅo-ḅarị ene ma ḅụ KỊNỊNYANAḄỌ ḅe mịẹ tẹ Mohabụ siin lọkọlọkọ ḅa. Mie-mẹmgba mie KỊNỊNYANAḄỌ ḅe ḍuko tẹ ye mịnẹ anị paka ḅa.

Izikẹlị 38:16

Í owu kẹ ị̀ atomi Izirẹlị paka ḅa tẹ anị erise fie amakiri mẹ saḅa-ḅọrọ ye kịka ḅa. Sakị ḅo sakị, arị ị́ fịrịma mu owu kẹ ị̀ amakiri mẹ paka ḅa, kẹ mịẹ tẹ sịẹ-sịẹ ma ì lekiri ḅẹ ḅara, kẹ à kịrị ḅele ḅara ḍie-pakama, àrị ị́ ḅụ ḅọrọ tẹ mịẹarị ye ḅụ.

Danẹlị 10:14

À ḅo tẹ mịẹ tẹ ị́ tọrọkọ-jụ ḅụ ị́ ị́ atomi ma ḅụụ paka ḅẹ ye fiearị ye naa ḅẹ ḅara. Mie mẹ anie tọrọkọ-jụ paka ḅẹ ye gboloma ịkịan.”

Danẹlị 2:28

Kụma gbọrụ Tamụnọ So-ḅio emi, tẹ ḅọịye mịẹfinjiarị ḅọ. Ọ̀ mịẹ tẹ í nimi tẹẹ, Í Opu Ḅụ, tọrọkọ-jụ paka ḅẹ ye. Mịọkụ à ḍawọ mẹ ḍuko ị́ pịrị ḅa, í monoarị ogbo ị́ ẹrị ịkịan mẹ.”

Hosiya 3:5

Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.

Mayịka 4:1

Ene ma ḅẹ gbọrụ ene ḅụ, anị giregire paka ḅa, KỊNỊNYANAḄỌ ḅe Tẹkẹ-warị mẹ sịẹ tụndụ mẹ, tụndụ mamgba ḅụ geletẹịn tụndụ sọ ḅa, sịẹ-sịẹ ḅẹ atomi mamgba, gbiri-gbirima anị sọma ḅo ḅa;

Kịẹn-aḅịḅị 24:14

Anịsakị mịọkụ ḍikii, à so ị̀ atomi ḍọkụma-muarị; ḅoo, à mịẹtẹ mịna atomi ma kẹ kunoma ene ma ḅụ ị́ atomi mịẹ ḅarịye í nimi ḅa.

Matiyo 13:39

anịsakị si kẹ ḍụọ mẹ nyanaḅọ ḅe tọn tẹ asịra ma kẹ mu ḍiḅi ḅọ ḅe anie Ekwesu ḅee. Ḍiḅi ye soku sakị mẹ anie tomikiri mẹ ḅẹ kunoma mẹ, tẹ ḍiḅi aị soku fịrịmẹnjịapụ ma anie enjẹlị apụ.

Matiyo 17:5

Ori ẹkwẹn-arị ogbo mie pịna-pịna oḅuto ḅo ịn gbaịn ye, tẹ oḅuto mẹ ḅio gbọrụ pọkọ nwẹnị ḅẹẹ, “Ḅie ị̀ iḅi Tụḅọ ḅe, ọ̀ mịẹye ị̀ ḅụụ ḅẹlẹm, ọmịnị ò pokii!”

Matiyo 21:38

Kụma ḍụọ mẹ ọkọ-apụ ma tụḅọ ḅe ẹrị sakị ini ịna aḅụụ ḅẹẹm, ‘Ḅieḅe anie ye mẹ nyanaḅọ tụḅọ ḅe; ó ḅoo, yee wa ọ̀ ḅaa, anịsakị ye mẹ wamịna nye sọ ḅa!’

Matiyo 26:63

Kụma Jizọsị nwẹnị gbọsime. Sịḅịda-Agbamịẹḅọ ḅe nwẹnị siin ẹkwẹn ọ̀ pịrị, “Mịọkụ à ḍumo wararị Tamụnọ ḅe ẹrẹ kẹ ye kẹ ị́ karị tẹ: ḍuko wa pịrị, ị́yẹrị Mẹsaya, Tamụnọ Tụḅọ ḅe ḅẹḅẹ.”

Matiyo 28:18

Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.

Matiyo 3:17

Anịtẹso gbọrụ pọkọ nwẹnị So-ḅio sime tẹ ḅẹẹ, “Ḅie ì ḅẹlẹma Tụḅọ ḅee, ọ̀ ḅụụ à ḅioḅẹlẹ nyanam.”

Makị 1:1

Mie Jizọsị Kịrayịsị, Tamụnọ Tụḅọ ḅe gboloma Iḅi-Oku mẹ.

Makị 12:6

Ngẹrị kọn tẹ kẹ fịrịma ḅẹ ḅọọ anie tomḅọ ḅe ḅụụ yela gbọrụ owiḅọtụḅọ. Ọkọẹrẹsị arịmgba ḅẹ kunoma ḅụ, ori ọ̀ tụḅọ ḅe kẹ ḍụọ ọkọ-apụ ma fịrịmam. Ori mẹẹ, ‘À nimi wararị ini ị̀ tụḅọ ḅe kụn ḅa.’

Makị 12:7

Kụma anị ḍụọ ọkọ-apụ ma nwẹnị jụmọ-jụmọ ḅẹẹ, ‘Ḅie ye nyanaḅọ ḅe tụḅọ ḅe. Ó ḅoo, yee wa ọ́ ḅaa, anịsakị ḍụọ mẹ wamịna nye sọ ḅa!’

Jọnị 1:10

Ẹkwẹn ḅe tomikiri mẹ ḅio simem, tẹ ọ̀ ḅụụ ḅụ Tamụnọ ḅọrọ tẹ tomikiri mẹ tẹmẹm ḅẹsọ, tomikiri mẹ ò lekiri-a.

Jọnị 1:14

Ẹkwẹn ḅe ḅo tomḅọ sọm, tẹ wamịnị na angam, tẹ ḍiki-ḅụụjịrị na karakara na ọ̀ ḅụụ ḅio ḅinm. Wa ori ebube mẹ ẹrịm, anie Ḍaḅọ ḅe kpọkpọ gbọrụ Tụḅọ ḅara ḅụ ọ̀ nyana ebube mẹ.

Jọnị 1:3

Tamụnọ ọ̀ ḅụụ ḅọrọ tẹ ye mamgba tẹmẹm. Ori ofori tẹ tẹmẹ gberie-sọ ofori.

Jọnị 13:3

Jizọsị nimim mịnẹ Ḍaḅọ ḅe kụrọ kẹ ọ̀ pịrị gbasịma tẹ; ọ̀ pịkị nimim Tamụnọ ḅụụ ò sime tẹ ḅom, tẹ pịkịma so Tamụnọ ḍọkụma-muarị.

Jọnị 13:32

Tẹ tomi ọ̀ ḅụụ ḅọrọ tẹ Tamụnọ ebube mẹ ẹrị tẹ ḅẹḅẹ, Tamụnọ ḅe sọ Tomḅọ Tụḅọ ḅe ebube mẹ ḍie-pakama ḅa ọ̀ ḅụụ ḅụ, tẹ mị gbọrụ sakị ori anị mịẹ ḅa.

Jọnị 15:15

À ḅarị jen kẹ fịrịmẹnjịapụ kẹ ọ́ sịn ḅịa, gbala fịrịmẹnjịḅọ ọ̀ sịḅịdaḅọ mịẹarị ye nimi nimi-a. Anie nakara ikiapụ mie à kẹ ọ́ sịn ḅarị ye, ị̀ Ḍa ḅe ḍuko ị̀ pịrị ye tẹ à ḍuko ọ́ pịrị-a ye ofori ẹrẹsị.

Jọnị 16:15

Ị̀ Ḍa ḅe nyana ye, nyana ye ì nye, anie mie à gotẹ ḅẹẹ ye mịnẹ Tẹmẹ ḅe à kẹ ọ̀ pịrị ḅarị ye ọkị ḍuko ọ́ pịrị ḅa.

Jọnị 17:2

Gbala ị́ kụrọ kẹ ọ̀ pịrịm tomḅọ goḅọ-goḅọ ḅụ, mịnẹ ò sime gbamaso ḍumo kẹ saakị ọ̀ pịrị tẹ apụ mamgba pịrịị.

Jọnị 3:16

Tamụnọ kẹ tomikiri mẹ ḅẹlẹma la ḅara mịẹtẹ ori ọ̀ kpọkpọ gbọrụ Tụḅọ ḅe saakị pịrịm, tẹ ọ̀ ḅụụ minini nyana ḅọ, nyana ḅọ, ḅarị fịị fa ḅịa tẹ sime gbamaso ḍumo nyana ḅẹ ḅara.

Jọnị 3:25

Jọnị ḍukamẹnjịapụ na Juu-ḅẹ gbọrụḅọ na nwẹnị ini ama-anganga-ḅara ḅụ ḅụụ sịkịrị fịafịama mịẹye gotẹ ye-nụnụa.

Jọnị 5:26

Ḍumo Ḍaḅọ ḅe ḅioju ḅụ sime tẹ paka-ḅoarị ḅara anị gbọrụ ḅara mie Tụḅọ ḅe ḅụ sọ ḍumo paka-ḅoarị ḅara.

Jọnị 5:27

Tẹ ọ̀ ḅẹrẹkọn kụrọ mẹ saakị Tụḅọ ḅe pịrị tẹ, ori Tomḅọ Tụḅọ ḅe ẹrẹsị.

Jọnị 9:29

Wa nimim Tamụnọ ẹkwẹn Mozizi pịrịm, nwẹn ḅẹẹ Jizọsị ḅe kịngẹ kụma, anị sime-ḅara sime-ḅara sọ, ò ḅo anga tọ-anga-o tọ-anga-o, wa nimi-a!”

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

Fịrịmẹnjịapụ 2:17

Tamụnọ mẹẹ, “Miemẹ anie à mịẹ ḅarịye, kunoma ene ma ḅụ: à ḅaka ḅara kẹ ị̀ Tẹmẹ kẹ tomḅọ nwẹn-sịn ḅọ sịn ḅọ ḅụụ ḅio su ḅa.” Ọmịna owiapụ-awọmẹ na eremịna-awọmẹ na ì oku mẹ ḍuko wasama ḅa; ọmịna asambịrịma awọmẹ ma ịkịan ẹrị ḅa, tẹ omongiapụ ma ḍawọ kọn ḅa.

Romu 1:4

kụma Tamụnọ kịka fịafịa sime-ḅara ḅụ, Tamụnọ fịị ḅụ ọ̀ saakịma tẹ opu kụrọ ḅụ ḍie-pakama tẹ mịnẹ ori Tamụnọ Tụḅọọ.

Romu 8:17

Wamịnị ori awọmẹ ḅẹ sakị, ọ̀ kẹ ori atomi wẹrịma aboma ma ḅụ wamịnị sọ ḍiekiri nyana ḅa; wa Kịrayịsị na sọ tẹ tọrụsiẹrị ḅẹḅẹ, wa pịkị ori ebube ḅụ ḍiekiri nyana ḅa.

1 Kọrịntị 2:7

À ḍuko wasamarị nimi mẹ anie Tamụnọ nimi tẹ tarị ḅụ kikima sime tẹ tomi nimi-a ye mẹ, anie tomikiri mẹ amụ tẹmẹ-a kụra-ḅio Tamụnọ kẹ wa pịrị ḅẹ tẹ tọn wẹrị ebube mẹ.

1 Kọrịntị 8:6

sọ, wamịnị kịngẹ kụma kpọkpọ gbọrụ Tamụnọ ngẹrị mie wa nyana ye, anie Ḍaḅọ ḅe tẹ ye mamgba Tẹmẹ ḅọ ḅe, tẹ wa pịkị ḍumo pịrịarị ḅọ ḅe; tẹ kpọkpọ gbọrụ KỊNỊNYANAḄỌ kịngẹ mie emi ye, anie Jizọsị Kịrayịsị, ḅụụ ḅụ ye mamgba ḅọrọtẹ tẹmẹ tẹ, wa pịkị ḅụụ ḅụ angarị ḅọ ḅe.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,

Ẹfisọsị 1:10

Sakị mẹ ḅo la sakị, miemẹ tẹ Tamụnọ tọn wẹrị ye mẹ, ori anị mịẹ busunuma ḅa, aniemẹ anie, tẹmẹ ye-mẹmgba kẹ ḅo gberie mịẹ, So-ḅio sime ye-o, tomikiri ọgọnọ sime ye-o, tẹ Kịrayịsị nwẹnị sịḅị daa.

Ẹfisọsị 3:9

tẹ pịkị mịẹtẹ tomi mamgba Tamụnọ tọn koroma tẹ, kikima sime ye mẹ ẹrị mẹ, ḅo mịẹ tẹ ye sọ ḅẹ ḅara. Tamụnọ, ye mamgba Tẹmẹḅọ ḅe, ọ̀ tọn tẹ kikima wẹrị ye mẹ ḅọrọ tẹ aḅụọ mamgba ḅụ,

Ditẹrọnọmị 18:15

KỊNỊNYANAḄỌ ọmịna Tamụnọ ḅe ì pembe gbọrụ ịkịankoroḅọ saakị pakama-ḅo ọ́ pịrị ḅa ọmịna ogbo-ḅio, ọmịna amịnapụ ma ḅụ ori mie ó poki ḅarịye.

Ditẹrọnọmị 31:29

Kẹ gotẹ ọkọ ḅẹẹarị, à nimi wararị mịnẹ, à fịtẹ so sakị ọ́ tụkụma ḅara ḅụ ó sime iḅi ḅara mẹ sima ḅara kẹ ye mịẹ ḅa; tẹ etela mẹ tẹ à tọn ọ́ pịrị ye mẹ ḅụ vuunma tọrụ pịkị akaka da ḅa; anịsakị ḅo ḅarị ene ma ḅụ siye ḅo ọmịna ọgọnọ gbana ḅa, gbala ọ́ KỊNỊNYANAḄỌ ḅe ḍiki-tọrụ ḅụ aniemẹ tẹ siye mịẹ ḅa ẹrẹsị, tẹ ọmịna aḅara ḅẹ kọrịnama ḅụ ori ịganị sịn saakị ḅa.

Ditẹrọnọmị 4:30

Ọ́ ḅụụ-fụka ḅio sọ, tẹ mịna aị ma kunoma ene ma ḅụ ḅo ọmịna ọgọnọ gbana sakị, ọ́ pịkịma KỊNỊNYANAḄỌ ọmịna Tamụnọ ḅe ḍọkụma-ḅo tẹ ọ̀ pọkọ poki ḅa,

Hiburu 1:5

Kẹ gotẹ ọkọ ḍukoarị, jene-jene, Tamụnọ amụ enjẹlị ma ḅẹ gbọrụḅọ-sọ ḅẹẹ-a, “Ị́yẹrị anie ị̀ Tụḅọọ; mịmgba àrị ị́ Ḍa sọ tẹẹ.” Anịsakị Tamụnọ amụ pịkị gbọrụ enjẹlị sọ gbolomaye ḅụ ḅẹẹ-a, “Àrị ọ̀ Ḍa sọ ḅa, tẹ ori pịkị ị̀ Tụḅọ sọ ḅa.”

Hiburu 1:8

Tụḅọ ḅe gbolomaye kịngẹ kụma, Tamụnọ mẹẹ: “yei, Tamụnọ, ị́ ama-da tẹ ḅẹrẹtọn mu ḅẹẹ-sakị ḅẹẹ-sakị la ḅa! Inoma ofori ḅara mie ị́ kẹ ḅẹrẹtọn ị́ atomi ma pịrịarị.

Hiburu 11:3

Minini ḅụ mie wa ḅọrọ tẹ nimi ye, mịnẹ Tamụnọ ẹkwẹn-ḅịḅị kẹ so na kiri na tẹmẹm, mịẹtẹ tọrụngbọ inetẹ ẹrịarị aị ma ḅo tọrụngbọ inetẹ ẹrị-a aị ma ḅụ ḅọrọ tẹ tẹmẹ-aị sọ tẹ.

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Hiburu 3:6

Kụma Kịrayịsị ḅe, warị mẹ Nyanaḅọ Tụḅọ ḅara mie ọ̀ kẹ warị mẹ ḍikiḍikiarị ḅọ ḅara kẹ ḅioḅẹngbọ-kẹ-sịrẹrẹ-niḅi ḅọ ḅara mẹ kẹ Tamụnọ warị mẹ ḅio sime ye. Wamịnị ma anie ọ̀ warị mẹ, wa nwẹnị ḅalafa-a ḅara kẹ wamịna ḅiokpọmaye mẹ ọlọ-sịẹma tọrọkọ mu kụma.

Hiburu 4:14

Ọkọẹrẹsị, ó yee wa kụrọma wa ḍuko finjiarị mininiye mẹ ọlọ sịẹma. Kẹ gotẹ ọkọ ḍukoarị, wa gbọrụ opu Sịḅịda-Agbamịẹḅọ nyana wararị, tẹ tolu-ḅọrọ mu gbọrsịḅị Tamụnọ tọrọkọ la tẹ ḅọ, Jizọsị, Tamụnọ Tụḅọ ḅe.

Hiburu 5:8

Karakaraye, ori Tamụnọ Tụḅọ sọ, tọrụsiẹrị ḅụ mie ọ̀ ḅọrọ tẹ ḅịḅịpoki ḍawọ ḅo ye.

Hiburu 7:28

Mozizi Oloko mẹ la-a atomi tọn-arị ịn Sịḅịda-Agbamịẹapụ sọ; kụma Tamụnọ karị tẹ minini ye mẹ, anie Oloko mẹ ḅọrọ tẹrẹmẹ ḅo ye mẹ, Tụḅọ ḅe tọnm, anie Tamụnọ mịẹ tẹ laa gbamaso tẹ ḅọ ḅe.

Hiburu 7:3

Mẹlịkizẹdẹkị ḅe ọ̀ ḍa, anịanịa ò iyingi, anịanịa ọ̀ paka-furo ḅẹ gbọrụḅọ-sọ gbolomaye kẹẹ koro anga ofori; ori ḅẹ iyi, anịanịa fịị, gbolomaye sọ ḍiri ḅio ofori. Ọ̀ kịkarị ḅọ anie Tamụnọ Tụḅọ ḅee, ori agbamịẹḅọ sọ gbamasom.

Hiburu 9:26

ọkọ namịna tomikiri mẹ bịan tẹmẹ kụra-ḅio ọ̀ tọnwa sakị kẹ tọrụsiẹrị tẹ. Anie nakara, mịọkụ tomikiri mẹ kunoma ḅẹ sakị mẹ ḅo kpeki tẹ mẹ, mie ọ̀ gbọrụ sakị mẹ kịngẹ kẹ paka-ḅo tẹ ọ̀ ḅụụ kẹ si sin ḅẹ agba mẹ mịẹ tẹ ye.

1 Pita 1:20

Tamụnọ ọ̀ sẹlẹ koroma wẹrịm tomikiri mẹ amụ tẹmẹ-a ogbo, tẹ ó gotẹ ori ọ̀ pakama-ḅo tẹ mịna kunoma ene ma ḅụ.

2 Pita 3:3

Arịmgba ḅụ tarị ye, ó nimii mịnẹ mịna kunoma ene ma ḅụ, ja atomi tẹ, amịna meni-oju sọlịmarị aị ḅẹrẹtọn pịrịarị apụ, tolu-sịẹ ḅa. Ini ó kombo ḅa

Judu 1:18

Ini ọ́ ḅẹẹm, “Kunoma ene ma ḅo sakị, ó kombo ḅẹ apụ tolu-sịẹ ḅa, Tamụnọ bala-a tẹ amịna tẹmẹ ịgbanịarị aị ḍukamẹnjịarị apụ.”