Hiburu 1:13 - FỊAFỊA BAỊBỤLỤ

¹³ Jene-jene, Tamụnọ amụ ori enjẹlị ma ḅẹ gbọrụḅọ-sọ ḅẹẹ-a: “Mịanga lẹgị ị̀ ama-ḅara anga, nwenii à si kẹ ị́ tọn apụ ma kẹ ị́ aḅụọ gbana ịkasiye sọma.”

Hiburu 1:13 Iomraidhean Croise

Devidi-Anume 110:1

KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.”

Devidi-Anume 132:18

À mịẹ tẹ ḅụụ-jịrị si kẹ ọ̀ tọn apụ ma gbaịn ḅa, kụma ori ama-da yọ mẹ lolo tẹ ḍụḅa tọrọkọ-tọrọkọ mu ḅa.”

Matiyo 22:44

“KỊNỊNYANAḄỌ ḅe ị̀ Nyanaḅọ ḅe ḅẹẹm: ‘Ị̀ ama-ḅara anga lẹgị-sime nwenii àrị ị́ na fịya-a apụ ma kẹ ị́ aḅụọ suku-ḅio suu.’ ”

Makị 12:36

Fịafịa Tẹmẹ ḅe Devidi tẹmẹ jike tẹ ọ̀ ḅẹẹm: “KỊNỊNYANAḄỌ ḅe ị̀ Nyanaḅọ ḅe ḅẹẹm: Ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ suku-ḅio suu sakị la.”

Luku 19:27

Ndẹẹ mịanga sime tẹ ì ḍiki-ḅioḅu tẹ ḅẹẹm yẹrị ḅarị ama-dama ḅẹẹ apụ ma? Ọmịnị ịn fọnọ pakama-ḅo tẹ ịn ḅaa ị̀ tọrọkọ!’ ”

Luku 20:42

Devidi ḅioju sọ kọkọ nume ḍiri ḅio ḅẹẹ, “KỊNỊNYANAḄỌ ḅe ị̀ Nyanaḅọ ḅe ḅẹẹm: Ị̀ ama-ḅara anga lẹgịị mịanga,

Fịrịmẹnjịapụ 7:55

Kụma Fịafịa Tẹmẹ ḅe Sitivini ḅụụ ḅio ḅin ḅara ḅụ ọ̀ nwẹnị tọrụ saakị so ḍiki tẹ Tamụnọ ebube ẹrị; ọ̀ pịkị Jizọsị ẹrịm ọ̀ Tamụnọ ama-ḅara anga sịẹ wararị.

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.

Jọsụwa 10:24

Ini arị amadapụ ma pakama-ḅo tẹ ini ọkị-ḅo Jọsụwa pịrị tẹso, Jọsụwa nwẹnị Izirẹlị ḅẹ owiapụ mamgba sịn ḅo kobiri, tẹ owu-akọnịapụ ma sịḅịdapụ ma tẹ ori na mu apụ ma ḅẹẹ, “Ọ́ sọma-ḅo kpekii, ọmịnị ọmịna aḅụọ kẹ mịna amadapụ ma akọngọ nanga sịẹma,” Anịtẹso ịn nwẹnị sọma-ḅo kpeki tẹ ịna aḅụọ kẹ ịna akọngọ nanga sịẹma.

Mịẹfinji 20:15

Ḍumo wararị apụ ma ḍiri mẹ ḅio ẹrẹ ofori ḅọ, ofori ḅọ ini mḅọ kẹ kọrị-fịnị tọrụ mẹ ḅio gbin suum.