Hiburu 1:12 - FỊAFỊA BAỊBỤLỤ

¹² Ị́ kapa iko ḅara kẹ arị iko ḅa, tẹ arị ḍima fama ḅa, ịn kapa ḍima ḅara. Kụma ị́yẹrị, sakị mamgba gbọrụ ḅara mẹ mie í simearị ye, anịsakị í ḍumo pịkị kunoma nyana-a.”

Hiburu 1:12 Iomraidhean Croise

Jobu 36:26

Ḍikii, Tamụnọ gburo-gburo wararị, tẹ wa ò nimi-a; ọ̀ sịḅị ḅọrọtẹ akụra ḍọkị pakama-ḅo ḅo ọkụ ofori.

Devidi-Anume 90:4

Ị́ ḅụụ ḅụ kụra maa ẹndẹ oyia asi finji gbọrụ ene kịkarị; gbala ḅịẹịn ọkụ, ḅọrọ so tẹ ye mẹ, ḍin ḅẹ naa-saakị mẹ ḅẹ boowa sakị mẹ ọkụ.

Paka-so 3:14

Tamụnọ nwẹnị Mozizi ḅẹẹ, “YẸRỊ Anie YẸRỊ.” Tẹ ọ̀ nwẹnị ḅẹẹ, “Miemẹ ḍuko Izirẹlịapụ ma pịrịị, ‘ịn kẹ YẸRỊ sịn ḅọ ḅe ị̀ kẹ ọ́ fịrịmam.’ ”

Ayịzaya 38:12

Ì ḍumo pẹlẹ-so tẹ kunomam, Akpụrụ-warị paịn-sara ḅara, Ḅịtẹ pẹlẹ-siin ḅara ḅịtẹ ḍoriye ḅụ. À kuromam Tamụnọ ì ḍumo kẹ ḅo kunoma lamarị.

Jọnị 8:58

Jizọsị nwẹnị pakịrị, “À karakara mẹ ḍuko ọ́ pịrịarị, tẹrẹmẹ Ebira-amụ iyi ‘Àrị Emi.’ ”

Hiburu 13:8

Jizọsị Kịrayịsị ḅe ḅịẹịn ò sime-ḅara mie mịmgba sọ ò sime-ḅara, tẹ ọ̀ pịkị ọkọ sime mu ḅẹẹ-sakị ḅẹẹ-sakị la ḅa.

Jemụsị 1:17

Iḅi ye pịrị ḅara goyegoye na, iḅi ḍiepịrịye goyegoye na So-ḅio ḅoarị; Tamụnọ, So-ḅio ḅẹ abele ma Tẹmẹḅọ, tẹ ḍima ḍima-a ḅọ ḅe, anịanịa vuunma pịkị tẹ kanakana pakama-a ḅọ ḅe, ḅara ḅụ mie anị sime tẹ koro-ḅoarị.