Hiburu 1:11 - FỊAFỊA BAỊBỤLỤ

¹¹ Ini ịmaịn-faa ḅa, kụma Ị́yẹrị í sime ḅa; kapa sụa nwenii tẹ anị ḅuu tẹ kaan faa ḅara, anie inimgba faa ḅarị ḅara.

Hiburu 1:11 Iomraidhean Croise

Devidi-Anume 10:16

KỊNỊNYANAḄỌ ḅe ama-da mu ḅẹẹ-sakị ḅẹẹ-sakị laarị; Oru-atamụnọ tẹkẹarị apụ ma Tamụnọ amakiri mẹ ḅụ ịmaịn faa ḅa.

Devidi-Anume 102:26

Kịnị ḅarị arị ẹrị ḅịa, kụma ị́ paa emii; arịmgba ḅịtẹ ịnwaịn kaan ḅara kẹ ḅọrọ so ḅa. Ị́ arị wakị nguma ḅa tomḅọ ḅarị ịnwaịn-a ḅịtẹ ọkụ, tẹ arị ịmaịn-faa ḅa.

Devidi-Anume 29:10

KỊNỊNYANAḄỌ ḅe ḅẹrẹtọn opu owolo aminji ma pịrịarị, Ori ama-da mu ḅẹẹ-sakị ḅẹẹ-sakị laarị.

Devidi-Anume 90:2

Tẹrẹmẹ ị́ tụndụ ma tẹmẹ anịanịa mịẹ tẹ tomikiri mẹ paka-ḅo tẹ sime, ị́yẹrị sime gbamaso Tamụnọọ, tẹ ị́ Tamụnọ sọ nwenii gbamaso la ḅa.

Ayịzaya 34:4

Ịrụa mẹ na, akalụ mẹ na, lolia ma na kọrị sara tẹ fọọn sọ ḅa. So-tọrụ mẹ kịnị ḅarị ẹrị ḅịa, anị abịlala kịka tẹ iko iwo ḅa, tẹ lolia ma ḅịkị koro ḅa, gbala ịnyịnya kụrọ sịn, anịanịa figi sịn, ḅụ siin-sara ḅara.

Ayịzaya 41:4

Tụḅọ mịẹ tẹ miemẹ paka? Tomikiri ḅẹ atomi ogboku ḅụ ye mịẹ-mịẹ ḅọrọarị ḅara mẹ tọn-pẹlẹ ḅọ tụḅọ? Yẹrị, KỊNỊNYANAḄỌ ḅẹ, ye suku-saakị ḅụ à simem, tẹ yẹrị, KỊNỊNYANAḄỌ ḅe, pịkị sime ḅa kunoma ḅụ.

Ayịzaya 44:6

KỊNỊNYANAḄỌ, ḅẹrẹtọn Izirẹlị pịrị, pịkị à gbaịn-arị ḅọ ḅe, Kụrọmamgba nyana KỊNỊNYANAḄỌ ḅe ḅẹẹm: Yẹrị anie Tarị, pịkị Kunoma, kpọkpọ gbọrụ Tamụnọ ḅẹ; jen tamụnọ ofori, kụma yẹrịị.

Ayịzaya 50:9

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅarana ị̀ ḍụarị, ọkọ kụma ndẹẹ inetẹ ḅẹrẹ ị̀ ḅara siinm ḅẹ ye ḍuko pakama ḅẹ ḅọ? Ḅẹrẹ kẹ ị̀ sịḅị sẹịn-arị apụ mamgba kịnị ḅarị ini ẹrị ḅịa. Ini ịmaịn-faa ḅa akarakaraḅa pẹị sin tẹ ḅịtẹ ọkụ.

Ayịzaya 51:6

Ọ́ tọrụ saakị So ḍikii; ó kiri mẹ ḍikii! Kịnị ḅarị So mẹ ẹrị ḅịa, onwin kaan so ye ọkụ. Kiri mẹ elemutẹ kapa kịka tẹ sịkịrị-faa ḅa, tẹ tomi mamgba ọmọmọ kịka tẹ fịị sara ḅa. Kụma arị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ kunoma ye sọ ḅa.

Ayịzaya 51:8

ini ịmaịn ḅarị ḅara akarakaraḅa pẹị siin tẹ ḅịtẹ kịka ḅa! Kụma àrị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ sime mu ḅẹẹ-sakị ḅẹẹ-sakị la ḅa.”

Ayịzaya 65:17

KỊNỊNYANAḄỌ ḅe mẹẹ, “Arị ịwọ tomikiri na ịwọ So na tẹmẹarị. Ḅọrọtẹ sakị ḅụ paka aị mamgba ḅioḅọrọma tẹ aị sọ fama ḅa.

Matiyo 24:35

So na Kiri na ḅọrọ so ḅa, kụma ị̀ ẹkwẹn ma gbala-gbala ḅọrọ so ḅịa gbamasom.

Makị 13:31

So na Kiri na ḅọrọ-so ḅa, kụma ị̀ ẹkwẹn ma gbala-gbala ḅọrọ-so ḅịa.

Luku 21:33

So na Kiri na ḅọrọ-so ḅa, kụma ị̀ ẹkwẹn ma ḅọrọ so ḅịa gbamasom.

Hiburu 12:27

Ẹkwẹn mẹ, “pịkị sin”, banabana ḅara kẹ wa ḍiearị mịnẹ ịn Tamụnọ tẹmẹ-aị ma jike tẹ arị saakị sin ḅa arị sime kiri ḅụ, mịẹtẹ inetẹ jike-a aị ma kirikọn ḅarị ḅara.

Hiburu 8:13

Ịwọ ọḅọkụ ḅẹrẹ ḍuko ḅụ, Tamụnọ tarị ye mẹ kẹ elemu ye mịẹ tẹ; anịsakị elemu tẹ ḅarị mịẹye ḅụ sọ-a ye goyegoye ḅarị sime tẹ kịnị ẹrị ḅịa.

Mịẹfinji 1:11

Anị mẹẹ, “Ị́ ẹrị ye kẹẹ koroma, tẹ ḍiri mẹ kẹ mịna sọnọma opu ama ma ḅẹ asọsị ma fịrịmaa: Ẹfisọsị na, Simana na, Pagamọmụ na, Tayatira na, Sadisi na, Fịladẹlịfịya na, pịkị Lahodisiya na.”

Mịẹfinji 2:8

“Mị ḍiri mẹ kẹẹ tẹ kẹ Sịmayịna ḅẹ sọsị mẹ ḅẹ enjẹlị ḅe fịrịmaa: “Mie Suku-saakị pịkị kunoma ḅe ḅara ḅo oku mẹ, fịtẹ pịkị sin ḍumo ḅọ ḅe.

Mịẹfinji 20:11

Anịtẹso à pịna-pịna emine na anị ọgọnọ lẹgị ḅọ ḅe na ẹrịm. Tẹ So na Kiri na ọ̀ tọrọkọ mangị faam, tẹ kịnị ḅarị jen kẹ arị ẹrị-a.

Mịẹfinji 21:1

Anịtẹso à nwẹnị ịwọ So na ịwọ Kiri na ẹrị. Tarị sime So mẹ na Kiri mẹ na kịnị ḅarị ẹrị-a, tẹ abajị mẹ sọ mẹnịma-faam.