Hiburu 1:10 - FỊAFỊA BAỊBỤLỤ

¹⁰ Ọ̀ pịkị ḅẹẹm, “Ị́yẹrị, KỊNỊNYANAḄỌ, sukuyọ-saakị ḅụ tomikiri mẹ tẹmẹm, tẹ ị́ pịkị ḅarana ị́ aḅara ma kẹ So ma sọ mịẹm.

Hiburu 1:10 Iomraidhean Croise

Suku-saakị 1:1

Suku-saakị ḅụ Tamụnọ So ma na Kiri mẹ na tẹmẹ sakị,

Devidi-Anume 19:1

So-tọrụ mẹ banabanama Tamụnọ ebube ḍie-pakamarị! Anị mịẹ tẹ tomi giregirema ọ̀ kọrị tẹ aị ma ẹrịarị!

Egberima-Ẹkwẹn 8:29

tẹ tọnm tọrụ mẹ ḅẹ aminji ma iwo ori ḅẹẹ ḅara nẹngị ma. À simem ò tomikiri mẹ ḅẹ asuku ma saakị sakị.

Ayịzaya 40:12

Tomḅọ inetẹ amịna ḅara-kuḅu kẹ bọlị ḅara kẹ abajị ḅio simearị minji mẹ tọn ḅẹ; anịanịa ḅara ẹnzụ kẹ So-tọrụ ḅẹ finjima mẹ tọn nimi ḅẹ? Tomḅọ inetẹ kiri mẹ ḅẹ lịka mẹ kẹ gbọrụ bọlị ḅio sụa ḅẹ anịanịa tụndụ ma na gele akiri ma na ḅẹ iku kẹ ye-tọnye ọgọnọ gbana tẹ tọn nimi ḅẹ?

Ayịzaya 42:5

Tamụnọ So-tọrụ mẹ tẹmẹ tẹ anị kẹ anị finji mu la anga lamam; Ori tomikiri mẹ na anị ọgọnọ angarị aị mamgba na mịẹm; Ori ḍumo na ọwụ-sara na kẹ ori atomi pịrịm. Tẹ mịọkụ KỊNỊNYANA-TAMỤNỌ ḅe ọ̀ fịrịmẹnjịḅọ ḅẹẹarị,

Ayịzaya 48:13

Ị̀ aḅara kiri mẹ suku-saakịm tẹ pịkị So ma nụnụ finjimam. À Kiri na So na sịn kụma, anị-gbọrụ-kirikiri in tolu-pakarị ị̀ tọrọkọ.

Ayịzaya 51:13

Ọ́ tẹmẹ KỊNỊNYANAḄỌ ḅe ọmịnị ọ̀ kẹ ḅioḅọrọma tẹ, anie So ma nụnụ finjima tẹ kiri mẹ suku-saakị ḅọ ḅe? Ó tiegotẹ sakị mamgba ḅalafa ḅara kẹ ḍumo kọn ḅẹ ó ponomarị apụ ma owi-ịganị ḅụ, tẹlẹma tẹ ọ́ ḅaa guluguluma ḅẹ-yearị apụ ḅụ? Ịna owi-ịganị mẹ ḅarị jen kẹ ọ́ la ḅịa.

Ayịzaya 51:6

Ọ́ tọrụ saakị So ḍikii; ó kiri mẹ ḍikii! Kịnị ḅarị So mẹ ẹrị ḅịa, onwin kaan so ye ọkụ. Kiri mẹ elemutẹ kapa kịka tẹ sịkịrị-faa ḅa, tẹ tomi mamgba ọmọmọ kịka tẹ fịị sara ḅa. Kụma arị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ kunoma ye sọ ḅa.

Ayịzaya 64:8

Kụma, KỊNỊNYANAḄỌ, wamịna Ḍaḅọọ. Wa ọgbọịn-lịka na kịkam, tẹ aḅaịn-ḅẹlẹ tẹmẹḅọ na kịkam. Ị́yẹrị wa tẹmẹm,

Jerimaya 32:17

“Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị So mẹ na Kiri mẹ na tẹmẹm í opu kụrọ ḅụ; ị́ ḅụụ ḅụụ-fụkama ḅaka gberie sọ ofori.

Zẹkaraya 12:1

Mie Izirẹlị gboloma oku tẹ KỊNỊNYANAḄỌ ḅe, So-tọrụ mẹ finjima pakama, tẹ Kiri mẹ tẹmẹ, tẹ ḍumo kẹ tomi pịrị ḅọ ḅe ḅara ḅo ye. Ori mẹẹ,

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.

Hiburu 12:27

Ẹkwẹn mẹ, “pịkị sin”, banabana ḅara kẹ wa ḍiearị mịnẹ ịn Tamụnọ tẹmẹ-aị ma jike tẹ arị saakị sin ḅa arị sime kiri ḅụ, mịẹtẹ inetẹ jike-a aị ma kirikọn ḅarị ḅara.

Mịẹfinji 3:14

“Mị ḍiri mẹ kẹẹ tẹ kẹ Lahodisiya ḅẹ sọsị mẹ ḅẹ enjẹlị ḅe fịrịmaa: “Mie Amẹnị ḅe ḅara ḅo oku mẹ, ḅioḅẹngbọ kẹ ḅụụ ḅụ gbana na-iḅi, karakara ḅẹrẹ kiri sime ḅọ ḅe, anie Tamụnọ tẹmẹ-aị mamgba ḅẹ ḅẹrẹtọn ḅọ ḅe.