Hiburu 1:1 - FỊAFỊA BAỊBỤLỤ

¹ Ḅọrọ tẹ sakị ḅụ Tamụnọ ịkịankoroapụ ma ḅụụ ḅọrọ tẹ, tọnwa asakị na tọnwa aḅọkọ na ḅụ ẹkwẹn wamịna atẹngịapụ ma pịrịm,

Hiburu 1:1 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Suku-saakị 6:3

Anịtẹso KỊNỊNYANAḄỌ ḅe nwẹnị ḅẹẹ, “Ị̀ ḍumo-pịrị-ọwụ mẹ ḅarị tomi oju ḅio sime gbamaso ḅịa, kẹ gotẹ ọkọ ḅẹẹarị, ini anie meni; kụma ịn ḍumo mu kụra sonioa asi (120) la ḅa.”

Jowẹlị 2:28

Miemẹ ḅọrọ tẹso, à ḅaka ḅara kẹ ị̀ Tẹmẹ kẹ ḅẹḅọ-ḅẹḅọ ḅụụ ḅio su ḅa: ọmịna owiapụ-awọmẹ na eremịna-awọmẹ na ì oku ḍuko wasama ḅa; ọmịna omongitẹ owiapụ ḍawọ kọn-kọn-kọn ḅa, tẹ ọmịna asawọ ma ịkịan ẹrị-ẹrị-ẹrị ḅa.

Luku 1:55

Ò ḅiokoroma tẹ ḍiki-ḅụụjịrị nyana Ebira-amụ na, pịkị ò furo-ḅẹ-apụ mamgba na pịrị gbamaso tẹ!”

Luku 1:72

Ọ̀ ḅẹẹm ọ̀ wamịna atẹngịapụ ma ḍiki tọrụ-kụrụkụrụ ḅa, pịkị ori ini na fị fịafịa ọḅọkụ mẹ kẹ ḅiokoroma ḅa.

Luku 24:27

Tẹ Jizọsị nwẹnị saakị Mozizi ḅụ ọkị mu ịkịankoroapụ mamgba la ḅụ, Fịafịa Ḍiri mẹ ḅio ọ̀ ḅụụ kẹẹ wararị aị ma ḍuko finji ịn pịrị.

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Jọnị 16:13

Anịsọ Tẹmẹ ḅe, tẹ Tamụnọ gboloma karakara mẹ mịẹfinjiarị ḅọ ḅe, ḅo sakị, Ori ọ́ kẹ mu bebe karakara mẹ ḅio suu ḅa. Ori ọ̀ ḅara-kuḅu ḅẹ kụrọ kẹ ẹkwẹn ḅịa, kụma ọ̀ naa ye mie ò ḍuko ḅarịye, tẹ pịkị tọrọkọ-jụ paka ḅarị aị sọ ḍuko ọ́ pịrị ḅa.

Jọnị 7:22

Mozizi tọn ọ́ pịrịm mịnẹ ọmịnị ọmịna owiapụ awọmẹ tarị-ḅụụ sin (karakaraye Mozizi rẹ anị saakị-a, kụma ọmịna atẹngịapụ ma), tẹ mie ḅụ Ịnyọsara-Ene mẹ ḅụ sọ ọmịna owiḅọtụḅọ tarị-ḅụụ sin-arị.

Jọnị 9:29

Wa nimim Tamụnọ ẹkwẹn Mozizi pịrịm, nwẹn ḅẹẹ Jizọsị ḅe kịngẹ kụma, anị sime-ḅara sime-ḅara sọ, ò ḅo anga tọ-anga-o tọ-anga-o, wa nimi-a!”

Fịrịmẹnjịapụ 13:32

Wa Iḅi-Oku mẹ ḍuko ọ́ pịrịarị: Tamụnọ minini wamịna atẹngịapụ ma pịrị ye mẹ,

Fịrịmẹnjịapụ 2:30

Ori ḅe ịkịankoroḅọọ, ọ̀ pịkị Tamụnọ minini ọ̀ pịrị ye nimim. Tamụnọ ye karị ḅara kẹ mininim mịnẹ ò Devidi furo ḅụ paka-ḅo kẹ ama-dama ḅa, ori Devidi ḅe sime-ḅara sime ḅọ.”

Fịrịmẹnjịapụ 28:23

Mie ḅụ ịn nwẹnị Pọlụ na ene pẹlẹ, tẹ ene mẹ laa tẹso, ini ikutẹ ḅara kẹ Pọlụ sime anga mẹ sọ ḅinm, tẹ dede-ḅio ọkị mu ḅoḅiri la ọ̀ nwẹn kẹ Tamụnọ Ama-da mẹ sime-ḅara puu-finji tẹ anị ḅẹ ẹkwẹn kọn ịn pịrịm. Ọ̀ pịkị Mozizi Oloko mẹ na ịkịankoroapụ ma na kẹẹ koroma aị ma na kẹ tọnma, tọnma tẹ mịẹtẹ in Jizọsị gbolomaye mẹ minini ḅẹ ḍọkịm.

Fịrịmẹnjịapụ 3:21

Tamụnọ fịafịa ịkịankoroapụ ma, ala lamatẹ sakị ḅụ ḍumo-sime apụ ma, Anịngẹ-kụraḅio ḍuko wasama ḅara ḅụ, ò So-ḅio sime nwenii Tamụnọ ye goyegoye mịẹ ịwọma ḅẹ sakị la ḅa.

Hiburu 11:18

Tamụnọ tarị ḍuko ọ̀ pịrị ḅọrọma tẹ, “Ayịzịkị ḅụ mie ị́ ḅọrọ tẹ à minini ị́ pịrị awọmẹ ma nyana ḅarịye.”

Hiburu 11:2

Elemu sakị ḅẹ apụ ma, ịn nyana minini ḅụ mie Tamụnọ ḅọrọ tẹ ịn kẹ karakara atomi kịẹn ye.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

Hiburu 2:2

Enjẹlị apụ ḅụ ḅọrọ ḅo wamịna atẹngịapụ ma la oku mẹ karakara ye sọm, tẹ anị ḍukamẹnjị tẹ anị ḅẹẹ ḅara mịẹ-a apụ pịkị ịn da na-iḅi fomu-ḅara dam.

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Hiburu 3:5

Mozizi ḅe, fịrịmẹnjịḅọ ḅara, mie ọ̀ kẹ Tamụnọ warị mẹ ḅio ḅioḅẹngbọ-kẹ-sịrẹrẹ-niḅi ḅọ ḅara mẹ sime ye, tẹ ọ̀ nwẹnị tọrọkọ-jụ ḅụ Tamụnọ ḍuko ḅarị aị ma ḅẹ ịba-fị.

Hiburu 4:8

Jọsụwa nwẹnị Tamụnọ minini tomi ma pịrị ịnyọsara mẹ kẹ ịn pịrị namịna, Tamụnọ ḅarị jen Ịnyọsara-Ene gbolomaye ḍuko ḅịa, anị sakị mẹ ḅọrọ tẹ sọ.

Hiburu 5:5

Anị gbọrụ ḅara mẹ ḅụ, Kịrayịsị ḅarana Sịḅịda-Agbamịẹḅọ kụn mẹ ọkị ḅụụ pịrị-a. Anie nakara Tamụnọ ọ̀ ḅẹẹm, “Ị́yẹrị ị̀ Tụḅọọ; mịmgba mie àrị ị́ Ḍa sọ ye.”

Hiburu 9:19

Tarị ye, Mozizi Oloko mẹ tọn koroma aị mamgba ḍuko pakama tomi ma pịrịm. Anịtẹso ọ̀ nwẹnị nambulo na oḅori ọmbie na tẹ minji kẹ gwa tẹ ye ọkị tẹ ịwọ oronwi-ḍiri sịn-ịkpangị na, awụ isuke na kẹ anị gbọn-gbọn tẹ kẹ Oloko Ḍiri mẹ na tomi mamgba na asana.