Egberima-Ẹkwẹn 4:3 - FỊAFỊA BAỊBỤLỤ

³ À paa kala wararị sakị ḅụ, ị̀ ḍa-na-iyingi-na ngẹrị tụḅọ ḅara ḅụ,

Egberima-Ẹkwẹn 4:3 Iomraidhean Croise

1 Paka-aị 22:5

Gbala Devidi ḅẹẹm, “Ì owiḅọtụḅọ Sọlọmọnị ḅe ori asambịrịma wararị, tẹ ọ̀ sịḅịḅio-kuḅua, anịsakị warị mẹ tẹ nama kẹ KỊNỊNYANAḄỌ ḅe pịrị ḅarịye mẹ iḅi ḅụra nyanam, tẹ ama mamgba ikelema-koro ḅụ ereso tẹ ebube nyana ḅa; ọkọẹrẹsị à tẹlẹma anị pịrị ḅa.” Anieḅụ Devidi gburo-gburo ḅara kẹ warị nama aị kobiri tẹrẹmẹ ọ̀ fịịm.

1 Paka-aị 29:1

Devidi, amadaḅọ ḅe nwẹnị kobiri-ogbo mẹmgba ḅẹẹ, “Ì owiḅọtụḅọ Sọlọmọnị ngẹrị oriḅe tẹ Tamụnọ sẹlẹ ọkị tẹ ḅọ ḅe ori asambịrịma wararị tẹ sịḅịḅio-kuḅua, kọrịnama mẹ pịkị gburo-gburo wararị; kẹ gotẹ ọkọ ḅẹẹarị, amadaḅọ warị mẹ sime tomḅọ pịrị ḅịa, kụma KỊNỊNYANA-TAMỤNỌ ḅee.

1 Paka-aị 3:5

Mịna apụ ma ịn nwẹn iyi ọ̀ pịrịm Jeruselemu ḅụ Simiya na, Sobabụ na, Netanị na, Sọlọmọnị na; Amịyẹlị ẹrẹḅọtụḅọ Batisẹba mịna ini apụ ma iyim.

Jerimaya 10:23

KỊNỊNYANAḄỌ, à nimi wararị mịnẹ wamịna ḅụ gbọrụḅọ-sọ amịna ḅụ paka ḅẹ ye kụrọ nyana-a gbọrụḅọ-sọ mḅọ ḍumo ọlọ-sịẹma kụrọ nyana-a.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Romu 12:16

Ọ́ gbọrụ ḅara kẹ ḅẹḅọ-ḅẹḅọ balaa. Ọmịnị opu amịẹaị mịẹ ma, kụma ọ́ ḅụụ lẹgịma tẹ kọrịnama kọrịị. Ọ́ ḅụụ kẹ ye-nimi ḅara ọkị ma.