Egberima-Ẹkwẹn 4:2 - FỊAFỊA BAỊBỤLỤ

² À kẹ í tolumarị ye mẹ iḅim, ọkọ ẹrẹsị anịmgba kẹ ḅiokoromaa.

Egberima-Ẹkwẹn 4:2 Iomraidhean Croise

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

2 Paka-aị 7:19

Kụma ị́ nwẹnị tọrụ pịkị jen anga da tẹ ị̀ oloko ma tẹ kẹẹ wararị aị ma na, à tọn aị ma na tẹ à kẹ ị́ tọrọkọ koroma aị ma sịkị, tẹ fịrịmẹnjị oru-atamụnọ pịrị tẹ sunsin ịn pịrị-pịrị,

Jobu 11:4

Kẹ gotẹ ọkọ ḅẹẹarị, ị́yẹrị mẹẹ: Ì ḍukoye mẹ karakara wararị, anịsakị Tamụnọ tọrụ-ḅio à fịafịa wararị.

Jobu 33:3

Ị̀ ẹkwẹn ì ḅioḅẹngbọ mẹ ḅẹ karakara ḍie pakamarị, anịsakị ị̀ aḅịḅị-ḅọkọ ma nimi ye, mie arị karakara ḅara kẹ ḍukoarị.

Devidi-Anume 119:87

Kẹlẹ kọnm ini ị̀ ḅaa tẹ, kụma amụ àrị ị́ tọn kuroma aị ma ḍiki-tọrụsin-a.

Egberima-Ẹkwẹn 3:1

À kẹ í tolumarị ye kẹ ḅioḅọrọma ma, ị̀ tụḅọ. À ḍuko ị́ pịrịarị ị́ mịẹ ḅẹ ye mẹ kẹ sakị mamgba ḅiokoromaa.

Jerimaya 35:8

Jonadabụ kẹ wa pịrịm wa mịẹ ḅẹ aị mamgba wa poki tẹ mịẹ tẹẹ, wamịnị-o, wamịna tapụ-o, wamịna owiapụ-awọmẹ-o, wamịna eremịna-awọmẹ-o, gbala-gbala iru ḅuu-ḅuu-a,

Ditẹrọnọmị 32:2

Yee ì tolumaye eene mẹ koro ḅara koro, ị̀ ẹkwẹn, igirigi ye deinma ḅara deinma, deinma koro eene mẹ kpọ-a osuka ọgọnọ sime-ḅara sime, tẹ nwẹịn-nwẹịn eene asụan ọgọnọ sime-ḅara sime.

1 Timoti 4:6

Ị́ ma ịn mịẹ ḅẹ aị ma ḍuko mịnapụ ma pịrị kụma, ị́ Kịrayịsị Jizọsị iḅi fịrịmẹnjịḅọ sọ ḅa, anie ḅioju nwẹnị minini ẹkwẹn ma na, í ḍukamẹnjịarị karakara tolumaye mẹ na kẹ tẹmẹ fịye sọma fị-fị.

Tayịtọsị 1:9

Mḅọ kụrọma minini na-iḅi tẹ karakara tolumaye mẹ tẹ oku mẹ na kura wararị ye ọlọ-sịẹma wararị ḅọ sọọ. Mị ḅọkọ ḅụ mḅọ inetẹ karakara tolumaye mẹ kẹ ja apụ ḅiokpọma tẹ anị na tụḅụrụarị apụ ma irima anga kẹ in ḍie ḅa.