Egberima-Ẹkwẹn 3:3 - FỊAFỊA BAỊBỤLỤ

³ Ḅioḅẹngbọ-kẹ-sịrẹrẹ-niḅi ḍumo na karakaraye mịẹ na wẹrịso ma; arị kẹ mịẹ-mịẹye sọmaa, tẹ sakị mamgba arị mịẹ kẹ ḅiokoromaa.

Egberima-Ẹkwẹn 3:3 Iomraidhean Croise

2 Samụẹlị 15:20

Mị ḅịẹịn-ḅịẹịn mie í ḅo yee, anịsakị ndẹẹ à mịmgba ḅụ ị́ mịẹ tẹ ị́ wamịnị na irima-irima mẹnjị ma-ḅọrọ ḅẹ ḅara, ị́ ẹrịarị à soarị, àrị à muarị anga nimi-a. Pịkịma-soo, tẹ ị́ amịnapụ kẹ ị́ ḅụụ sụa soo; anịsakị KỊNỊNYANAḄỌ ḅe jike-a ḅẹlẹma na, minini na nyana ọ́ pịrịị.”

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 25:10

Ori ọḅọkụ mẹ koko tẹ ọ̀ tọn aị ma mịẹarị apụ ma, ò ḅioḅẹngbọ-kẹ-sịrẹrẹ-niḅi ḅara na ḅẹlẹma na kẹ ịna tọrọkọ-sụn muarị.

Devidi-Anume 85:10

Ḅẹlẹma na ḅioḅẹngbọ-kẹ-sịrẹrẹ-niḅi ḅara sime na donia ḅa; karakara mịẹ na dein na fịnama ḅa.

Paka-so 13:9

Anịsakị anị ọmịna ḅara-kọngọ ḅẹ elekima na, ọ́ tọrụngbọ kẹ ẹrị tẹ kẹ ḅiokoroma ḅẹ ye na sọ ọ́ pịrị ḅa, mịẹtẹ KỊNỊNYANAḄỌ ḅe Oloko mẹ ọmịna ḅịḅị-ḅio sime ḅẹ ḅara, kẹ gotẹ ọkọ ḅẹẹarị, ịnyọ nyanatẹ ḅara-kọngọ mie KỊNỊNYANAḄỌ ḅe kẹ Ijiputi ḅụ ọ́ pakama-ḅo ye.

Paka-so 34:6

KỊNỊNYANAḄỌ ḅe ọ̀ tọrọkọ ḅụ mẹnjị-ḅọrọm, tẹ ḍuko pakamam, “KỊNỊNYANAḄỌ ḅe, Yẹrị anie KỊNỊNYANAḄỌ ḅee, sịḅị-kụrụkụrụ na ḍiki-ḅụụjịrị na nyana Tamụnọ, kpekele ịganị ịganị-a tẹ jike jike-a ḅẹlẹma nyana ḅọ, pịkị ḅioḅẹngbọ-kẹ-sịrẹrẹ-niḅi ḅọ.

Egberima-Ẹkwẹn 1:9

Ịn kẹ í tolumarị ye mẹ í ye-mịẹ-ḅara iḅima ḅa, anie iḅi sun anịanịa pọkọsụaye tomḅọ mị tẹ mḅọ tọrụ-gbẹ ḅara sime-ḅara.

Egberima-Ẹkwẹn 14:22

Í iḅiye gotẹ namakọrịarị ḅẹḅẹ, ja atomi ḅioḅẹngbọ kẹ ị́ ḅụ gbana tẹ pịkị kụn kẹ ị́ pịrị ḅa; í siye gotẹ nama kọrịarị ḅẹḅẹ í kura-aye mịẹarị.

Egberima-Ẹkwẹn 16:6

Sịḅị-tuu tẹ pịkị ḅioḅẹngbọ kẹ ḅụụ ḅụ gbana na-iḅi ḅara simee, tẹ Tamụnọ í si-wẹrịso ḅa. KỊNỊNYANAḄỌ ḅe ḅịḅị pokii, anịsakị gbọrụ siye sọ ị́ ḅụụ paka ḅịa.

Egberima-Ẹkwẹn 20:28

Amadaḅọ da tọrọkọ-tọrọkọ mu ḅa, ori ama-da mẹ ḅụ kịnị mingirima-a na, karakara na, tomḅọ la kiri kẹ mḅọ pịrị na emi ḅẹḅẹ.

Egberima-Ẹkwẹn 6:21

Sakị mamgba ịna ẹkwẹn ma kẹ ị́ ḅụụ ḅio koko, í ḅioḅẹngbọ ḅụ arị ịkasị wẹrị.

Egberima-Ẹkwẹn 7:3

Sakị mamgba ì toluma yee kẹ ị́ ḅụụ kpekimaa; anị kẹ í ḅiokoromaa, sakị mamgba.

Jerimaya 17:1

KỊNỊNYANAḄỌ ḅe mẹẹ, “Juda ḅẹ apụ, ọmịna si mẹ ikulele ḍiri kẹẹ ye mie ịn kẹ anị kẹẹ yee; damịnị ḅịḅị nyana ye-kẹẹ-ye mie ịn kẹ anị kẹ ọmịna aḅioḅẹngbọ ḅụ kẹẹ ye, pịkị ọmịna agbamịẹ-anga ma ịkọlị ma ḅụ na.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Malakayị 2:6

Ịn kuraye tolumam, kura-aye-a. Ini ị̀ na ḅịḅị-kẹ-ogbosọ ḅara angam; ini ḅioju karakara mịẹm ngẹrị-a, kụma ịn ḅarasụa tọnwa-apụ pịrị tẹ ịn siye mịẹ-a ḍumo kọnm.

Matiyo 23:23

“Ọmịnị Oloko Tolumapụ na Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ịn kẹ fụlọ ḅẹlẹmarị ọgụ ma tẹ ịn kẹ minti na, dili na, kumini na sịn aị ma sọ ọmịnị arị kẹ oyia akiri ḍiya ḍiya tẹ gbọrụ kiri kẹ mu Tamụnọ pịrịarị, Oloko mẹ koko gotẹ, kụma Oloko mẹ ḅẹ karakara tẹ pịkị kụrọ nyana wararị pakịrị mẹ ọ́ kẹ ye-sịn-a, anie karakara mịẹ na, ọkụrụkụrụ nyana jen-apụ pịrị na, kịnị mingirima-a amịẹaị na. Mịna aị ma rẹ mie ọ́ sụntẹ mịẹ na-iḅi aị, osi-aị ma ḍiki-tọrụ sin-a ḅara ḅụ.

2 Kọrịntị 3:3

Anị giregire wararị, mịnẹ Kịrayịsị ḅarana mị ḍiri mẹ kẹẹ tẹ kẹ wamịna ḅara fịrịmam. Ịn ḅuruma kẹ kẹẹ-a, kụma ḍumo wararị Tamụnọ ḅe Tẹmẹ ḅe mie ịn kẹ kẹẹ ye, pịkị ḍụḅarị ḍiri kẹẹ aị ọgọnọ-a, kụma tomina aḅioḅẹngbọ ḅụ.

Ẹfisọsị 5:9

kẹ gotẹ ọkọ ḍukoarị, bele anie iḅiọkụ iḅi ye mịẹ ḅara goyegoye na, karakara mịẹ na, karakara na pakama-ḅoarị.

Ditẹrọnọmị 6:8

Ọmịnị arị kẹ elekima sọma ọmịna ḅara ḅụ fịna ḅa, tẹ arị ọmịna tọrụ-ogbo emi aị sime-ḅara sime ọ́ pịrị ḅa.

Hiburu 10:16

“KỊNỊNYANAḄỌ ḅe ḍukom, mie àrị ini na fị ḅarị ọḅọkụ mẹ, ḅo ḅarị ene ma ḅụ: Àrị ì oloko ma kẹ ịna aḅioḅẹngbọ suu tẹ árị kẹ ịna akuroma ḅụ kẹẹ ḅa.”