Egberima-Ẹkwẹn 26:4 - FỊAFỊA BAỊBỤLỤ

⁴ Ị́ ofori-ofori-aị ḍukoarịḅọ gbela ye pakịrịarị ḅẹḅẹ, ị́yẹrị sọ anị gbela ḅọ ḅe ofori-ofori aị ḍukoarị ḅọ sime-ḅara mẹ sime tẹẹ.

Egberima-Ẹkwẹn 26:4 Iomraidhean Croise

1 Amadapụ 12:14

asawọ ma kẹ wẹrịtẹ ọ̀ datụkụma ḅara, ori mẹẹ “Ị̀ ḍa iku-aị kẹ ọmịna ọgọnọ gbanam: àrị arị mịẹtẹ arị iku ḅaka ḅa. Fomuye mịẹ ọ̀ kẹ ó fomu-fomuye, kụma asụ-fomuye mịẹ à kẹ ó fomu ḅarịye”

1 Amadapụ 12:16

Bebe Izirẹlịapụ mamgba ḅo amadaḅọ ḅe kẹ in poki-a ḅara mẹ ẹrị tẹso, tomi ma nwẹnị amadaḅọ ḅe pakịrị, “Wa Devidi ḅụ tọ ḍiekiri nyana? Jese owiḅọtụḅọ ḅe ḅụụ wa ḍuḅu fị nyana-a. Yei Izirẹlịapụ, ‘ọrụ-warị-warịye-gbọ-kị-gbọ’! Devidi, tọrụ-pịkị ị́ nyana warị mẹ ḍikii mịọkụ.” Anieḅụ Izirẹlịapụ mamgba nwẹnị so ịna warị mu.

Egberima-Ẹkwẹn 17:14

Ye-nụnụa minji dasịẹma-ye tarị siiarị anga kịkam; anị dasịẹma tẹrẹmẹ anị ḅo si ḅaka sakị la.

Egberima-Ẹkwẹn 23:9

Sịḅịḅio-nyanaḅọ ḅara kẹ ẹkwẹn oḅori-ḅọ pịrị ma; ori anị ḅẹ iḅi ḅara lekiri ḅịa.

Egberima-Ẹkwẹn 26:5

Ofori-ofori pakịrị ḅịḅị kẹ ofori-ofori gbela ye mẹ pịrị, anịsakị gbela ḅọ mẹ nimi ḅa mịnẹ mḅọ kuromarị mḅọ aka ḍin lamam ḅẹ ḅara mẹ mḅọ ọkọ sime-a.

Egberima-Ẹkwẹn 29:9

Sịḅịḅio nyanaḅọ ḅe oḅori-ḅọ kẹ ḅẹrẹ-siri muarị sakị, oḅori-ḅọ ḅe ḍẹrị kịngẹ mie ọ̀ ḍẹrịarị, tẹ oloku-oloku tẹ ò woriarị.

Ayịzaya 36:21

Tomi ma nwẹnị gbọsime, Ama-da Hẹzịkaya ḍuko ịn pịrị gbọrụ ḅara mẹ; ẹkwẹn gbọrụmgbọ-sọ ịn kọn-a.

Matiyo 7:6

“Ị́ ḅụụ yela ye kẹ koroma obiri amẹẹ ma pịrị ma, ịn mịẹ ḅarịye anie pịkị tẹ owu kẹ ị́ paka. Yela lama tẹ pọkọ sụa aị kẹ opuropo amẹẹ ma tọrọkọ koroma ma, ịn mịẹ ḅarịye anie ḅụọ kẹ arị nanga kiri pịrị.

1 Pita 3:9

Ó si kẹ si gbẹẹ ma; ọ́ pịkị ó wori apụ wori ọkị ma; anie nakara, boma rẹ kẹ anị gbẹẹ, gbala boma mie Tamụnọ ọ́ sịn sakị ọ̀ kẹ ọ́ pịrị ḅẹ tẹ minini ye ẹrẹsị.

Judu 1:9

Mayịkẹlị sịḅịda enjẹlị ḅe sọ ọkọ sime ye mịẹ-a. Ori na Ekwesu ḅe na Mozizi oju akpakpa mẹ gotẹ ye-nụnụa sakị, Mayịkẹlị ḅe ò si ẹkwẹn kọn Ekwesu ḅe ọgọnọ gbana-a, kụma ọ̀ ḅẹẹm, “KỊNỊNYANAḄỌ ḅe í ḍiki-ịganịị!”