Egberima-Ẹkwẹn 26:2 - FỊAFỊA BAỊBỤLỤ

² Wori-anume inetẹ ị́ ịnọ ḅịa arị ị́ kịkarị sikima. Arị kịkarị aị anie fiin ḅọrọarị tẹ gbala-gbala sịẹsime-a afeni.

Egberima-Ẹkwẹn 26:2 Iomraidhean Croise

2 Samụẹlị 16:12

Sosi-ọkụma KỊNỊNYANAḄỌ ḅe toluma ị̀ ḅụụ-fụka mẹ ḍiki ḅa, anịsakị anieḅụ KỊNỊNYANAḄỌ ḅe mịmgba ị̀ ọgọnọ ḅụ mị karịye mẹ gotẹ iḅi kẹ ị̀ gbẹẹ ḅa.”

2 Samụẹlị 16:8

KỊNỊNYANAḄỌ ḅe ị́ ọgọnọ Sọlụ warị mẹ ọmbie mẹmgba gbẹẹfị ḅii tẹ, oriḅe sime-kiri mẹ tẹ ị́ ọkị tẹ ama-daarị ḅọ ḅe; anịsakị KỊNỊNYANAḄỌ ḅe ama-da mẹ kẹ í owiḅọtụḅọ Abusalọmụ ḅara-ḅio ọ̀ pịrị tẹ. Ḍikii, í sima sara ye mẹ ị́ ọgọnọ emi, ị́yẹrị anie kịnị-ḅa-sofị.”

Nehimaya 13:2

Kẹ gotẹ ọkọ ḅẹẹarị, in fịye na minji na kẹ ḅo Izirẹlị ḅẹ awọmẹ ma na bịama-a, kụma in da-paka gotẹ in Balamụ ọkọm ori in wori — anịsọ wamịna Tamụnọ wori nume mẹ pịkị boma mịẹm.

Devidi-Anume 109:28

Yee ini ye gbo ị̀ pịrị, kụma ị́yẹrị ì boma ḅa. Yee owu ị̀ ḅaa ḅẹ ḍọkịarị apụ ma ḅara si, tẹ yee yẹrị, ị́ fịrịmẹnjịḅọ ḅe, ḅioḅẹlẹ.

Egberima-Ẹkwẹn 27:8

Warị koroma-so wararị tomḅọ ḅe kịkarị ye amịna warị ḅụ ḅele-fa wararị feni.

Ayịzaya 16:2

Ini Anọnị Tọrụ Akaka ma ḅụ sime tẹ koru tẹ mu ḅẹ anga nimi-a apụ ḅara kẹ mẹnjị iwo-na-ideri-naarị, tẹ feni-warị ḅio dee-pakama tẹ afeni kịkarị.

Kịẹn-aḅịḅị 23:8

À tọ-ḅara kẹ inetẹ Tamụnọ amụ wori-a ḅọ wori ḅẹ? À tọ-ḅara kẹ inweni-ogbo ḅụ ẹkwẹn tụḅụrụma KỊNỊNYANAḄỌ ḅe amụ ọkọ kẹ mịẹ-a ḅọ pịrị ḅẹ?

1 Samụẹlị 17:43

Tẹ Filisiteniḅọ ḅe nwẹnị Devidi ḅẹẹ, “Yẹrị obiri tẹ ị́ sịn-ikiḅa kẹ ị̀ dama-ḅo?” Tẹ Filisiteniḅọ ḅe nwẹnị ori oru-atamụnọ ma ḅụụ ye karị Devidi pịrị.