Egberima-Ẹkwẹn 26:1 - FỊAFỊA BAỊBỤLỤ

¹ Oḅori-ḅọ tokini mẹ, anie mịẹ-mịẹ ye-a; anị kịkarị ye anie ịrụa kụra ḅụ sararị eene-mgbọ So-tọrụ ḅụ, anịanịa fịaị soku-sakị ḅụ koroarị eene.

Egberima-Ẹkwẹn 26:1 Iomraidhean Croise

Ẹsịta 4:6

Ataki nwẹnị paka opu ama mẹ ogboku amadaḅọ ḅe ogigo-ḅọkọ mẹ tọrọkọ ḅụ Mọdịkaya ḍọkụma-mu,

Ẹsịta 4:9

Ataki nwẹnị mu Mọdịkaya ḍuko ye ḍuko Ẹsịta pịrị.

Devidi-Anume 12:8

Si-sịḅịḅio-sụa apụ ma papaa mẹnjịma-mẹnjịmarị Tomi sịḅị-ngụngụnma amịẹaị kẹ ye sịn tẹ mịẹarị sakị.

Devidi-Anume 15:4

Ọ̀ Tamụnọ sịkịarị apụ ḍiki-simarị, kụma ọ̀ KỊNỊNYANAḄỌ ḅe ḅịḅị pokiarị apụ kụn-arị. Sakị mamgba ori ò minini ye mịẹarị, anị ọ̀ ḅụụ sima ye sima ye sọ.

Devidi-Anume 52:1

Kụrọ tomḅọ, tiye ẹrẹsị í í si kẹ ḅụụ-bomarị? Tamụnọ ḅẹlẹma mẹ sime gbamasom.

Egberima-Ẹkwẹn 17:7

Kịnị kụn kẹ pịrịarị apụ iruo-aị ḍuko-ḍuko-a, tẹ oḅori-sọarị atomi ḍuko ḅo tẹ mịẹye ḅụ sọ ḅẹ gberie sọ ofori.

Egberima-Ẹkwẹn 19:10

Oḅori atomi woso-woso ḍumo kọn ma, tẹ omoniapụ pịkị ḅẹrẹtọn karakara atomi pịrị ma.

Egberima-Ẹkwẹn 26:3

Ị́ asụ fomu nyanam; ị́ yedogi-nama ḅịḅị kpọọ nyanam; í oḅori-ḅọ fomu-kọsịma nyanam.

Egberima-Ẹkwẹn 26:8

Oḅori-ḅọ tokini mẹ ye ḅụụ ofori ḅara anie, ḍụḅarị kẹ ị́ katapọtị ḅụ kpọọ tẹ tẹịn ye ḅụụ ofori ḅara.

Egberima-Ẹkwẹn 28:16

Iḅi-sịḅịḅiosụa-a ḅẹrẹtọnḅọ ḅe tẹ guda-guda ḅara kẹ kịnị na mịẹarị ḅọ mẹ ajagidi sọ ḅa. Kịnị mingirima ḍiki-ḅioḅuarị ḅẹrẹtọnḅọ ḅẹrẹtọn alama ḅa.

Ḅẹrẹkọn-apụ 9:20

Kụma anieofori-ofori, yee kọrị fịnị Abimẹlẹkị ḅụụ paka-ḅo tẹ Sẹkẹmụ ḅẹ apụ ma na, Bẹtị-Milo ḅẹ apụ na dọkịma guluguluma; anịsakị yee Sẹkẹmụ ḅẹ apụ ma na, Bẹtị-Milo ḅẹ apụ ma na ḅụụ kọrị fịnị paka-ḅo tẹ Abimẹlẹkị dọkịma guluguluma.”

Ḅẹrẹkọn-apụ 9:7

Ini anị ḍuko Jotamụ pịrị tẹso, ọ̀ nwẹnị mu Gẹrịzimu Tụndụ mẹ ḅẹ sịḅị mẹ ọgọnọ-jụ sịẹsime, tẹ oloku pakama tẹ ịn ḅẹẹ, “Ọmịnị ì pokii, ọmịnị Sẹkẹmụ ḅẹ apụ, mịẹtẹ Tamụnọ ó poki ḅẹ ḅara.