Egberima-Ẹkwẹn 22:5 - FỊAFỊA BAỊBỤLỤ

⁵ Í í ḍumo ḅẹlẹmarị ḅẹḅẹ, etela akaka ḅụ si-sịḅịḅio-sụapụ ma kuun-sịẹma-sịẹma ḍiein ma ḍiki ḅụụ-kịẹn.

Egberima-Ẹkwẹn 22:5 Iomraidhean Croise

Jobu 18:8

Kẹ gotẹ ọkọ ḅẹẹarị, ori ori aḅụọ na mẹnjị mu ịgbọ ḅio sụka tẹẹ, tẹ ọ̀ mịẹkọn ọgọnọ mẹnjịm.

Devidi-Anume 11:6

Ori ọgọnọ sime tẹ kọrịarị anyịmgbọ na ọpọlị kịkaye na kẹ si-sịḅịḅio-sụapụ ma fịrịmarị: oju dọkịmarị fẹrụ mie ọ̀ kẹ in fomuarị.

Devidi-Anume 91:1

Ḅẹḅọ-ḅẹḅọ tẹ ye mḅọ lama gotẹ KỊNỊNYANAḄỌ ḅẹ ḍọkụma-muarị ḅọ mẹ, ḅẹḅọ-ḅẹḅọ tẹ Kụrọ mamgba Nyanaḅọ ḅe gbaịn wararị ḅọ mẹ,

Egberima-Ẹkwẹn 13:15

Sịḅịḅio nyana ḅọ mẹ tomi kụn kẹ mḅọ pịrịarị, kụma kịnị ḅioḅẹngbọ kẹ ḅụụ ḅụ gbana ḅịa apụ ma fa ḅio sọ-sọ etela mie ịn mẹnjịarị.

Egberima-Ẹkwẹn 13:3

Ị́ kọn-arị ẹkwẹn bala-a, tẹ í ḍumo wẹrị kpaịnmaa. Bala-a ḅara kẹ ẹkwẹn-arị ḅọ mẹ mḅọ ḅụụ ḅaa-gulugulumarị.

Egberima-Ẹkwẹn 15:19

Ị́ kọrịnama ḅụụ-lọkọ nyana wararị ḅẹḅẹ, í mu anga mu anga ye ị́ ḅụụ-fụkama ḅa, kụma ị́ kịnị mingirima-mingirima-a ḅẹḅẹ, ị́ ḅụụ-fụka nyana ḅịa.

Egberima-Ẹkwẹn 16:17

Ini tẹ iḅi wararị apụ ma ịn ḅọrọ ye-muarị etela ḅụ in siye kọkọrọarị; mie ḅụ í muarị anga ẹbịị — anị í ḍumo ḅọrọma ḅa.

Egberima-Ẹkwẹn 19:16

Tamụnọ oloko ma kokoo, anịsakị í ḍumo nangwọ ḅa; ị́ arị kẹ ye-sịn-a kụma ị́ fịị ḅa.

Egberima-Ẹkwẹn 22:4

KỊNỊNYANAḄỌ ḅe ḅịḅịpoki, ḅụụ-iderima, tẹ ị́ ngọ na, kụn na nangwọ ḍumo na nyana ḅa.

Egberima-Ẹkwẹn 29:6

Si-apụ ịna asi in kun sịẹmarị sakị kịnị mingirima-mingirima-a apụ ḅioḅẹlẹ ma mẹnjị ma-ḅọrọarị.

Egberima-Ẹkwẹn 4:19

Anị sime-ḅara sime-ḅara sọ, Si-sịḅịḅio-sụa apụ ma etela mẹ ḍin kanakana ḅara kanakana wararị. Ịn ḅịkịarị, kụma ini inetẹ ịna aḅụọ bịan tẹ ịn pụmbụ ye sọ ẹrị-a.

Jọsụwa 23:13

piki-pikiye-ofori ḅara ḅụ ó nimi mịnẹ KỊNỊNYANAḄỌ ọmịna Tamụnọ ḅe ḅarị ọmịna tọrọkọ ḅụ mịna opu asịẹ ma dee-dee pakama tọrọkọ-tọrọkọ mu ọ́ pịrị ḅịa, kụma ịn ḍiein na, olulu na, kẹ ọmịna agaga ḅụ ó fomu ḅẹ fomuye na ọmịna atọrụngbọ ḅio nangị na sọ-sọ ọ́ pịrị nwenii mị iḅi ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ama mẹ ḅụ ọ́ fịị fa fama ḅa.”

1 Jọnị 5:18

Wa nimi wararị mịnẹ Tamụnọ tụḅọ tẹ si mịẹ-mịẹ tọrọkọ mu ḅẹ ḅọ ofori, kẹ gotẹ ọkọ ḍukoarị, Tamụnọ Tụḅọ Jizọsị ḅe mḅọ ḍikiḍikiarị, anịsakị Ekwesu ḅe inetẹ ye kẹ mḅọ lama ḅịa.